Bændablaðið - 11.09.2007, Blaðsíða 2


,,Ég held að raunsæir menn séu
sæmilega ánægðir með kjötverð
til bænda á þessu hausti en það
hefur hækkað um 7,5% og þessi
hækkun heldur í við verðlagið og
á að vega upp það sem útflutn-
ingsskyldan hækkar, eða úr 10%
í fyrra í 16% í ár. Menn verða
að gæta þess að verðleggja ekki
lambakjötið út af markaðnum en
það hefur ekki gengið vel að koma
út hækkunum á kjöti,“ sagði
Jóhannes Sigfússon, formaður
Landssamtaka sauðfjárbænda, í
samtali við Bændablaðið.
Hann sagði að bændur í Norður-
Þingeyjarsýslu hefðu nú lokið hey-
skap, hey væru góð og heyfengur
með besta móti. Dálítil væta í byrj-
un júlí varð til þess að fyrri sláttur
var ágætur og há hefur sprottið vel.
Jóhannes sagðist telja að heyskapur
í ár kæmi betur út en í fyrra.
Sumarslátrun er hafin og menn
hafa sent til slátrunar þau lömb sem
verið hafa hvað næst byggð. Kjötið
hefur verið heldur feitt en sláturtíð
hefst ekki fyrr en í september.
Jóhannes sagði að efnamenn
úr höfuðborginni væru byrjaðir að
bjóða í jarðir í Þistilfirði og væru
það að sjálfsögðu jarðirnar sem
ættu land að hinum frægu laxveiði-
ám í firðinum. Ekki sagðist hann
vita til þess að neinn hefði selt enn
þá enda væru menn ekkert hrifnir
af þessum heimsóknum. S.dór
Í síðasta tbl. Bændablaðsins var
greint frá því að nokkrir bændur
í Nesjum í Hornafirði hafi stefnt
íslenska ríkinu og kafist þess að
úrskurður umhverfisráðherra
frá 11. maí sl. um matsáætlun
vegna mats á umhverfisáhrifum
um lagningu hringvegarins um
Hornafjarðarfljót verði felldur
úr gildi. Uppi hafa verið hug-
myndir um þrjár leiðir með veg-
inn yfir fljótið. Þær eru kallaðar
leið 1, 2 og 3. Bændur í Nesjum
hafna þeim öllum og leggja til að
fleiri kostir verði kannaðir.
Bændur og landeigendur vestan
Hornafjarðarfljóta eru á öðru máli.
Þeir vilja að farin verði leið 3 og
með þeirri leið hefur bæjarstjórn
Sveitarfélagsins Hornafjörður
einnig mælt. Í ályktun sem 12
ferðaþjónustufyrirtæki á Mýrum
og í Suðursveit sendu bæjarráði
Hornafjarðar sumarið 2006 er því
fagnað að loks skuli vera í sjónmáli
stytting vegarins og segja m.a.:
Ferðaþjónustan mikilvæg
,,Ferðaþjónusta er vaxandi atvinnu-
grein og mikil uppbygging hefur átt
sér stað í þessum sveitum hvað það
varðar og sem óþarft er að telja upp.
Hvað þessa atvinnugrein snertir
eru kostir þess að stytta vegalengd
til Hafnar ótvíræðir m.a. vegna
þjónustuaðila sem þar eru, svo og
starfsfólks sem í auknum mæli
kemur úr þéttbýlinu og margir
hverjir eru í daglegum akstri.
Auk þess sækir heimafólk atvinnu
í þéttbýlið utan háannatíma og
grunnskólabörnum úr þessum sveit-
um er ekið daglega allt skólaárið til
Hafnar.“
Síðan segir: ,,Það er von okkar
að hagsmunir heildarinnar séu hafð-
ir að leiðarljósi varðandi ákvarð-
anatöku við val á nýju vegarstæði
yfir Hornafjarðarfljót, því mælum
við með að leið 2 eða 3 í tillögum
Vegagerðarinnar verði farin, allri
þjóðinni til hagsbóta.“
Styttir vegalengdina
Þorsteinn Sigfússon, ferðaþjón-
ustubóndi á Skálafelli, telur að íbúar
vestan fljóta séu einhuga um að fyrir
valinu verði stysta leið til Hafnar.
„Nánast enginn munur er á þeim
þremur valmöguleikum sem lagð-
ir hafa verið fram og kynntir hvað
varðar styttingu hringvegarins. Með
því að fara leið 3 er stytting innan
héraðs hins vegar a.m.k. 3½ km eða
meira miðað við leið eitt. Sú leið sem
hluti landeigenda í Nesjum leggur
til að fari í umhverfismat sem val-
kostur um vegarstæði er enn lengri
og það er gjörsamlega óásættanlegt
þar sem sveitarfélagið er eitt atvinnu-
svæði með þjónustukjarnann á Höfn.
Austur-Skaftafellssýsla hefur ekki
farið varhluta af þeim samdrætti sem
hefur orðið í hefðbundnum búskap
á Íslandi undanfarið. Í sveitum sýsl-
unnar vestan fljóta hefur geysileg
uppbygging orðið í ferðaþjónustu
sem er þó enn sem komið er nokkuð
árstíðabundin. Með styttingu vega-
lengda og aukinni þjónustu á öðrum
sviðum (svo sem háhraðatengingu)
yrðu þessar sveitir enn betri valkost-
ur fyrir unga sem aldna til heilsársbú-
setu. Íbúar þessara sveita sækja alla
þjónustu til Hafnar, þar er allt skóla-
stigið, heilbrigðisþjónusta, verslun
og hin opinbera stjórnsýsla, svo fátt
eitt sé talið.“
Þorsteinn segir að ferðaþjón-
ustuaðilar vestan fljóta hafi talið
sig vera búna að koma sínum skoð-
unum fullkomlega á framfæri með
fyrrnefndri ályktun sem send var
bæjarráði Hornafjarðar í fyrra. Hins
vegar hefði verið skynsamlegt við
gerð matsskýrslu vegna fyrirhugaðra
framkvæmda að meta einnig áhrif
mismunandi vegarstæða á búsetu,
mannlíf og menningu í vestari hluta
sveitarfélagsins með sambærilegum
hætti og gert var í Nesjum.
Eitt dæmi fyrir þá sem fást við
arðsemisútreikninga: Barn sem elst
upp vestan Hornafjarðarfljóta, t.d.
í Suðursveit, fer í leikskóla eins
árs eins og í boði er, síðan tekur
grunnskólinn við og unglingurinn
ákveður að taka stúdentspróf í
heimabyggð og njóta þess að búa
sem lengst á heimili sínu.
Viðkomandi er í daglegum
akstri til og frá skóla öll skólaárin
sennilega 19 ár. Hver er svo mun-
urinn í km. hvort hann ekur leið 1
eða 3? Þeir sem vilja reikna meira
geta fundið út sparnað í eldsneyti
og áhrif mengunar á umhverfið og
tímann sem er svo dýrmætur.
S.dór
Fréttir
Bændablaðið | Þriðjudagur 11. september 2007
Brosandi heyrúlla á Skeiðunum
Þessa heyrúllu er að finna á Óskabakka á Skeiðum, rétt við veginn
fram hjá bænum. Hún fær ökumenn óneitanlega til að brosa enda sér-
staklega vel máluð og með fallegt bros. Frábært að sjá þegar bændur
taka sig til og skreyta eina og eina rúllu hjá sér til að lífga upp á til-
veruna. MHH
Jón Benediktsson, bóndi á
Auðnum í Laxárdal í Norður-
þingi, eins og það heitir eftir
sameiningu sveitarfélaga, sagði
í samtali við Bændablaðið að
sumarið sem er að líða væri það
þurrasta sem menn myndu eftir.
Afleiðingin er sú, að sögn Jóns, að
það vantar mjög víða upp á hey-
skapinn. Sums staðar skemmdust
tún snemma í sumar og spruttu
illa en aðrir sluppu betur. Hann
segir að ástand túna sé mjög mis-
munandi milli bæja. Háarsláttur
er almennt mjög lélegur og græn-
fóðurspretta, þar sem seint var
sáð, er léleg.
Misjafnt með fyrningar
Jón sagði að bændur væru afar mis-
munandi staddir hvað fyrningar
varðaði, sem og með fóðuröflun
almennt. Þó sagðist hann halda að
ekki stefndi í nein vandræði hjá
mönnum.
Allar ár í S-Þingeyjarsýslu eru
vatnslitlar og hefur það að sjálf-
sögðu hamlað lax- og silungsveiði
eins og svo víða á landinu eftir
þetta mikla þurrkasumar.
Heimasmölun er hafin og sum-
arslátrun hófst um mánaðamótin.
Síðan eru það göngur og réttir eins
og fara gerir. Jón segir að þrátt fyrir
þurrkana í sumar hafi væta síðustu
daga bjargað miklu og að lömb
virðist koma væn af fjalli en það sé
eflaust misjafnt eftir þeim löndum
sem þau voru á. Þegar líður á sum-
arið dregur féð sig fyrr niður af fjöll-
um þegar svona miklir þurrkar eru.
Sóst eftir jörðum
Jón segir að auðmenn af höfuðborg-
arsvæðinu hafi verið að kaupa jarðir
í Þingeyjarsýslum og þeir leiti mjög
stíft eftir því að fá jarðir keyptar.
Það eru ekki bara jarðir sem liggja
að laxveiðiám sem þeir sækjast eftir,
aðrar jarðir eru líka eftirsóttar. En
eins og gefur augaleið eru hlunn-
indajarðirnar eftirsóttastar.
Skýringin á þessari eftirsókn
í jarðir segist Jón telja að sé bara
ásókn auðmanna í að eiga land sem
þeir telji að eigi enn eftir að hækka
í verði.
,,Þegar maður heyrir um að eyði-
jörð í eyðifirði, eins og Stakkahlíð
í Loðmundarfirði, sé seld á 60
milljónir króna þá gengur fram af
manni,“ segir Jón Benediktsson.
Jón Benediktsson, bóndi á Auðnum
Þurrasta sumar sem menn muna eftir
Jón Benediktsson bóndi á Auðnum
í Laxárdal í Norðurþingi.
Í síðustu viku fór fram skinnaupp-
boð hjá hinum kunna skinnaupp-
boðshaldara Kopinhagen Fur og
var þetta síðasta skinnauppboðið
á sölutímabilinu sem stendur frá
desember fram til september næsta
ár. Næsta uppboð verður því hald-
ið í desember næst komandi þegar
nýtt sölutímabil hefst.
Að sögn Einars E. Einarssonar
loðdýraráðunautar þá lækkuðu
högnaskinnin að meðaltali um 10%
frá síðasta uppboði en læðuskinn
stóðu í stað. Það jákvæðasta við
uppboðið var þó að öll minkaskinn
seldust upp og fagna menn því.
Á liðnu sölutímabili var með-
alverð minkaskinna 232 krón-
ur danskar eða um 2700 krónur
íslenskar. Meðalverð íslensku
minkaskinnanna liggur ekki fyrir
ennþá en Einar telur að það verði
um 2500 krónur fyrir skinnið sem
hann segir alls ekki slæmt verð.
Á uppboðinu í síðustu viku voru
seldar 4,5 milljónir minkaskinna
auk nokkur hundruð þúsund skinna
af öðrum dýrategundum. Einar
sagðist ekki hafa nákvæma tölu yfir
fjölda íslenska minkaskinna á upp-
boðinu en taldi að það hefðu verið
á milli 12 og 15 þúsund skinn en á
ári eru framleidd hér á landi milli
160 og 170 þúsund minkaskinn.
Einar segir að ekki sé ástæða til
annars fyrir loðdýrabændur hér á
landi en að vera ánægða með liðið
sölutímabil
Minkaskinnauppboð í Kaupmannahöfn
Örlítil lækkun á högnaskinnum
Jóhannes Sigfússon, formaður Landssamtaka
sauðfjárbænda
Verðum að gæta þess að verðleggja
ekki lambakjötið út af markaði
Framkvæmdir við hringveginn í Hornafirði
Margir vilja aðra leið en Nesjamenn leggja til
Nýr hótelstjóri
á Radisson SAS
Hótel Sögu
K r i s t j á n
Daníelsson
hefur verið
ráðinn hót-
elstjóri Rad-
isson SAS
Hótel Sögu
frá og með
ágúst og
tekur hann
við af Hrönn
Greipsdótt-
ur sem gegnt hefur starfi hótel-
stjóra undanfarin níu ár. Kristján
var áður sölu- og markaðsstjóri
Radisson SAS Hótel Sögu. Hann
hefur því mikla reynslu og þekk-
ingu á rekstri hótelsins. Mikill
vöxtur hefur verið í starfsemi
hótelsins undanfarin ár og um-
svif Radisson SAS hótelkeðjunn-
ar aukist mikið hér á landi.
Radisson SAS Hótel Saga hefur
verið samstarfsaðili hinnar alþjóð-
legu Rezidor hótelkeðju frá árinu
1999. Rezidor er ein öflugasta hót-
elkeðja í heimi og hefur innan sinna
vébanda 271 hótel með yfir 55.000
herbergjum í 47 löndum í Evrópu,
Mið-Austurlöndum og Afríku.
Eins árs börn tekin
inn á leikskólann
Lækjarbrekku
Sú nýjung var tekin upp á leik-
skólanum Lækjarbrekku á
Hólmavík í lok sumars að bjóða
upp á leikskólapláss fyrir börn
frá tólf mánaða aldri. Það kemur
meðal annars til af því að fá börn
eru í hverjum árgangi og því
hefur jafnan verið erfitt að fá dag-
mömmu fyrir yngstu börnin. Að
sögn Kolbrúnar Þorsteinsdóttur
leikskólastjóra er útlit fyrir að
þessi nýjung verði vel nýtt, en
eins til tveggja ára börnin eru
þegar orðin þrjú börnin og fleiri
væntanleg. Alls eru tæplega þrjá-
tíu börn í leikskólanum.
Miklar lagfæringar voru einnig
gerðar á lóð leikskólans nú í sumar,
og voru þær orðnar langþráðar að
sögn Kolbrúnar. Rólur voru end-
urnýjaðar, sömuleiðis klifurgrind
og kofi. Þá voru settar gúmmíhell-
ur undir leiktæki og fleira lagfært.
Verkinu var að mestu lokið áður en
leikskólinn tók til starfa eftir sum-
arfrí í lok júlí, en það voru feðgarnir
Þórður Sverrisson og Guðmundur
Þórðarson sem sáu um verkið,
ásamt starfsmönnum áhaldahúss
Strandabyggðar. Eins og nærri má
geta voru börnin ánægð með nýja
leikskólalóð og hafa unað sér vel
við útileiki, enda að mestu viðrað
vel til útiveru það sem af er hausti.
kse