Bændablaðið - 11.09.2007, Blaðsíða 32

Bændablaðið | Þriðjudagur 11. september 20073
Pramminn dreginn á haf út (Ljósm. Víðir Björnsson)
Nú þegar skólar landsins eru
byrjaðir og huga þarf að daglegu
nesti er gaman að brjóta upp hið
venjubundna álegg ofan á brauð
og búa sér til eigin kræsingar
heima í eldhúsi. Sumir geta látið
hugmyndaflugið ráða á meðan
aðrir geta prófað kjúklingalifr-
arkæfu, tómatmauk og dísætt
sírópsbrauð.
Kjúklingalifrarkæfa
Fyrir sex
50 g (4 msk.) smjör
1 laukur, fínt saxaður
350 g kjúklingalifur, hreinsuð af
öllum dökkum eða grænleitum
hlutum
60 ml sérrí (miðlungs)
25 g feitur, mjúkur ostur
15-30 ml (1-2 msk.) sítrónusafi
2 harðsoðin egg, brytjuð
salt
pipar
50-75 g smjör
Aðferð:
Bræðið smjörið á pönnu. Setjið
lauk og lifur út í og steikið þang-
að til laukurinn mýkist og lifrin
er orðin ljósbrún og ekki lengur
rauð að innan. Hellið sérríi yfir og
sjóðið niður um helming. Kælið
lítillega. Setjið blönduna í mat-
vinnsluvél eða blandara og bætið
mjúka ostinum og matskeið af sítr-
ónusafa við. Maukið þar til blandna
er orðin mjúk. Bætið harðsoðnu
eggjunum við og maukið lítið eitt
áfram. Bragðbætið með salti og
pipar. Smakkið og bætið við sítr-
ónusafa ef vill. Setjið lifrarkæfuna í
mót eða sérstakar smáskálar. Sléttið
yfirborð kæfunnar. Hellið lagi af
tæru smjöri yfir kæfuna. Kælið og
látið storkna. Berið fram við her-
bergishita og smyrjið á heitt, ristað
brauð eða ljúffengt kex.
(Úr bókinni Kjúklingaréttir)
Sírópsbrauð
Einfalt, svolítið sætt og ljómandi
gott brauð!
300 g síróp
300 g sykur
700 g hveiti
6 dl súrmjólk
1 tsk. negull
2 tsk. matarsóti
Aðferð:
Blandið öllu hráefninu saman og
bakið í ofnskúffu við 150°C í um
það bil 45 mínútur.
Heimagert tómatmauk
3 stórir tómatar
½ dós niðurskornir tómatar
6 sólþurrkaðir tómatar
1 chili-aldin
2 hvítlauksrif
1/3 búnt steinselja
salt
pipar
Aðferð:
Skerið tómata smátt niður og setjið í
pott. Hreinsið chili-aldin, fjarlægið
fræin og bætið út í pottinn. Pressið
hvítlauksrif og setjið þau saman
við ásamt ½ dós af niðurskornum
tómötum, sólþurrkuðum tómötum
og steinselju. Sjóðið þetta upp og
þegar sósan er farin að malla er gott
að mauka hana með töfrasprota.
Saltið og piprið eftir smekk. ehg
MATUR
Örðuvísi og ljómandi gott álegg
9 8
5 4 3
9 2
7 2 5 4
6 3 9 7
8 4
6 1 5
2 8
9 3 2
1 5 8
4 6
2 6 3
5 2
1 7 8
6 8
5 7 4
2 5 6
6 9
3 4
7 9 8 3
8 5 6 2
3 6
7 2 3 5
8 3 7 6
5 8
4 1
Sudoku
Galdurinn við Sudoku-þrautirnar er
að setja réttar tölur frá 1-9 í eyðurn-
ar. Sama talan má ekki koma fyrir
tvisvar í línu lárétt og lóðrétt og
heldur ekki innan hvers reits sem
afmarkaður er af sverari línum.
Þrautirnar eru miserfiðar, sú
sem er lengst til vinstri er léttust og
sú til hægri þyngst en sú í miðjunni
þar á milli.
Hægt er að fræðast nánar um
Sudoku-þrautirnar á vefsíðunni
www.sudoku.com og þar er einn-
ig að finna fleiri þrautir ef þessi
skammtur nægir ekki.
Líf og lyst
Kjúklingalifrarkæfan er góð ofan á brauðið, nýtt eða ristað, og einnig er
upplagt að bera það fram með tekexi eins og hér er gert.
Kræklingavinnsla
að hefjast í
Króksfjarðarnesi
Fyrirtækið Norðurskel í Hrísey
og nokkrir einstaklingar, inn-
lendir og erlendir, eru að hefja
ræktun á kræklingi í Króksfirði.
Búið er að setja út um 30 km af
söfnurum (línum) en krækling-
urinn hrygnir seinnipart sumars
og lirfurnar festa sig á safnarana.
Eftir eitt ár er kræklingurinn
tekinn af söfnurunum og settur í
netpoka og látinn í sjóinn aftur.
Þetta er gert vegna þess að eftir
eitt ár er skelin orðin það þung
að hún getur dottið af safnaran-
um eða drepist þegar skeljar hla-
ðast utan á þær sem innstar eru.
Frá því að skelin sest á safnarana
tekur það hana 2-4 ár að ná mark-
aðsstærð. Vonast er til að uppsker-
an af þeim söfnurum sem komnir
eru í sjó verði um 300-400 tonn.
Kaupfélag Skagfirðinga, sem er
með sláturhúsið í Króksfjarðarnesi
á leigu en mun láta úrelda það sem
sláturhús, hefur lánað aðstöðuna
endurgjaldslaust til undirbúnings-
vinnu og binda menn vonir við
að þetta geti skapað einhver störf
þegar fram líða stundir. Um fjölda
þeirra er ekki hægt að segja fyrr en
fyrsta skelin kemur á land eftir 2-4
ár. BGR/S.dór
Svona lítur pramminn sem kræk-
lingalínurnar eru fluttar á út.
Fimmtudaginn 6. september
hófst útgáfa nýs vikulegs hér-
aðsfréttablaðs á Ströndum sem
ber heitið Gagnvegur. Kristín
Sigurrós Einarsdóttir, grunn-
skólakennari á Hólmavík, gefur
blaðið út ásamt að ritstýra því.
„Þetta er blað í A5-broti, útlitið
er líkara dagskrá en hefðbundnu
fréttablaði en það verður allt í
bland í blaðinu, eins og viðtal við
Strandamann vikunnar, atburða-
dagatal, fréttir og sjónvarpsdag-
skrá. Það hefur ekki verið prent-
miðill fyrir þetta svæði í allmörg
ár,“ segir Kristín sem jafnframt
er fréttaritari Morgunblaðsins og
Bændablaðsins, pistlahöfundur hjá
Svæðisútvarpi Vestfjarða og tengi-
liður Fræðslumiðstöðvar Vestfjarða
á Ströndum.
Eigin herra í hálfu starfi
Kristín fór á brautargengisnám-
skeið hjá Impru og setti upp við-
skiptaáætlun fyrir blaðið sem hún
segir hafa hjálpað sér mikið.
„Ég lærði mikið af námskeiðinu
og kynntist konum sem voru í ein-
hvers konar rekstri. Þegar ég flutti
hingað fyrir sjö árum var ég búin að
vera í afleysingum á Skessuhorni
og fékk nasaþef af þessum geira.
Síðan varð ég vör við að þegar ég
sendi efni í þá miðla sem ég hef
unnið fyrir fékk ég svo jákvæð við-
brögð. Þannig að ég ákvað að prófa
að vera minn eigin herra í hálfu
starfi og kennari í hálfu starfi,“
útskýrir Kristín og aðspurð um heiti
blaðsins, Gagnvegur, svarar hún:
„Þetta er gamalt og gott íslenskt
orð. Það þýðir einfaldlega beinn veg-
ur, stysta leið og er hálfpartinn tilvitn-
un í Hávamál. Mig vantaði nafn til að
tengja saman svæðið en ég hefði hug
á því í framtíðinni að stækka svæðið
og tengja það við Reykhólasveitina
því nú horfir til bættari vegasam-
gangna þangað.“ ehg
Gagnvegur flytur
Strandamönnum fréttir
Kjötsúpuhátíð verður haldin við
Sögusetrið á Hvolsvelli laug-
ardaginn 29. september. Um er að
ræða uppskeruhátíð Rangæinga,
réttir að klárast, sláturtíð hafin
og bændur farnir að búa sig undir
veturinn. Á útisvæði verður sýn-
ing á landbúnaðarvélum og þá
helst dráttarvélum á ýmsum aldri.
Einnig verður settur upp húsdýra-
garður þar sem verða til sýnis m.a.
endur, íslensk hænsni og hanar frá
Hanasetrinu á Torfastöðum, kind-
ur, íslenski fjárhundurinn, hest-
ar, kýr ofl. Einnig verður settur
upp markaður inni í Sögusetrinu
með handverks- og landbúnaðar-
afurðum, heimagerðar sultur,
ábrystir o.fl. Þá verður lifandi
tónlist og söngkeppni fyrir unga
fólkið. Ungmennafélagsandinn
mun jafnframt svífa yfir vötn-
um þegar efnt veður til keppni
á hinum ýmsu sviðum landbún-
aðar. „Dagskráin er enn í und-
irbúningi, þannig að ýmislegt á
eftir að koma í ljós og að sjálf-
sögðu verður eitthvað fyrir alla
fjölskylduna,“ sagði Þuríður H.
Aradóttir markaðs- og kynning-
arfulltrúi Rangárþings eystra í
samtali við blaðið. MHH
Kjötsúpa og uppskeruhátíð á Hvolsvelli
Sigríður Vilmundardóttir og Hjalti R. Arnónsson vinna við kræklingalínurn-
ar og taumana.