Bændablaðið - 12.02.2009, Blaðsíða 10

10 Bændablaðið | fimmtudagur 12. febrúar 2009
Ný Nautastöð Bændasamtaka
Íslands á Hesti í Borgarfirði var
vígð 10. febrúar sl. að viðstödd-
um rúmlega 400 gestum. Bjarni
Arason fyrrverandi nautgripa-
ræktarráðunautur tók skóflu-
stungu að húsinu í júlí 2007 en
nautin verða flutt í nýju stöðina á
næstu vikum.
Stefán Ólafsson byggingarstjóri
afhenti Haraldi Benediktssyni for-
manni Bændasamtakanna lyklana
að stöðinni sem þakkaði öllum
þeim sem komu að byggingarfram-
kvæmdunum fyrir vel unnin störf.
Að svo búnu fékk Sveinbjörn
Eyjólfsson framkvæmdastjóri
stöðvarinnar lyklavöldin en starfs-
skilyrði hans og aðbúnaður nauta
verður nú með töluvert öðrum hætti
en í gömlu stöðinni á Hvanneyri
sem lýkur nú hlutverki sínu.
Sveinbjörn segir að nú gefist naut-
griparæktinni mikil tækifæri að
sækja fram. „Aðstaðan gjörbreyt-
ist til hins betra. Nú getum við
verið með 24 naut í sæðistöku og
aukinn fjöldi kálfa í uppeldi gefur
ræktunarstarfinu mikið svigrúm.
Það er yfirlýst markmið okkar að
auka sæðingar í nautgriparæktinni
og við höfum hvatt bændur óspart
í þeim efnum og minnka að sama
skapi notkun heimanauta,“ segir
Sveinbjörn og bætir við að með því
að hafa kálfauppeldi og nautastöð-
ina á sama stað verði hægt að ná
aukinni hagkvæmni í rekstrinum.
Teknir eru á bilinu 120 til 170 þús-
und skammtar úr nautum á stöð-
inni árlega og rúmlega 50 þúsund
eru sendir til frjótækna. Sveinbjörn
segir að með nýrri og bættri aðstöðu
séu vinnuferlar eins og best verð-
ur á kosið og t.a.m. uppfylli stöð-
in kröfur Evrópusambandsins um
útflutning á nautasæði.
Aðalmarkmið með byggingu
nýju stöðvarinnar var að bæta
aðbúnað og velferð gripa og vinnu-
aðstöðu starfsfólks og auka rekstr-
arhagkvæmni til lengri tíma. Þá
uppfyllir stöðin nútímakröfur sem
gerðar eru til starfseminar, m.a. um
heilbrigði og sóttvarnir. Stöðin er
byggð af miklum metnaði og ætlað
að efla ræktunarstarf í nautgripa-
rækt, treysta fagmennsku og bæta
þjónustu við nautgriparæktina.
Í nýju stöðinni er ráðgert að
auka upplýsingaöflun um grip-
ina og úrvinnslu úr þeim, auka
lífssýnatökur og arfgerðargreina
sæðinganaut og foreldra þeirra.
Heildarbyggingarkostnaður verður
um 180 milljónir króna en vegna
gengisbreytinga og mikillar hækk-
unar á byggingavísitölu fóru fram-
kvæmdir nokkuð fram úr upphaf-
legri fjárhagsáætlun.
Landstólpi sá um yfirbyggingu
hússins og Stefán Ólafsson hjá SÓ
húsbyggingum var byggingarstjóri
og sá jafnframt um sökkla og undir-
stöður aðalhúss ásamt því að byggja
einangrunarhús fyrir ungkálfa.
Aðalhönnuður hússins er Magnús
Sigsteinsson, Byggingaþjónustu
BÍ, en verkfræðihönnun var á
hendi Sæmundar Óskarssonar.
Unnsteinn S. Snorrason starfs-
maður BÍ sá um hönnun innrétt-
inga og skipulags teikningar voru
unnar af fyrirtækinu Landlínum í
Borgarnesi. Raflagnahönnun var
í höndum Rafteikningar ehf. og
verktaki í raflögnum Glitnir ehf.
Gunnar Guðmundsson sviðsstjóri
ráðgjafarsviðs BÍ hafði umsjón
með verkinu fyrir hönd verk-
kaupa. Auk þessara aðila kom
fjöldi verktaka að byggingu nýju
Nautastöðvarinnar.
Ný Nautastöð BÍ vígð í Borgarfirði
Í tilefni af vígslu nýju Nautastöðvarinnar á Hesti
þriðjudaginn 10. febrúar vilja Bændasamtök
Íslands koma á framfæri alúðarþökkum til
allra þeirra fjölmörgu, ekki síst mikils fjölda
kúabænda víðs vegar af landinu, sem mættu
og gerðu með því daginn og stundina að
ógleymanlegum viðburði.
Aðalbygging Nautastöðvar
Stærð 1.305 fermetrar, þar af fjós 700 fermetrar og haug-
kjallari 353 fermetrar sem er undir hluta hússins
24 stíur fyrir sæðistökunaut. Hver stía er tvískipt, 2,2 X 4,4
m, legupallur með gúmmímottu og helmingurinn flór
64 legubásar fyrir uppeldiskálfa
Sæðistökurými er 62 fermetrar
Rannsóknastofa
Skrifstofa
Fundarsalur og aðstaða fyrir starfsfólk
Einangrunar stöð kálfa
98 fermetrar
Pláss fyrir um 20 kálfa í hálmstíum
Öryggisgeymsla fyrir sæðisbirgðir
Nautgriparæktarfólk BÍ Frá vinstri Sæmundur Óskarsson, Magnús B. Jónsson,
Gunnar Guðmundsson, Haraldur Benediktsson, Gunnfríður E. Hreiðarsdóttir,
Sveinbjörn Eyjólfsson, Berglind Ósk Óðinsdóttir og Magnús Sigsteinsson.
myndir | ÁÞ/TB