Fréttablaðið - 13.01.2012, Síða 8

13. janúar 2012 FÖSTUDAGUR8
afsláttur
af umgjörðum
föstudag
og
laugardag
Dömu Vintage á
kr. 5.000
VIÐSKIPTI Geysir Green Energy
(GGE) tapaði 1,4 milljörðum
króna á sölu á 57,4% hlut sínum
í HS Orku í maí 2010. Hluturinn
var seldur til Magma Energy sem
greiddi meðal annars fyrir hann
með 7,9% hlut í sjálfu sér. Alls er
bókfært söluverð hlutarins 14,9
milljarðar króna, sem er töluvert
lægri tala en sagt var frá í tilkynn-
ingu þegar salan fór fram. Þetta
kemur fram í skýringum með árs-
reikningi GGE sem Fréttablaðið
hefur undir höndum. GGE tapaði
5,5 milljörðum króna á árinu 2010.
Þar segir einnig að GGE hafi
gert kyrrstöðusamning (e. stand-
still agreement) við helsta lánar-
drottinn sinn, Íslandsbanka, um
að bankinn muni ekki gjaldfella
skuldir félagsins fyrr en í fyrsta
lagi í lok júní 2011. Síðan segir:
„eigendur og stjórn félagsins munu
á árinu 2011 endurskipuleggja
eignir og skuldir félagsins í sam-
vinnu með lánadrottnum félagsins
með það að markmiði að hámarka
virði eigna félagsins. Vegna mik-
illa skulda Geysir Green Energy
ehf. er framtíð þess óviss og í
höndum lánadrottna félagsins“.
Spurður hvar þessi mál standa
í dag segir Alexander Guðmunds-
son, forstjóri GGE, að félagið hafi
verið að selja eignir, sú sala hafi
gengið vel og reiknað sé með að
henni verði lokið árið 2012. „Verð-
mætustu eignir félagsins voru
hlutabréfin í HS Orku sem seld
voru til Magma Energy Sweden
árið 2010 og svo allt hlutafé Jarð-
borana sem Íslandsbanki leysti til
sín og færði til Miðengis, en Jarð-
boranir eru nú í söluferli.“
Í ársreikningnum kemur fram
að 57,4% hlutur GGE í HS Orku
hafi verið seldur til Magma
Energy í maí 2010 á 14,9 milljarða
króna. Í tilkynningu vegna sölunn-
ar á sínum tíma var kaupverðið
sagt „um 16 milljarðar króna“.
Bókfært tap GGE vegna sölu á
hlutabréfum í HS Orku á árinu
2010 var 1,4 milljarðar króna. Í
skýringum með ársreikningnum
kemur einnig fram að GGE eigi
7,9% hlut í Magma, sem síðar var
sameinað Plutonic Power Corp. og
endurnefnt Alterra Power. Sá hlut-
ur var partur af uppgjörinu þegar
GGE seldi hlut sinn í HS Orku til
Magma. GGE er því enn óbeinn
eigandi að HS Orku.
thordur@frettabladid.is
Tapaði 1,4 milljörðum
á því að selja HS Orku
Geysir Green Energy tapaði yfir milljarði króna á því að selja hlut sinn í HS
Orku. Magma greiddi meðal annars með 7,9% hlut í sjálfu sér. Félagið gerði
kyrrstöðusamning við Íslandsbanka. Það ætlar að ljúka sölu eigna á árinu 2012.
HS ORKA Orkufyrirtækið var stærsta eign GGE. Eignarhlutur félagsins í því var seldur
til Magma fyrir 14,9 milljarða króna í maí 2010. FRÉTTABLAÐIÐ/VALLI
Stærstu eigendur GGE í dag eru Íslandssjóðir, í eigu Íslandsbanka, með
40,18% hlut og félag í eigu Atorku með 41,34% eignarhlut. Atorka er meðal
annars í eigu Íslandsbanka, Arion banka, skilanefndar Landsbankans, Glitnis
og Spron og Lífeyrissjóða Bankastræti. Eigið fé félagsins var neikvætt um
13,8 milljarða króna í lok árs 2010 þrátt fyrir að skuldir GGE hafi dregist
saman um rúma 42 milljarða króna á því ári. Þar munar mestu um að
langtímalántökur hjá banka fóru úr 31,4 milljörðum króna í 3,5 milljarða
króna. Fréttablaðið leitaði upplýsinga hjá Íslandsbanka, helsta eiganda
og lánveitanda GGE, um hversu mikið af skuldum félagsins hefði verið
afskrifað. Bankinn vildi hins vegar ekki veita slíkar upplýsingar. Alexander
segir skuldirnar hafa breyst vegna tveggja þátta: annars vegar vegna þess
að HS Orka hafi horfið úr samstæðuuppgjöri félagsins og hins vegar vegna
endurgreiðslu skulda á tímabilinu sem fjármögnuð var með söluandvirði
eigna.
Skuldirnar minnkuðu mikið
SAMFÉLAGSMÁL „Það hefur ekkert
foreldri meðfædda vitneskju um
hvernig bregðast eigi við áfalla-
streitu barna, en það er okkar
hlutverk að miðla, fræða og
kenna. Það gerum við með ráð-
stefnum sem þessari og því að
setja inn á heimasíðu okkar gagn-
legar upplýsingar sem foreldrar
og forráðamenn barna geta nýtt
sér,“ segir Linda Kristmunds-
dóttir hjúkrunardeildarstjóri
á Barna- og unglingageðdeild
Landspítalans (BUGL).
Stofnunin stendur fyrir árlegri
ráðstefnu sinni í Laugardalshöll á
morgun, en viðfangsefnið nú ber
yfirskriftina Börn og áföll.
„Við munum ræða áföll barna
í víðri skilgreiningu,“ útskýrir
Linda. Hún segir ráðstefnuna
einkum höfða til starfsfólks í
breiðri þjónustu við börn og ung-
linga, bæði í heilbrigðisstétt og
skólakerfinu.
„Nú í fyrsta sinn verðum við
með málstofur þar sem við fáum
til liðs við okkur háskólanema og
-kennara sem rannsaka fjölbreytt
málefni sem tengjast börnum,
eins og einelti og ofbeldi í fjöl-
skyldum. Með því tengjum við
loks saman rannsóknarsamfélag-
ið og heilbrigðisstéttina, sem er
verulega gagnlegt,“ segir Linda.
BUGL hefur umsjón með sér-
hæfðustu og erfiðustu málum
sem snúa að geðheilbrigði barna
og unglinga.
„Áfalli barns fylgir ekki endi-
lega áfallastreita eða áfallastreit-
uröskun, sem er sjúkdómsgreint
viðvarandi kvíðaástand í kjölfar
áfalls. Áfall getur verið einn yfir-
þyrmandi atburður, en líka marg-
ir; allt frá slysi upp í langvarandi
ofbeldi.
Linda segir starfsfólk BUGL
hafa undanfarin tvö ár lagt mikla
vinnu í að þekkja úr og meðhöndla
börn sem hafa upplifað áföll.
„Forvarnir eru þó alltaf besta
vörnin og því þurfa foreldrar að
vera í eins góðu sambandi við
börn sín og þeir geta. Þeir þurfa
að vera vakandi yfir líðan þeirra
og hegðunarmynstri, og í það
góðu sambandi að barnið eigi auð-
velt með að ræða allt sem á því
hvílir. - þlg
Fjallað verður um börn og áföll á ráðstefnu sem BUGL stendur fyrir í Laugardalshöll í dag:
Foreldrar þurfa að vaka yfir líðan barna sinna
ÁVALLT VIÐBÚNAR Yfirmenn göngu-
deildar BUGL, þær Linda Kristmunds-
dóttir hjúkrunardeildarstjóri og Guðrún
Bryndís Guðmundsdóttir yfirlæknir.
FRÉTTABLAÐIÐ/STEFÁN
KAUPMANNAHÖFN, FRÉTTABLAÐIÐ José Manuel
Barroso, forseti framkvæmdastjórnar
Evrópusambandsins, segir að þótt gríðarlega
mikilvægt sé að aðildarríkin nái saman um
aukið aðhald í ríkisfjármálum, sé það ekki nóg.
„Agi í ríkisfjármálum er nauðsynlegur,
en dugar ekki einn og sér. Agi er ómissandi,
en hagvöxtur er líka nauðsynlegur,“ sagði
Barroso á blaðamannafundi í Kaupmanna-
höfn í gær. Framkvæmdastjórn ESB hefur
setið á fundum með ráðherrum dönsku ríkis-
stjórnarinnar í vikunni í tilefni af því að Dan-
mörk tók við forsæti ráðherraráðs ESB um
áramótin.
Barroso sagði að til þess að efla traust
bæði borgara ESB-ríkjanna og alþjóðlegra
fjárfesta á efnahagslífi Evrópu þyrfti stefnu
um vöxt og atvinnusköpun. Hann fagnaði því
sérstaklega stefnu Dana, sem hyggjast í for-
mennskutíð sinni leggja mikla áherzlu á að
efla innri markað ESB og fækka hindrunum,
til dæmis í vegi rafrænna viðskipta, og
leggja sömuleiðis mikið upp úr svokölluðum
grænum hagvexti, sem verður til með þróun
umhverfisvænnar tækni.
Helle Thorning-Schmidt, forsætisráðherra
Danmerkur, sagði að þróun á „grænum“
atvinnuháttum væri „ekki aðeins góð fyrir
umhverfið, heldur ábatasöm fyrir evrópskt
efnahagslíf. Þetta er geirinn þar sem við
verðum að sjá hagvöxt og ný störf verða til“.
- óþs
Forseti framkvæmdastjórnar ESB segir að aðhald í ríkisfjármálum sé ekki nóg:
Barroso segir þörf á stefnu um vöxt og atvinnu
SAMMÁLA Helle Thorning-Schmidt og Barroso voru
sammála um áherzlu á grænan hagvöxt, jafnframt
erfiðum ákvörðunum í ríkisfjármálum. NORDICPHOTOS/AFP
ÞJÓNUSTA Reykjavíkurborg er að
fjölga þráðlausum nettengingum í
félagsmiðmiðstöðvum sínum.
Að því er kom fram á fundi
mannréttindaráðs borgarinnar
verður komið upp slíkum tenging-
um í Gerðubergi og á Korpúlfs-
stöðum á næstu vikum. Þegar eru
þessir svokölluðu „hot spots“ í
félagsmiðstöðvunum í Hvassaleiti
56, Hæðargarði 31, Aflagranda
40, Vesturgötu 7, Árskógum 4 og
Bólstaðarhlíð 43.
Á fundi mannréttindaráðs
kom einnig fram að tölvur með
nettengingu eru til afnota fyrir
gesti á bókasöfnum borgarinnar
gegn gjaldi. Einnig sé boðið upp á
ókeypis tölvunámskeið í félagsmið-
stöðvum. Því telur mannréttinda-
ráð að borgin sinni hlutverki sínu
að tryggja aðgang að netinu fyrir
alla. - gar
Þjónusta í félagsmiðstöðvum:
Fleiri þráðlaus
net á næstunni
LÖGREGLUMÁL Lögreglustjórinn í
Vestmannaeyjum hefur ákært tvo
menn um tvítugt fyrir að ráðast á
dyravörð.
Mönnunum er gefið að sök
að hafa í nóvember 2010 ráðist
tvisvar á dyravörð skemmtistað-
arins Hallarinnar í Vestmanna-
eyjum. Hafi þeir ráðist á hann
með höggum og spörkum. Þá er
annar mannanna ákærður fyrir
að hrinda ungri konu í gólfið og
slá hana síðan í andlitið sama
kvöld á sama skemmtistað og
árásin á dyravörðinn átti sér stað.
Dyravörðurinn krefur mennina
um 278 þúsund krónur. - jss
Tveir menn ákærðir:
Árás á dyravörð
og kona barin
VESTURGATA 7 Félagsmiðstöðin á
Vesturgötu býður þráðlaust net.