Fréttablaðið - 05.10.2012, Blaðsíða 6

5. október 2012 FÖSTUDAGUR6
LOKSIN
S
FÁANLE
GAR
Á NÝ!
Viðamiklar aðgerðir lögreglu
80
LÖGREGLUMENN
3
LEITARHUNDAR
20
LÖGREGLUBÍLAR
16
HANDTEKNIR
H
öfu
ð
b
o
rgarsvæ
ðið
Eyrarbakki
Mosfellsbær
HafnarfjörðurVogar
Reykjanesbær
Lögregla handtók sextán manns í rassíunni.
Þremur var sleppt fljótlega á eftir en þrettán var
haldið yfir nótt, tveimur konum og ellefu körlum.
SKÓLAMÁL Tálknafjarðarhreppur
telur að farið hafi verið að lögum
þegar gengið var til samstarfs við
Hjallastefnuna um stjórn Tálkna-
fjarðarskóla. Það er skoðun hrepps-
ins að samningur við Hjalla-
stefnuna hafi verið gerður með
vitund mennta- og menningarmála-
ráðuneytisins, enda leitaði hreppur-
inn eftir leiðsögn þess vegna breyt-
inganna.
Þetta kemur fram í yfirlýsingu
sem Eyrún Ingibjörg Sigþórs dóttir,
oddviti Tálknafjarðarhrepps, er
skrifuð fyrir og var send fjölmiðlum
í gær vegna umræðna um málefni
grunnskóladeildar Tálknafjarðar-
skóla. Ráðuneytið hefur sett sig upp
á móti því að Hjallastefnan reki eina
grunnskólann á staðnum.
Jafnframt segir í yfirlýsing-
unni að breytingarnar á starfsemi
Tálknafjarðarskóla hafi verið gerð-
ar í góðri trú og í góðu samstarfi við
foreldra. Markmið breytinganna sé
að bæta skólastarfið með hagsmuni
nemenda grunnskólans og sam-
félagsins að leiðarljósi.
Í bréfi ráðuneytisins kemur fram
að Tálknafjarðarhreppi hafi í júní
verið bent á að ráðherra gæti einn
veitt heimild til að Hjallastefn-
an, sem hóf sitt starf í haust, gæti
tekið við rekstri skólans. Ráðu-
neytið hefur vísað málinu áfram
til innanríkis ráðuneytisins. - shá
Tálknfirðingar töldu samning við Hjallastefnuna ljósan menntamálaráðuneytinu:
Telja löglega staðið að samstarfi
FRÁ TÁLKNAFIRÐI Hjallastefnan tók við
rekstri grunnskólans á staðnum í haust.
MYND/EGILL AÐALSTEINSSON
MENNTAMÁL Alls sóttu 84 um
skólavist í Lögregluskóla ríkis-
ins fyrir lok umsóknarfrests 23.
september. Í hópnum voru 62
karlar og 22 konur, að því er fram
kemur á vef lögreglunnar.
Að lokinni yfirferð valnefndar
voru átta umsækjendur metnir
óhæfir vegna ungs aldurs, mennt-
unarskorts eða brotaferils. Þá
dró einn umsókn sína til baka.
Því hafa 75 manns, 54 karlar og
21 kona, fengið boð um að mæta
í inntökupróf sem haldin verða
eftir rúma viku. - óká
Átta voru taldir óhæfir:
75 í inntöku-
próf lögreglu
Borðar þú fisk í hverri viku?
JÁ 75,5%
NEI 24,5%
SPURNING DAGSINS Í DAG
Hefur þú áhuga á tísku?
Segðu skoðun þína á Vísir.is
LÖGREGLUMÁL Fjórir meðlimir og
áhangendur vélhjólasamtakanna
Outlaws voru leiddir fyrir dóm-
ara í Héraðsdómi Reykjaness í
gærkvöldi þar sem farið var fram
á gæsluvarðhald yfir þeim. Þeir
voru handteknir í risavaxinni
lögregluaðgerð í fyrrakvöld sem
teygði sig yfir nokkur sveitarfélög.
Farið var fram á einnar viku
gæsluvarðhald yfir þremur körl-
um og einni konu. Þeirra á meðal er
Víðir Þorgeirsson, leiðtogi samtak-
anna, sem kallaður er Tarfur. Hann
hlaut fimm ára fangelsisdóm árið
2001 fyrir að smygla hingað rúm-
lega 5.000 e-töflum. Dómari tók sér
frest til dagsins í dag í máli Víðis
en féllst á kröfuna í málum hinna.
Málið hófst með rassíu á mið-
vikudagskvöld. Þá réðst gríðarlega
fjölmennt lögreglulið til inngöngu
á sjö stöðum; í félagsheimili Out-
laws við Hvaleyrarbraut í Hafn-
arfirði, í heimahús í Mosfellsbæ,
á Eyrarbakka og í Reykjanesbæ, á
heimili Víðis í Vogum og á tveimur
stöðum til viðbótar á höfuðborgar-
svæðinu.
Sextán voru handteknir, lang-
flestir í félagsheimilinu þar sem
fundur samtakanna stóð yfir.
Þrír voru látnir lausir fljótlega
en þrettán, ellefu karlar og tvær
konur, gistu fangageymslur og
sættu stífum yfirheyrslum í gær.
Flest er fólkið meðlimir í Out-
laws eða stuðningsklúbbum sam-
takanna og flest hefur það komið
við sögu lögreglu áður. Nokkr-
ir hinna handteknu voru á meðal
þeirra sem voru handteknir í ann-
arri rassíu fyrir tveimur vikum
sem beindist gegn Outlaws. Þá
voru sjö handteknir og einn
úrskurðaður í gæsluvarðhald.
Við leit lögreglu á þessum sjö
stöðum var lagt hald á nokkra
tugi gramma af sterkum fíkni-
efnum, stera, bruggtæki, landa og
gambra, þýfi og margs konar egg-
vopn.
Að undanskilinni aðgerðinni í
svonefndu Papeyjarmáli sem kom
upp á Djúpavogi vorið 2009, sem
um hundrað manns tóku þátt í, og
ýmsum fjöldastjórnunaraðgerðum,
svo sem við mótmæli, er aðgerð-
in í fyrrakvöld sú umfangsmesta
sem íslensk lögregla hefur nokkru
sinni ráðist í.
Rétt tæplega áttatíu lögreglu-
menn tóku þátt í henni, meðal ann-
ars vopnaðir liðsmenn sérsveit-
ar Ríkislögreglustjóra. Þá voru
starfsmenn tollgæslunnar með í
för með sérþjálfaða leitarhunda
og auk þess sprengjuleitarhundur
Ríkislögreglustjóra.
stigur@frettabladid.is
Ein stærsta lögreglu-
aðgerð fyrr og síðar
Lögregla réðst inn á skipulagsfund Outlaws og á sex aðra staði vítt og breitt um
suðvesturhorn landsins. Fann dóp, vopn, þýfi og bruggtæki. Sextán voru hand-
teknir og fjórir færðir fyrir dómara í gærkvöldi, meðal annars leiðtogi klúbbsins.
Í JÁRNUM Fernt var fært fyrir dómarann í gærkvöldi en hann tók sér frest til að
úrskurða um varðhaldið.
KJÖRKASSINN