Fréttablaðið - 05.10.2012, Side 34
8 • LÍFIÐ 5. OKTÓBER 2012
líka búin að fá ómetanlega aðstoð
frá starfsmönnum Neyðarlínunnar,
er orðin eins og húsköttur hjá þeim
í Skógarhlíðinni. Ég spurði þá um
daginn hvort þeir myndu ekki halda
veislu þegar þeir yrðu lausir við mig
en þeir þorðu nú ekki að viðurkenna
það.
Nú varstu valin besta fjölmiðla-
kona landsins á dögunum – hvern-
ig var sú tilfinning og hverju viltu
þakka það? Ég verð að viðurkenna
að mér þótti mjög vænt um það.
Ekki að svona lagað breyti neinu til
eða frá, en það er góð tilhugsun að
maður þyki ekki ómögulegur. Þakka
það? Hundaheppni með hóp álits-
gjafa held ég bara, haha. Nei, ég
veit það ekki. Ég hef alltaf reynt að
vanda mig við það sem ég geri og
það gleður mig ef fólk tekur eftir því.
Langir vinnudagar
Þú býrð á Akranesi, keyrir á milli
og átt lítinn fallegan dreng. Koma
aldrei erfiðir dagar sem reyna á
mömmuhjartað? Ó, jú! Ég fékk sím-
tal frá leikskólanum um daginn, var
sagt að hann hefði dottið og þyrfti
að fara til læknis. Mér fannst hræði-
legt að komast ekki sjálf að sækja
hann. Svo er hann mikið í pössun
hjá ömmum og öfum þegar við for-
eldrarnir erum að vinna langa vinnu-
daga. En hann er kátur og glað-
ur, það er það eina sem skiptir mig
máli. Ég verð líka síðust til að van-
meta þann fjársjóð sem felst í að fá
að vera mikið hjá afa og ömmu. Ég
var sjálf með annan fótinn hjá for-
eldrum mömmu öll mín æskuár og er
afskaplega þakklát fyrir það.
Eru fleiri spennandi verkefni á
dagskrá hjá þér? Já, heldur betur.
Ég var líka að leggja lokahönd á bók
sem heitir Gleðigjafar og var send
í prentun í gær. Þetta er bók sem
ég hef unnið ásamt vinkonu minni,
Thelmu Þorbergsdóttur, en ég kynnt-
ist henni þegar ég tók við hana við-
tal fyrir Ísland í dag á síðasta ári. Til-
efni viðtalsins var að Thelma á son
sem er með Downs-heilkenni. Hún
talaði við mig stuttu eftir viðtalið og
bar undir mig hugmynd að bók sem
hún hafði gengið með í maganum frá
því sonur hennar fæddist. Bók sem
innihéldi frásagnir foreldra sem hefðu
eignast börn þar sem hlutirnir hefðu
ekki verið „eftir bókinni“, þar sem
foreldrar myndu segja frá bæði sorg-
inni og gleðinni sem fylgir því að eiga
einstök börn. Síðan hafa allar okkar
frístundir farið í vinnslu bókarinnar
sem inniheldur sögur tæplega 30
barna og foreldra þeirra. Sögurnar
eru jafn misjafnar og þær eru margar
enda var foreldrunum í sjálfsvald sett
hvernig þeir settu þær upp. En það
er áberandi samhljómur í bókinni allri
og hann er sá að öll börn eru gleði-
gjafar. Ég er afskaplega stolt af þess-
ari bók og þykir mjög vænt um hana.
Eitthvað að lokum? Ég hef alltaf
staðið í þeirri meiningu að það felist
sannleikskorn í því að maður hafi rétt
fyrir sér hvort sem maður er sann-
færður um að maður geti eitthvað
eða ekki.
07.20 Vekjaraklukkan hringir.
08.20 Barnið komið í leikskólann og
ég upp í bíl á leið til Reykja víkur.
Yfirleitt með morgunmatinn með
mér og maskara á öðru „aug-
anu“ (ef það er svo gott).
09.00 Vinnudagur-inn hefst. Þessa
dagana er ég á öðru hundr-
aðinu að leggja lokahönd á
Neyðarlínuþættina.
11.30 Ég er alltaf orðin svöng um ellefu-
leytið og fer í hádegismat
klukkan hálftólf. Það vill svo
skemmtilega til að ég á þetta
sameiginlegt með öllu mínu
nánasta samstarfsfólki.
17.20 Keyri heim til Akraness.
18.00 Sæki Orra litla sem er yfirleitt í
pössun hjá annarri hvorri ömm-
unni eða afa.
19.00 Ég vildi óska þess að ég gæti
sagst elda kvöldmat, en ég
man ekki hvenær ég gerði það
síðast. Er ekki einu sinni viss
um að það hafi verið á þessu
ári. Býð fjölskyldunni upp á
hrökkbrauð með osti og gulrót.
21.00 Sonurinn sofn-aður. Síðast liðið
ár hef ég eytt öllum kvöldum í
tölvunni vegna Neyðarlínunnar
og bókar sem heitir Gleðigjafar
og er á leið í prentun.
01.30 Fer í háttinn og lofa sjálfri mér því
að fara fyrr að sofa á morgun.
Sigrúnar Óskar
FRAMHALD AF SÍÐU 7
Ég hef alltaf haft
brennandi áhuga
á fólki, sérstak-
lega fólki sem
er að gera eitt-
hvað óvenjulegt, er
skapandi eða hefur
frá miklu að segja.
Þessi vinna er alls
ekki gallalaus en
ég held að það sé
leitun að skemmti-
legri og fjölbreytt-
ari vinnu.
MYND/VALLI
Laugavegi 101.
Sími 552 1260.
Opið frá 10 – 18.
Útsala
Útsalan byrjar í dag
föstudag.
Öll efni á 1000-1500 krónur.
Póstdreifing | Suðurhraun 1 | 210 Garðabær | Sími 585 8300 | www.postdreifing.is
365 miðlar treysta okkur fyrir
öruggri dreifingu á Fréttablaðinu
Við flytjum þér góðar fréttir