Fréttablaðið - 05.10.2012, Blaðsíða 51

FÖSTUDAGUR 5. október 2012 31
Samkynhneigð er ólögleg í Úganda
og viðurlögin við henni eru allt að
14 ára fangelsisvist. Árið 2009 var
lagt frumvarp til þingsins þess
efnis að herða refsingar við sam-
kynhneigð til muna. Í framhald-
inu gæti lífstíðarfangelsi og jafn-
vel dauðarefsing beðið þeirra sem
gerðust sekir um að hneigjast
til sama kyns. Í þessari frábæru
heimildarmynd fylgjumst við með
aktívistum sem berjast gegn ólög-
unum og fyrir almennum réttind-
um samkynhneigðra og transfólks
í landinu.
Myndin notast ekki við nein
töfrabrögð til að kalla fram tilfinn-
ingar. Blákaldur raunveruleikinn
nægir, og hér er hann svo sann-
arlega lygilegri en skáld skapur.
Um 95% íbúa Úganda segjast
vera mótfallin samkynhneigð og
kristni hefur gífurleg ítök innan
samfélagsins. Andstyggilegir for-
dómapésarnir skýla sér á bak við
trúarbrögðin og reglulega missti
ég nánast andlitið yfir því sem
dundi á aðalsöguhetjunum.
Og ég segi „hetjunum“, vegna
þess að aðalpersónurnar í Call Me
Kuchu eru sannkallaðar hetjur,
og myndin er á köflum eins og
spennutryllir. Hluti myndarinnar
gerist í réttarsal og höfuðandstæð-
ingur aktívistanna, haturs fullur
ritstjóri vikublaðs í Kampala
(höfuð borg Úganda), er eftirminni-
legri og ógeðfelldari skúrkur en
meirihluti þeirra sem hasarhetjur
Hollywood-mynda 9. áratugarins
áttu í höggi við. En illmennin hér
eru raunveruleg og reiðin og sorg-
in sem þau framkalla hjá áhorf-
andanum er það einnig.
En þrátt fyrir öll ósköpin sýnir
myndin okkur heiminn handan
myrkursins, og rétt eins og aktív-
istarnir sjálfir glatar hún aldrei
trúnni á hið góða og fagra. Þegar
upp er staðið er Call Me Kuchu
áhrifamesta og ein allra besta
heimildarmynd sem sést hefur
lengi.
Haukur Viðar Alfreðsson
Niðurstaða: Þessa verður þú að sjá.
Besta heimildarmyndin í langan tíma
Bíó ★★★★★
Call Me Kuchu
Leikstjórn: Katherine Fairfax Wright, Malika Zouhali-Worrall. Sýnd á Riff-hátíðinni.
RAUNVERULEIKINN Aðalpersónurnar í
Call Me Kuchu eru sannkallaðar hetjur,
segir í gagnrýni.
Fyrsta smáskífulagið af væntan-
legri plötu Bloodgroup hefur litið
dagsins ljós og ber nafnið Fall.
Lagið fæst eingöngu á Tónlist.is
og fylgir með frí ábreiða hljóm-
sveitarinnar af Bang Gang-laginu
Sacred Things. Í byrjun nóvem-
ber kemur svo stóra platan út og
er hennar beðið með mikilli eftir-
væntingu enda eru þrjú ár liðin
frá því að platan Dry Land kom út.
Í tilefni af nýja laginu mun
hljómsveitin þeyta skífum á Bar
11 í kvöld. Sérstakir gestir verða
Barði Jóhannsson og Jeaneen
Lund sem munu einnig sjá um að
þeyta skífum.
Bloodgroup
með nýtt lag
BLOODGROUP Fyrsta lagið af væntan-
legri plötu Bloodgroup er komið út.
Söngkonunni Pink þykir fyndið
að hún hafi verið í hópi valda-
mestu stjarna heims samkvæmt
Forbes.
„Ég hugsa stundum um það og
finnst það hlægilegt. Mér finnst
ég valdamikil sem kona og mann-
vera en ég skilgreini vald ekki í
sama skilningi og Forbes gerði,“
sagði söngkonan. Hún viður-
kennir einnig að hafa upplifað sig
hjálparlausa á tímabilum og því
hafi hún og eiginmaður
hennar leitað til ráð-
gjafa.
„Manni finnst
maður viðkvæmur,
hjálparlaus og ótta-
sleginn. Ég er bola-
bítur, en tannlaus
bolabítur. Þegar
ég bít þá er ég í
raun að biðja um
ást og athygli.“
Tannlaus
bolabítur
VALDAMIKIL Pink
hlær að því að hafa
verið valin í hóp
valdamestu stjarna
heims.
NORDICPHOTOS/GETTY
OPIÐ VIRKA DAGA
KL. 11-18
LAUGARDAGA
KL. 11 -17
GRÍPTU ÞETTA
EINSTAKA TÆKIFÆRI
OG GERÐU GÓÐ KAUP
FYRIR DÖMUR
OG HERRA