Fréttablaðið - 05.10.2012, Síða 48
5. október 2012 FÖSTUDAGUR28 28
menning@frettabladid.is
It is not a metaphor og Hel
haldi sínu nefnast verkin
tvö sem Íslenski dansflokk-
urinn frumsýnir í kvöld á
Stóra sviði Borgarleikhúss-
ins. Seinna verkið sækir
efnivið í norræna goða-
fræði og hið fyrra er samið
við tónlist Johns Cage í til-
efni af 100 ára afmæli hans.
Höfundar verkanna eru
Cameron Corbett og Jérome
Delbey.
„Þetta eru mjög ólík verk,“ segir
Hjördís Lilja Örnólfsdóttir, einn
dansara Íslenska dansflokksins,
sem dansar í báðum verkunum.
„It is not a metaphor er létt og
skemmtilegt en um leið skiptir
hver hreyfing máli. Við dönsum
bara þrjú í því en í Hel haldi sínu
dansar allur flokkurinn og það er
mun dramatískara, má næstum
kalla það óperudans. Bæði verkin
eru mjög vel samin og sjónræn og
ég get alveg lofað sterkri upplifun
í kvöld.“
Bæði verkin voru samin sérstak-
lega fyrir dansflokkinn og höfund-
arnir stjórnuðu uppsetningunni
sjálfir. Jérôme leitar innblást-
urs í norrænu goðafræðinni og
fjallar verkið um sköpun og enda-
lok heimsins út frá gömlu nor-
rænu trúarbrögðunum. Auk þess
að semja dansinn hannar Jérôme
leikmynd og búninga. Tónlist
verksins er Vier letzte Lieder eða
Fjögur síðustu ljóð eftir Richard
Strauss sem fjalla um árstíðirn-
ar og hina eilífu hringrás lífs og
dauða. Einnig hljómar tónlist Önnu
Þorvaldsdóttur í verkinu. It is not
a metaphor eftir Cameron Corbett
sækir innblástur í hin ólíku þemu
og listabylgjur sem komu fram á
tuttugustu öldinni. Tónlistin er
í höndum Tinnu Þorsteinsdóttur
píanóleikara en hún flytur tónlist
John Cage á „prepared“ píanó.
Dansflokkurinn er skipaður tíu
dönsurum, fimm konum og fimm
körlum. Auk þess dansa tveir ges-
tadansarar í Hel haldi sínu. Næsta
sýning verður þann 11. október en
aðeins sex sýningar verða á verk-
unum. fridrikab@frettabladid.is
Sveiflast milli léttleika og dramatíkur
EINKASÝNING Ragnheiðar Jónsdóttur verður opnuð í Listasafni ASÍ
klukkan 15 á morgun. Sýningin nefnist Slóð og þar sýnir Ragnheiður 16 stórar
kolateikningar og átta verk frá fyrstu grafíksýningunni.
31.
LÉTT OG SKEMMTILEGT Hjördís Lilja ásamt Aðalheiði Halldórsdóttur og Hannesi Þór Egilssyni í verkinu It is not a metaphor sem
samið er við tónlist Johns Cage.
Sigtryggur Bjarni
Baldvinsson mynd-
listarmaður opnar
sýninguna Þrír stað-
ir í Gallerí Ágúst á
laugardaginn.
Á sýningunni eru
ný málverk unnin
upp úr þremur ljós-
myndum teknum
af vatni á ólíkum
stöðum; við Font á
Langanesi, Jökulsá
á Fjöllum og hyl í
smálæk á Barða-
strönd. Þar hefur
Sigtryggur myndað
ólík vatnsyfirborð og
reynt að fanga í mál-
verkum sínum sam-
spil náttúrunnar sem
endurspeglast í hreyfingu vatnsins. Verkin eru unnin með olíu á
striga og vatnslit á pappír.
Sigtryggur Bjarni Baldvinsson stundaði nám við Myndlista-
skólann á Akureyri, Myndlista- og handíðaskóla Íslands og École
des Arts Decoratifs í Strasbourg, Frakklandi og hefur nú haldið
á þriðja tug einkasýninga. Sigtryggur hefur unnið langmest með
málverk og undanfarinn áratug einbeitt sér að verkum út frá
vatnsflötum, sér í lagi straumvatni. Sigtryggur sat í safnráði
Listasafns Íslands um þriggja ára skeið og í stjórn Myndlista-
skólans í Reykjavík í meira en áratug og hefur kennt þar. Verk
eftir Sigtrygg má finna í öllum helstu söfnum landsins og hjá
fjölmörgum fyrirtækjum og stofnunum.
Straumvatn á striga
JÖKULSÁ Á FJÖLLUM Sigtryggur byggir verkin á
sýningunni á ljósmyndum af vatnsyfirborði á þremur
stöðum á landinu.
Hinar sívinsælu bækur
Astrid Lindgren, Bróðir
minn Ljónshjarta og
Ronja ræningjadóttir, hafa
nú verið endur útgefnar.
Bróðir minn Ljóns-
hjarta kom fyrst út á
íslensku árið 1976 og er
nú að koma út í sjöunda
sinn. Ronja ræningja-
dóttir kom fyrst út árið
1981 á íslensku, sama ár
og sænska frumútgáfan.
Hún er einnig að koma út í
sjöunda sinn.
Báðar þessar bækur
hafa verið ófáanlegar í
nokkur ár.
Koma út í sjöunda sinn
VINSÆLAR Bækurnar um Ronju og bræðurna
Ljónshjarta hafa lengi verið ófáanlegar.
Nokkrum aukasýningum á
gaman leiknum Trúðleik eftir
Hallgrím H. Helgason hefur
verið bætt við. Verkið var fyrst
sýnt í Frystiklefanum á Rifi á
Snæfellsnesi í sumar við góðar
undirtektir, jafnt áhorfenda sem
gagnrýnenda. Í haust var verkið
sett upp í Gaflaraleikhúsinu í
Hafnarfirði, en vegna góðrar
aðsóknar hefur verið ákveðið að
halda sýningum áfram um ótil-
greindan tíma.
Verkið fjallar um trúðana
Skúla og Spæla, sem hafa starfað
saman lengi. Skúli er ævinlega
kátur og bjartsýnn en Spæli er
krumpaður og tortrygginn. Fljót-
lega kemur babb í bátinn þegar
Spæli kveður upp úr með að þeir
félagar hafi enn einu sinni lent á
vitlausum áhorfendum sem hlæi
á kolröngum stöðum.
Leikarar eru Benedikt Karl
Gröndal og Kári Viðarsson en
Halldór Gylfason leikstýrir.
Trúðleikur
heldur áfram
TRÚÐLEIKUR