Fréttablaðið - 04.01.2013, Side 6

4. janúar 2013 FÖSTUDAGUR| FRÉTTIR | 6
1. Hvenær hefjast í Reykjavík tökur á
Hollywood-mynd um Wikileaks?
2. Hve mikið hefur verið afskrifað af
skuldum Höfðatorgs?
3. Hversu mörgum hefur Alþingi veitt
ríkisborgararétt á kjörtímabilinu?
SVÖRIN
Ljósið endurhæfingar- og
stuðningsmiðstöð
Óskar eftir starfsmanni í eldhús sem fyrst til að
útbúa léttar grænmetismáltíðir.
Væntanlegur starfsmaður þarf að hafa að leiðarljósi:
vinnusemi, jákvæðni, nýtni, heiðarleika og sveigjan-
leika.
Vinnutími er kl. 10:00-13:30 fjóra morgna í viku.
Upplýsingar hjá Ernu Magnúsdóttur forstöðukonu í
sím 6956636 eða á erna@ljosid.is
www.sinfonia.is » Sími: 528 5050
Sinfóníuhljómsveit Íslands heldur
áheyrnarprufur fyrir einsöngvara
laugardaginn 23. febrúar 2013.
Valið verður í áheyrnarprufur út frá hljóð-
ritum þátttakenda og er áhugasömum bent
á að senda inn upptökur með söng sínum
fyrir mánudaginn 28. janúar 2013 til:
Sinfóníuhljómsveitar Íslands
Hörpu, Austurbakka 2
101 Reykjavík
Merkt: Einsöngur
Nánari upplýsingar:
Arna Kristín Einarsdóttir tónleikastjóri
545 2506 / arna@sinfonia.is.
DÓMSMÁL EFTA-dómstóllinn mun
kveða upp dóm í Icesave-málinu
28. janúar næstkomandi. Þetta
kynnti dómstóllinn í gær. Verði
íslenska ríkið sýknað verður Ice-
save-deilan að öllum líkindum úr
sögunni en ella kann dómurinn að
leiða til skaðabótamáls.
Eftirlitsstofnun EFTA (ESA)
höfðaði mál á hendur íslenska
ríkinu í desember 2011 í kjöl-
far þess að þriðja Icesave-samn-
ingnum var hafnað í þjóðarat-
kvæðagreiðslu í apríl sama ár.
Dómsmálið byggir á því mati
ESA að íslenska ríkið hafi gerst
brotlegt við tilskipun um inn-
stæðutryggingar. Telur ESA að
íslenska ríkið hafi þar með brotið
gegn EES-samningnum þegar
eigendur Icesave-innstæðureikn-
inga fengu ekki greitt úr Trygg-
ingasjóði innstæðueigenda í kjöl-
far falls Landsbankans.
Þá telur ESA enn fremur að
þar sem innstæður í Lands-
bankanum á Íslandi, en ekki inn-
stæður utan Íslands, voru færðar
úr bankanum og inn í nýjan hafi
íslensk stjórnvöld mismunað
innstæðu eigendum eftir löndum,
sem er óheimilt samkvæmt 4.
grein EES-samningsins.
Málið fjallar ekki um greiðslu-
skyldu Íslands vegna mögulegra
samningsbrota en gæti þó orðið
grundvöllur að skaðabótamáli
á hendur íslenska ríkinu. Slíkt
dómsmál þyrfti að höfða fyrir
íslenskum dómstólum. Þar sem
allt útlit er fyrir að endurheimtur
úr þrotabúi Landsbankans muni
standa undir forgangskröfum yrði
þar deilt um vexti á Icesave-kröfu
Breta og Hollendinga.
Þó gæti slíkur dómur strax haft
neikvæð áhrif á ríkissjóð með
hærra áhættuálagi á ríkisskulda-
bréf. Þannig hefur alþjóðlega
matsfyrirtækið Moody‘s varað
við því að neikvæð niðurstaða í
Icesave-málinu myndi fella láns-
hæfis einkunn ríkissjóðs í rusl-
flokk, en hún er sem stendur í
lægsta fjárfestingarflokki.
Í kjölfar stefnu ESA í desember
2011 tók framkvæmdastjórn Evr-
ópusambandsins (ESB) undir
kröfur ESA og stefndi sér inn í
málið með meðalgöngustefnu.
Síðan hafa Bretland og Holland
stutt málarekstur ESA með skrif-
legum athugasemdum en Noregur
og Liechtenstein hafa aftur á móti
lagt fram athugasemdir til stuðn-
ings Íslandi. magnusl@frettabladid.is
Icesave-dómur fellur
í lok mánaðarins
Verði íslenska ríkið sýknað af kröfum ESA fyrir EFTA-dómstólnum verður Icesave-
málið að öllum líkindum úr sögunni. Ella kann í framhaldinu að verða höfðað
skaðabótamál á hendur ríkissjóði Íslands í Héraðsdómi Reykjavíkur.
Skriflegum málflutningi í Icesave-dómsmálinu lauk í júní síðastliðnum en
á fyrri hluta ársins lögðu málsaðilar fram greinargerðir um afstöðu sína
auk gagnsvara. Munnlegur málflutningur fór síðan fram í september. Í
málflutningi ESA og framkvæmdastjórnar ESB var lögð áhersla á að tilskip-
unin um innstæðutryggingar væri skýr, enda hefði það aldrei gerst fyrr á
EES-svæðinu að innstæðutryggingasjóður greiddi ekki neitt til innstæðu-
eigenda.
Breski lögmaðurinn Tim Ward, sem flutti málið fyrir hönd Ísland, lagði
aftur á móti á það áherslu að ekki væri kveðið á um skilyrði fyrir ríkis-
ábyrgð á innstæðutryggingasjóðum í tilskipunum ESB. Þá benti hann á að
enginn innstæðutryggingasjóður hefði getað brugðist við hruni á við það
sem varð á Íslandi.
Orðalag tilskipunar lykilatriði
EFTA-DÓMSTÓLLINN Dæmi EFTA-dómstóllinn Íslandi í vil í Icesave-dómsmálinu í
lok mánaðarins verður Icesave-deilan að öllum líkindum loks úr sögunni.
1. Núna í janúar. 2. Fimmtán milljarðar. 3.
Tvöhundruð fjörutíu og tveimur.
Air Crash Investigation
Flugslys krufin til mergjar og orsökin fundin
NATIONAL GEOGRAPHIC CHANNEL ER Á STÖÐ 2 FJÖLVARP | FÁÐU ÞÉR ÁSKRIFT Á STOD2.IS
SVÍÞJÓÐ Alls hafa mæður 179 barna í
Svíþjóð verið myrtar frá því árið 2000.
Feður 126 þessara barna hafa verið
þeir sem myrtu mæðurnar. Þetta er
niðurstaða úttektar sænska blaðsins
Aftonbladet á morðum og drápum á
konum. Sérstök rannsókn á aðstæðum
54 barna leiddi í ljós að í fjórum til-
fellum af hverjum 10 eru feðurnir
enn með forræði yfir börnunum. Í
mörgum tilfellum geta feður sem banað
hafa mæðrum barna sinna stýrt lífi
barnanna frá fangelsinu og meðal ann-
ars gert athugasemdir við val á fóstur-
heimili eða lyfjameðferð vegna veik-
inda barnanna. Feður geta einnig neitað
að skrifa undir umsókn um vegabréf.
Í einu tilfellanna neyddist drengur
sem varð vitni að morðinu á móður
sinni til að gista hjá föður sínum í fang-
elsinu í mörg ár. Það var ekki fyrr en
nýr starfsmaður hins opinbera fékk
mál drengsins í sínar hendur sem
heimsóknirnar voru lagðar af. Í ljós
kom að drengurinn hafði verið logandi
hræddur við föður sinn. Börnin sjálf
eru ekki alltaf spurð að því hvað þau
vilja og hverjar þarfir þeirra eru.
Rannsókn Aftonbladet leiddi í ljós að
mörgum þeirra finnst þau vera svikin
og yfirgefin.
Af þessum 126 börnum voru 63 heima
þegar feðurnir myrtu mæðurnar, 33
sáu þegar mæðurnar voru myrtar og
að minnsta kosti sjö komu að mæðrum
sínum látnum. Í raun misstu börnin
báða foreldra sína því að feðurnir voru
fangelsaðir eða frömdu sjálfsmorð.
Að minnsta kosti 201 kona í Svíþjóð
hefur verið myrt af sambýlismanni eða
fyrrverandi sambýlismanni frá árinu
2000. Alls hafa 179 börn í Svíþjóð misst
móður sína vegna þessa.
- ibs
Feður sem myrtu mæður barna sinna geta stýrt lífi þeirra áfram:
Með forræðið þrátt fyrir morð
179
mæður sænskra
barna hafa verið
myrtar frá
aldamótum.
SAMFÉLAGSMÁL „Kirkjan er að fara fram á
að almenningur sameinist um það að gera
þetta að forgangsverkefni, og það er af því
að neyðin er svo mikil. Spítalinn er í algerri
öng,“ segir séra Birgir Ásgeirsson prófastur
um þá tillögu Agnesar M. Sigurðar dóttur,
biskups Íslands, að kirkjan standi fyrir
söfnun til handa Landspítalanum.
Sigríður Ingibjörg Ingadóttir, formaður
velferðarnefndar Alþingis, sagði í fréttum
RÚV í gær að það skyti skökku við að kirkjan
ætlaði að standa að slíkri söfnun. Kirkjan
hefði sjálf þrýst mjög á að fá viðbótarfjár-
veitingu á fjárlögum en þeir fjármunir hefðu
annars getað farið í tækjakaup á spítalanum.
Séra Birgir segist undrandi á ummælum
Sigríðar. „Kirkjan er ekki að fara fram á
aukaframlag á fjárlögum heldur að hið opin-
bera skili þeirri innheimtu sem átt hefur sér
stað fyrir hönd kirkjunnar.“ Ríkið hafi tekið
að sér að innheimta sóknargjöld og greiðslur
til trúfélaga og eigi að standa skil á því, sem
ekki hafi verið gert að fullu.
Biskupinn sagði sjálfur á fésbókarsíðu
sinni í gær að fjármálum kirkjunnar og
landssöfnun fyrir Landspítalann ætti ekki að
blanda saman. Kirkjan hefði fengið mikil og
góð viðbrögð við hugmyndinni. - þeb
Sigríður Ingibjörg Ingadóttir, formaður velferðarnefndar, gagnrýndi hugmynd kirkjunnar um söfnun:
Fjármál kirkjunnar og söfnun tvennt ólíkt
BIRGIR
ÁSGEIRSSON
SIGRÍÐUR
INGIBJÖRG
INGADÓTTIR
AGNES M.
SIGURÐARDÓTTIR
VEISTU SVARIÐ?