Fréttablaðið - 25.01.2013, Blaðsíða 54
25. janúar 2013 FÖSTUDAGUR| MENNING | 38
Sena gefur út aðra sólóplötu Johns
Grant, Pale Green Ghosts, þann 11.
mars. Blásið verður til útgáfu-
tónleika á vegum Senu í Silfur-
bergi í Hörpu laugardaginn
16. mars.
Fyrsta plata Grants, Queen
of Denmark, vakti mikla
athygli víða um heim og var
meðal annars valin plata
ársins 2010 af tón-
listartímaritinu
MOJO. Grant
lék á Airwaves-
hátíðinni árið
2011 og féll svo
fyrir landi og
þjóð í kjölfarið
að hann hefur
verið búsett-
ur hérlendis síðustu misseri og er
nýja platan tekin upp hér. Til
þess fékk hann til liðs við
sig íslenska tónlistarmenn,
meðal annarra Birgi Þór-
arinsson (Bigga veiru),
Óskar Guðjónsson saxófón-
leikara, Guðmund Péturs-
son, Smára Tarf og Pétur
Hallgrímsson gítarleikara,
Jakob Smára Magnússon
bassaleikara og fleiri.
Að auki leggur
Sinead O‘Connor
til bakraddasöng.
John Grant heldur út-
gáfutónleika í Hörpu
Sena gefur út plötuna Pale Green Ghosts 11. mars.
JOHN GRANT Er
búsettur hér á landi.
„Þetta verða frábærir tón-
leikar, ég hef enga trú á
öðru,“ segir tónleikahaldar-
inn Guðbjartur Finnbjörnsson.
Bandaríska hljómsveitin Band
of Horses spilar í Eldborgar-
salnum í Hörpu 11. júní. Þetta
verða fyrstu tónleikar sveitar-
innar á Íslandi en hún nýtur
mikilla vinsælda víða um heim.
Band of Horses kemur frá Seattle
og spilar þjóðlagaskotið indírokk.
Hún hefur gefið út fjórar plötur og
kom sú síðasta út í fyrra, Mirage
Rock. Vinsælasta plata sveitar-
innar er Infinite Arms frá 2010.
Hún var tilnefnd til Grammy-
verðlaunanna, auk þess sem hún
komst á lista margra gagnrýn-
enda yfir bestu plötur ársins.
Þekktustu lög hljómsveitarinnar
eru No One´s Gonna Love You, Is
There A Ghost og The Funeral.
Hljómsveitin var stofnuð 2004
og hefur verið dugleg við tón-
leikahald síðan þá. Tónleikarnir
á Íslandi verða þeir fyrstu í Evr-
óputúr þar sem þeir félagar spila
á hinum ýmsu tónlistarhátíð-
um. „Í upphafi vildu þeir fá
mun hærri upphæð en ég gat
boðið þeim. Svo fékk
ég tölvupóst um að
þeir væru til í að koma
til Íslands ef þeir
fengju að koma deg-
inum áður og vera í
tvær nætur í stað-
inn fyrir þrjár,
þannig að þeir
fá einn frídag
á Íslandi,“
segir Guð-
bjartur.
Miðasala
á t ó n -
leikana
hefst 7.
febrú-
ar á Midi.
is, Harpa.is og í síma 528-5050.
Daniel Johnston frá Texas í
Bandaríkjunum er einnig á leið-
inni til Íslands í sumar. Hann spil-
ar í Fríkirkjunni 3. júní. Hann
spilar huggulega indítónlist með
ljúfsárum textum og á marga
aðdáendur hér á landi. Johnston
hefur glímt við geðræn
vandamál og er hálfgerð-
ur utangarðsmaður í tón-
listarbransanum.
Heimildarmynd-
in The Devil and
Daniel Johnston,
sem var gerð um
hann árið 2005,
va k t i m i k l a
a t h yg l i o g
vann til verð-
launa á kvik-
myndahá-
tíðum.
Í Fríkirkj-
unni stíg-
ur hann
fyrst
einn á
svið með
gítar
eða píanó og eftir það spil-
ar hann með hljómsveit.
Svavar Knútur hitar upp.
Tónleikahaldarinn Ágúst Már
Garðarsson hefur unnið að því í
tvö ár að fá Johnston til Íslands,
eða síðan tveir vinir hans, tón-
listarmennirnir Bjössi Biogen og
Siggi Ármann, sem voru með geð-
sjúkdóma, létust með stuttu milli-
bili. „Í jarðarför Bjössa í Fríkirkj-
unni ákvað ég að gera allt sem ég
gæti til að fá þennan listamann til
landsins til að heiðra minningu
þeirra,“ segir Ágúst Már. „Mig
langaði að flytja þennan mikla
meistara inn og auka þar með
enn á umtal um geðsjúkdóma og
fræðslu til að útrýma fordómum
og hræðslu.“
Ágúst Már kynntist tónlist
Johnstons fyrir fimm árum, sá
heimildarmyndina, og eftir það
varð ekki aftur snúið. „Þessi
mynd er einstök og ég heillaðist
af þessari sögu um þennan utan-
garðsmann. Hann er ekki venju-
legur maður og er þess vegna goð-
sagnakenndari fyrir vikið.“
freyr@frettabladid.is
Band of Horses og
Johnston til Íslands
Bandaríska hljómsveitin Band of Horses spilar í Eldborg í Hörpu 11. júní. Tón-
listarmaðurinn sérstæði Daniel Johnston kemur fram 3. júní í Fríkirkjunni.
TIL ÍSLANDS Ben Bridwell og félagar í Band of Horses spila í Eldborg í Hörpu í sumar. Daniel Johnston spilar í Fríkirkjunni átta
dögum fyrr. NORDICPHOTOS/GETTY
„Ég ætla að bjóða nokkrum vinum
og fjölskyldumeðlimum heim í
kvöld og skála fyrir áfanganum. Svo
kíkir maður jafnvel á hverfisbarinn.“
Gestur Valur Svansson kvikmyndagerða-
maður, sem nýverið seldi handrit sitt til
Adams Sandler.
Helgin
Áhugi á Daniel Johnston jókst mikið í byrjun tíunda
áratugarins þegar Kurt Cobain úr Nirvana klæddist
ítrekað bol með mynd af fyrstu plötu Johnstons,
„Hi. How Are You?“. Það var tónlistarblaðamaður-
inn Everett True sem gaf honum bolinn. Johnston
dvaldi á geðsjúkrahúsi á þessum tíma en þrátt fyrir
það fór hvert plötufyrirtækið á fætur öðru
að bjóða honum samning. Hann neitaði
margra platna samningi við Elektra
Records vegna þess að Metallica var á
mála hjá fyrirtækinu og taldi Johnston
að rokksveitin væri haldin illum anda og
myndi meiða hann.
Hljómborðsleikarinn Kjartan
Sveinsson er hættur í hljómsveit-
inni Sigur Rós eftir að hafa verið
meðlimur hennar í fimmtán ár.
Fréttablaðið fékk þetta staðfest
úr herbúðum sveitarinnar í gær.
Sigur Rós verður framvegis
þriggja manna hljómsveit, skipuð
stofnmeðlimunum Jóni Þóri Birg-
issyni og Georg Holm, og Orra
Páli Dýrasyni. Enginn liðsmaður
verður fenginn í stað Kjartans,
nema á tónleikaferðum. Sigur Rós
er á síðustu metrunum að klára
nýja plötu sem er væntanleg síðar
á þessu ári. Upptökur hófust hér
á landi í fyrra en hafa staðið yfir
í Los Angeles að undanförnu, án
aðkomu Kjartans.
Brotthvarf hans hefur legið í
loftinu í nokkurn tíma. Þrátt fyrir
að hafa spilað inn á síðustu plötu
Sigur Rósar, Valtari, tók Kjartan
ekki þátt í tónleikaferð um heim-
inn til að fylgja henni eftir.
Samningur Sigur Rósar við
stórfyrirtækið EMI, sem hefur
gefið út síðustu plötur sveitar-
innar í Evrópu og í Asíu, rann út
eftir útgáfu Valtara. Samkvæmt
heimildum Fréttablaðsins vildi
Kjartan virða samninginn við
EMI áður en hann hyrfi á braut.
Kjartan vildi ekki ræða við
Fréttablaðið um brotthvarf sitt.
Hann ætlar að halda áfram að
semja kvikmyndatónlist og starfa
sem upptökustjóri, auk þess sem
hann er eigandi hljóðversins
Sundlaugarinnar ásamt Birgi
Jóni Birgissyni.
- fb
Kjartan Sveinsson er hættur í Sigur Rós
Hljómsveitin Sigur Rós breytist í tríó. Verið er að leggja lokahönd á nýja plötu sem kemur út á þessu ári.
HÆTTUR Kjartan Sveinsson (lengst til
vinstri) ásamt fyrrum félögum sínum í
Sigur Rós. FRÉTTABLAÐIÐ/GVA
Cobain vakti athygli á Daniel Johnston
21.-27. janúar
1.390
ALLUR FISKUR Í FISKBORÐI
kr
.k
g
.
Fiskikóngurinn • Sogavegi 3 • sími 587 7755
Opi
ð k
l. 7
-18
.15
Lau
gar
d. 1
0-1
5
Laxaflök marineraður með Lemmon/Butter . . . . 1.390
Laxaflök, fersk . . . . . . . . . . . . . . . . . . . . . . . . . 1.390
Þorskhnakkar . . . . . . . . . . . . . . . . . . . . . . . . . . 1.390
Ýsuflök roðlaus/beinlaus . . . . . . . . . . . . . . . . . 1.390
Löngusteikur marineraðar Indversku karrí . . . 1.390
Löngusteikur marineraðar á Gríska vísu . . . . . 1.390
Rauðsprettuflök glæný . . . . . . . . . . . . . . . . . . . 1.390
Allir fiskréttir . . . . . . . . . . . . . . . . . . . . . . . . . . . 1.390
Verðdæmi: