Fjarðarpósturinn - 12.03.1987, Side 8

8
FJARÐARPÓSTURINN
Kosningabaráttan á Reykjanesi
— síðari hluti umræðna sem Fjarðarpósturinn efndi til með fulltrúum stjórnmálaflokkanna
Síðari hluti umræðunnar hófst á
spurningum sem fundarmenn
vísuðu hver til annars.
Kvennalistinn beindi eftirfarandi
spurningu til allra þáttakenda:
Hverjar telur þú vera ástæður
þess að hefðbundin kvennastðrf
eru eins illa launuð og raun ber
vitni? *
Svör hinna frambjóðendanna
voru það lík að brugðið er á það ráð
að taka saman það helsta sem fram
kom í eitt svar:
Kvennastörf hafa löngum verið
vanmetin af fólki. Þetta á sér mjög
gamlar rætur. Fyrst var það sá sem
sterkastur var sem mest bar út být-
um og síðan var þá menntunin sem
miklu réð um afkomu fólks. Skýr-
ingar á því hve mörg hefðbundin
kvennastörf eru illa launuð á sér því
að nokkru leyti sögulegar skýring-
ar. Viðhorfin eru þó að breytast og
með aukinni menntun á þetta enn
eftir að breytast til batnaðar. Konur
eru í vaxandi mæli að hasla sér völl
í störfum sem eru betur launuð.
Það er ekki langt síðan fyrsta
konan lauk stúdentsprófi, og aukin
menntun kvenna skiptir því miklu í
náinni framtíð. Skattamál þurfa að
taka mið af því að t.d. annað hjóna
geti verið heima ef vilji og þörf er á
því. Konur hafa ekki lengur þá
„fyrirstöðu“ í þjóðfélaginu sem
gætti fyrir nokkrum árum. Sá tími
að karlar þóttu einir koma til greina
í stjórnunarstörf er liðinn en þetta
hefur þó tekið langan tíma og enn
er margt óunnið á þessum sviðum.
Sú staðreynd er fyrir hendi að
konur eru nú í meirihluta háskóla-
stúdenta og því er ljóst að viðhorfin
hafa breyst mjög frá þvi sem áður
var.
Kjartan spyr Matthías: Formaður
Sjálfstœðisflokksins hefur sagt að
Júlíus Valdimarsson.
hann telji ekki rétt að sameina líf-
eyrissjóðina í einn öflugan lífeyris-
sjóð fyrir alla landsmenn. Finnst
þér ekki eðlilegt þegar skoðanir eru
skiptar í jafn mikilvœgu máli, þá
beri að leggja slíkan ágreining fyrir
dóm þjóðarinnar í þjóðaratkvœði
og láta hana hjálpa til við að taka
ákvörðun?

Matthías og Þorgils.
Matthías: Ég er þeirrar skoðunar að
þeir sem lífeyrissjóðnum ráða eigi
að fá að segja til um þetta. Þessi
hugmynd hefur verið á dagskrá í ein
15-20 ár og ég held að sú nefnd sem
nú er að ljúka störfum hafi skoðað
þetta mál vel. Ég álít að það sé
alþingi og alþingismenn sem eigi að
taka ákvörðun um þetta deilumál.
Hins vegar þarf að finna lausnir ef
ágreiningur er milli flokka eða
innan flokks. Ég sé að þú hefur í
grein komið með hugmynd sem ef
til vill hefur ekki verið nægilega
skoðuð af þeim sem um þetta mál
hafa fjallað, en ég er ekki þeirrar
skoðunar að við fáum neina lausn í
þjóðaratkvæði og tel að þingið eigi
að ákveða um þessi mál.
Júlíus spyr Steingrím: Framsóknar-
flokkurinn kennir sig við manngildi
og heldur því mjög á lofti. Ég spyr
hvort flokkurinn hyggst beita sér
fyrir því hvort farið verði eftir til-
1
Þorgils Axelsson.
lögum alþjóða gjaldeyrissjóðsins
um efnahagsráðstafanir hér á ís-
landi. Þessi sjóður er ábyrgur fyrir
því að valda fátækt um allan heim
og er m.a. ábyrgur fyrir því að hér
á landi verða menn að vinna
myrkranna á milli til þess að hafa í
sig og á.
Steingrímur: Ég vil nú í fyrsta lagi
segja það að við leggjum mikla
áherslu á manngildið, en okkur er
löngu orðið ljóst að manngíldið er
miklu meira en draumsýn ein eins
og mér virðist einkenna dálítið
Flokk mannsins. Gott mannlíf
byggist á því að atvinnulífið sé
öflugt, efnahagslífið sé gott og
þannig mætti áfram telja. Ég hef
aldrei tekið nokkurt mark á alþjóða
gjaldeyrissjóðnum og ég er meira
að segja ekki búinn að lesa síðustu
skýrslu frá sjóðnum.
Steingrímur spyr Kjartan: Þegar þú
varst sjávarútvegsráðherra þá varst
þú m.a. með þá hugmynd að hér
þyrfti að fækka fyrirtækjum í
sjávarútvegi en efla önnur sem ættu
lífsvon. Ertu enn þessarar skoð-
unar? Einnig langar mig til þess að
vita hvort þú ert ekki sammála því
að sú breyting sem orðin er á bæjar-
útgerðinni fyrrverandi sé mjög já-
kvæð. Taprekstur hættur og fyrir-
tækið virðist vera að komast á
jafnari sjó.
Kjartan: Já ég er enn þeirrar skoð-
unar að það sé betra að hafa færri
öflug fyrirtæki heldur en að hafa
mörg á hausnum, en ég vil ekki eyða
þeim öllum eins og þið hafið verið
að gera. Um Bæjarútgerðina er það
að segja að auðvitað fagna ég því að
í þeim húsakynnum skulu nú vera
rekstur sem mér er sagt að gangi vel
og ég hef ekki ástæðu til að ætla
annað, enda hef ég sjálfur komið
Kjartan Jóhannsson.
þar við annað veifið. En hvort rétta
Ieiðin hafi einmitt verið valin í
þessu tilviki skal ég ekki dæma um,
en ég er fegin að þarna fer fram góð
atvinnustarfsemi.
Geir spyr Matthías: Telja má að 5.
sæti á lista Sjálfstæðisflokks í
Reykjaneskjördæmi sé baráttusæti
listans. Getur flokkurinn ætlast til
þess að kjósendum í Reykjanes-
kjördæmi, að þeir tryggi frambjóð-
enda í 5. sæti listans þingsæti,
þegar fyrir liggur, að úrvalslið
flokksbundinna Sjálfstæðismanna
úr öllu kjördæminu felldi sjálft
þennan frambjóðanda í prófkjöri
úr 2. sæti listans í 6. sæti?
Matthías: Mitt svar er það að kjós-
endur í Reykjaneskjördæmi velja til
alþingis út frá þeim sjónarmiðum
hverjum þeir treysta best til að sinna
málum og koma fram stefnumálum
þess fólks sem er í Sjálfstæðis-
flokknum. Röðun á lista er að
mínum dómi ekki það sem kjós-
endur sem slíkir hafa að leiðarljósi
þegar komið er að kjörborðinu.
Það erú málefnin sem ráða. Hins
vegar er það að sjálfsögðu 6. sætið
en ekki það 5. sem er baráttusætið
hjá okkur!
Matthías spyr Kjartan: Telur
Kjartan að sú mikla skattahækkun
sem Alþýðuflokkurinn leggur til að
verði lögð á atvinnufyrirtæki komi
til með að styrkja eigin fjárstöðu
þeirra?
Kjartan: í fyrsta lagi er ekki um
neina gífurlega skattaaukningu að
ræða og í öðru lagi er það alltaf
spurning hvernig eigi að skipta milli
launafólks og fyrirtækja. Við erum
með mjög rúmar afskriftir og frá-
dráttarmöguleika, og ég tel að mörg
fyrirtæki geti lagt meira af mörkum
en þau hafa gert.
Geir Gunnarsson.