Fjarðarpósturinn - 14.04.1988, Blaðsíða 11
GVENDUR GAFLARI:
Erum við óhultir fyrir
þeim sem á okkur deila?
Það er oft rætt um mengun umhverfisins og alls konar friðun á
þessu og hinu. Réttilega er á það bent, að náttúra landsins er við-
kvæm fyrir hvers konar átroðningi og ógætilegri umferð. Torfæru-
samgöngutæki eru þegar illa séð og það kannski með réttu. Ógæti-
lega er oft með tæknina farið.
Gróður landsins er á undan-
haldi og athyglisverður er áróður
þeirra, sem vilja klæða landið á
ný. Margir berjast fyrir því að
rækta tré, gras og lúpínu þar sem
gróður hefur farið halloka. En
spurningin er sú, hvort hægt sé
að snúa vörn í sókn.
Mengun er kannski mesta vá
jarðarbúa og verður kannski í
tímans rás mesti voði alls mann-
lífs þegar til lengdar lætur. Það
er ekki víst, að ræktunarstörf
hugsjónafólks hér uppi á Fróni
megni að hamla á móti þeim
hættum sem kunna að steðja að
utanfrá, frá hinum stóra heimi.
Við gleðjumst gjarnan yfir
hverjum áfanga í hvers konar
ræktun. Hér í Hafnarfirði hafa
margir áfangar náðst af góðum
hug. Tré hafa verið gróðursett og
ýmiss annar gróður gleður aug-
að. Spurningin er hins vegar sú,
hvort unnið sé fyrir gýg.
Það er öðru hvoru skrifað um
iðnaðarvandamál og mengun úti
í hinum stóra heimi. Það er sagt
frá súru regni og mengun skóga.
Mengun berst með vindum og
hafstraumum. Við hérna uppi á
klakanum erum ekki lengur
óhultir fyrir utanaðkomandi
áhrifum, góðum eða slæmum.
fslendingar eru gjaman ásak-
aðir fyrir hvalveiðar og selveið-
ar. Náttúran er þar með talin í
hættu. Eneruíslendingaróhultir
fyrir þeim sem á okkur deila?
Bretar eru ekki langt undan og
meðal þeirra er barist fyrir hvers
konar friðun. En eru þeir sjálf-
um sér samkvæmir? Ég held
varla.
Á tímabili virtust menn, jafn-
vel á Alþingi, hafa áhyggjur af
stækkun endurvinnslustöðvar á
Dounraey á Skotlandi. Sú stöð á
að endurvinna úrgang frá kjarn-
orkuverum, ekki bara Breta
sjálfra, heldur og fimm annarra
ríkja Efnahagsbandalags Evr-
ópu. Mál þetta kom meira að
segja upp á okkar virðulega
Alþingi fyrir skömmu sem brýnt
umhverfisvandamál án þess að
síðan hafi um það heyrst. Yfir-
völd virðast hafa sofnað á verð-
inum.
Tæknislys við þessa stöð, ef
hún verður að veruleika, gæti
orðið okkur hérna norður á
hjara stórhættulegt. Fiskimið
gætu mengast og loftstraumar
gætu valdið verulegu tjóni.
Utanaðkomandi áhrif gætu
orðið afdrifarfkari en náttúru-
spjöll og óaðgæsla okkar sjálfra.
Það er í rauninni furða, að öll
okkar góðu samtök um gróður-
vernd og ræktun og alls konar
friðun skuli ekki láta meira í sér
heyra. Pólitískusar eru upptekn-
ir af daglegu þrasi um greiðslu-
jöfnuð og verðbólgu. Bæjarpóli-
tík einkennist af þrasi um dag-
vistunarmál og heilbrigðisþjón-
ustu. Auðvitað allt góðra gjalda
vert. En hvað verður um okkur
ef andrúmsloft og hafstraumar
spillast?
Hvernig er með stóru póli-
tíkusana sem ætíð eru að veita
okkur forsjá, jafnvel með nýjum
umferðarlögum sem segja okkur
að spenna beltin og keyra með
full ljós á sólbjörtum sumardög-
um. Við megun ekki drekka bjór
og við megum ekki dansa eftir
klukkan þrjú á nóttum. Til hvers
er öll þessi forsjá ef við látum
næstu nágranna eyðileggja fyrir
okkur umhverfið?
Ég held að það sé tímabært að
skora á okkar hæstvirtu þing-
menn kjördæmisins að skera upp
herör á hendur þeim sem eru
raunverulega að menga
umhverfið til sjós og lands.
Fjaröarpósturinn og Útvarp Hafnarfjörðun
Borgarafundur um akstur
almenningsvagna ogjijón-
ustu Landleiða 3. mai nk.
Fjarðarpósturinn og Útvarp Hafnarfjörður hafa ákveðið að efna til
almenns borgarafundar um almenningsakstur í bænum og þjónustu
Landleiða. Fundurinn verður haldinn þriðjudagskvöldið 3. maí n.k. í
Gafl-Inn við Dalshraun og hefst hann kl. 20. Fundinum verður útvarp-
að beint.
Tilefni fundarins er að gefa fyrirspurnir um almenningsakstur
bæjarbúum kost á að bera fram yfirleitt, ennfremur þeim aðilum,
Skólanefnd:
Óæskilegt að leigja
Baháköfnuði húsnæði
Á skólanefndarfundi 23. mars sl. var tekin fyrir beiðni
Bahái-safnaðarins um að fá afnot af þremur til fjórum
kennslustofum í Víðistaðaskóla. Niðurstaða fundarins var
að óæskilegt værí að leigja húsnæði skólanna um langan
tíma samhliða skólastarfí.
Ennfremur var leigan talin óæskileg þar sem um væri að
ræða æskulýðsstarfsemi sem að hluta til varðar íbúa utan
Hafnarfjarðar.
í samræmi við grunnskólalög vísaði skólanefnd málinu til
afgreiðslu bæjarstjórnar Hafnarfjarðar.
sem þessa þjónustu annast, að
skýra málin. Nokkuð hefur borið
á óánægju með þessa þjónustu. Þá
er og skemmst að minnast þess, að
fyrir síðustu bæjarstjórnarkosn-
ingar var málið nokkuð í kastljósi
hjá ýmsum þeim, sem nú sitja við
stjórnvölinn í bænum.
Ágúst Hafberg framkvæmda-
stjóri Landleiða hefur þegið boð
um að sitja í hópi pallborðsmanna
á fundinum. Ennfremur hefur
bæjaryfirvöldum verið boðið að
senda fulltrúa. Þá verður fulltrúi
neytenda þjónustunnar í hópnum
og e.t.v. fleiri.
Fundarform verður á þann veg,
að fyrst verða flutt örstutt inn-
gangserindi, en megintíma fund-
arins verður varið til spurninga,
svara og almennra umræðna.
Koma má fyrirspurnum til
Fjarðarpóstsins hvort sem er fyrir
fundinn, í upphafi hans eða á hon-
um sjálfum, hvort sem er skriflega
eða munnlega. Mun Fjaðarpóst-
urinn leitast við að fá öllum spurn-
ingum svarað, fyrst og fremst á
fundinum. Ef ekki gefst tími til að
svara þeim öllum mun blaðið birta
svörin sem leitað er eftir á blað-
síðum sínum.
Frá
gjaldheimtunni
Dráttarvextir falla á vangreidd fasteignagjöld að
kvöldi 15. apríl.
Einnig er eindagi staðgreiðslugjalda sama dag.
Til þess að koma megi hjá óþarfa bið og erfiðleik-
um þann 15. þá vinsamlegast gerið skil fyrir þann
tíma.
GJALDHEIMTAN í HAFNARFIRÐI
Fósturfjölskylda
Er einhver fjölskylda í Hafnarfirði sem vill taka að
sér einstæðan unglingspilt? Óskað er eftir barn-
góðu fólki, sem er tilbúið til þess að bæta við fjöl-
skyldu sína nýjum meðlimi.
Nánari upplýsingar veitir Ólína Birgisdóttir, yfirfél-
agsráðgjafi, í síma 53444 alla virka daga.
FELAGSMALASTJORINNIHAFNARFIRÐI
11