Fjarðarpósturinn - 22.05.1997, Blaðsíða 5

HAFNFIRSKT
ji lúk!
HAFNARDAGUR
FERÐAÞJÓNUSTUDAGUR
BYGGINGARDAGAR

v fíijTT „ R

Allt milli heimilisiðnaðar
og stóriðju
í byrjun marsmánaðar sl. var hleypt
af stokkunum átaksverkefni á veg-
um Hafnarfjarðarbæjar undir
yfirskriftinni „Hafnfirskt já
takk“. Er það í tengslum við
árlegt átak til þess gert að
kynna og livetja fólk til þess
að velja íslenskar vörur og
stuðla þannig að eflingu inn-
lendrar framleiðslu og auk-
innar atvinnu i iandinu.
„Hafnfirskt já takk“ nær lengra
en að kynna eingöngu vörur fram-
leiddar í Hafnarfirði. Markmið átaks-
ins er að vekja athygli á öllu hafnfirsku
athafnalífi, hvort sem það er á sviði framleiðslu,
verslunar eða þjónustu, einkavæddrar eða opinberr-
ar. Það er von okkar sem að verkefninu stöndum,
að það verði sem víðtækast og að Hafnfirðingum
og öðrum landsmönnum verði betur ljóst þaö þrótt-
mikla athafnalíf sem er til staðar í Hafnarfirði.
Fullyrða má að í Hafnarfirði sé sérlega
mikil breidd í atvinnulífi bæjarins sem
nær frá heimilisiðnaði til stóriðju,
enn fremur skal nefna fjölbreytni í
skólamálum og opinberri þjón-
ustu, öflugt íþróttalíf, grósku-
mikla verslun og fjölskrúðugt
lista-, félags- og menningarlíf.
Allt stuðlar þetta að góðu sam-
félagi sem batnar við þaö að
eflast og það eflist með því að
verða sýnilegra sem einmitt er
meginmarkmið okkar með
„Hafnfirsku já takk“.
Anton Bjarnason.
Höfundur erformaður
átakshópsins, „Hafnfirskt já takk“.
Hollt er heima hvað
Fólki er eðiilega tamt að ræða afkomu sína og
möguleika til þess að njóta gæða lífsins og
lystisemda. Margur ber sig saman við náung-
ann og finnur sig oft ofurliði borinn í þeim sam-
anburði. Astæðurnar fyrir slíkri niðurstöðu geta
oft verið fleiri en droparnir sent fylla rnælinn.
Margur notar reglulega áfengi og tóbak og grætur
yfir því að eiga ekki til hnífs og skeiðar. Margir að-
hyllast forsjá og álíta að samfélagið eigi að sjá þeini
fyrir mannsæmandi lífsviðurværi fremur en að þeir
noti sína eigin atorku og athafnagetu, þar sem hún
er næg fyrir hendi. Margir iðrast þess á miðjum
aldri að hafa ekki menntað sig til betri lífskjara og
harma það að hafa ekki viðhaft meiri fyrirhyggju á
fyrri hluta æviskeiðs síns. Sumir þeirra sem betur
mega sín ferðast til útlanda og gera þar hamslaus
innkaup. Innkaupin eru svo réttlætt með því að tala
um allan gróðann sem vannst upp í ferðakostnað-
inn. Oft hleypur fólk líka yfir lækinn til þess eins
að sækja vatnið!
Þetta kann nú e.t.v. að heita bölntóður og kald-
hæðnislegar athugasemdir en er ekki sannleikskorn
í þessu? Af hverju hagar einmitt svona til hjá mörg-
um? Það vita flestir, að með því að velja heimagert
erum við að stunda fyrirhyggju og byggja upp at-
vinnustarfsemi í eigin landi eða byggðarlagi. Fyrir
hverja? Jú, okkur sjálf, afkomendur okkar og sam-
ferðafólk. Þrátt fyrir það stekkur margur
um óravegu með ærnum tilkostnaði til
þess að sækja þjónustu og versla hluti
sem veitir atvinnu í einhverju íjarlægu
landi og jafnvel byggir undir aðila sem
stunda atvinnukúgun og barnaþrælkun.
Sent betur fer eru þeir þó miklu fleiri
sem skilja lögmál viðskipta og mann-
legra samskipta. Þess vegna þrífst í ís-
lensku og hafnfirsku samfélagi ýmiss
starfsemi er veitir fjölmörgum atvinnu
sent þeir og fjölskyldur þeirra byggja lífsafkomu
sína á.
Við vitum að betur má þó ef duga skal. Ataks-
hópurinn „Hafnfirskt já takk“ hefur að undanförnu
unnið kappsamlega með fulltrúum hafnfirsks at-
hafnalífs að því að vekja athygli á þeirri fjölbreyttu
þjónustu sem okkur býðst hér í bæ. Til þess höfunt
við m.a. notið aðstoðar Morgunblaðsins, RÚV,
Stöðvar 2, Sjónvarps I lafnarfjörður og Fjarðar-
póstsins með birtingu viðburðaskráa, greinarskrifa,
blaðaviðtala, auglýsinga og útgáfu viðauka um sér-
tæk málefni eins og skóladag, verslunardaga og nú
þennan sem hér ber fyrir augu. Enn frernur hafa
ijölmargir aðrir komið að málum á undanförnum
misserum. Víða blakta fánar átaksins við hún sem
minna á það sent allt þetta snýst um. Með blaði
þessu er gert einskonar áfangauppgjör þar sem átak-
ið er skoðað til beggja átta. „Hafnfirskt já takk“
hefur nú verið við lýði frá því í byrjun mars og mun
vara fram að Víkingahátíð um miðjan júlí. í blaði
þessu keinur fram ýmislegt það sem framkvæmt
hefur verið og enn fremur er gerð grein fyrir því
sem til stendur á allra næstu dögum.
I upphafinu sögðum við sem að átakinu stöndum,
að hnoðaður hafi verið lítill bolti sem öðrum væri
ætlað að velta með okkur. Svo sannarlega hafa
væntingar okkar farið fram úr björtustu vonum og
boltinn veltur áfram á meðan einhver Ijær
hönd, atvinnulífinu til framdráttar og íbú-
unum til farsældar og bættra lífskjara.
Annann Eiríksson
Höfundur er atvinnumálöfulltrúi
Hafnurfjarðar ogfulltrúi átakshópsins
,, Hafnfirskt já takk''.