Fréttatíminn - 29.06.2012, Blaðsíða 25

islandsbanki.is | Sími 440 4000
Við bjóðum
góða þjónustu
Ný
þjónusta
Við bjóðum
vaxtagreiðsluþak
yfir höfuðið
Vaxtabreytingar geta valdið sveiflum í greiðslubyrði
óverðtryggðra húsnæðislána. Vaxtagreiðsluþak Íslandsbanka
veitir skjól ef vextir hækka. Þá jafnast greiðslubyrðin en það sem
fer upp fyrir þakið bætist við höfuð stól og dreifist á lánstímann.
Kostir vaxtagreiðsluþaks
· Léttir greiðslubyrði ef vextir hækka
· Dregur úr óvissu og veitir öryggi
· Lánstími lengist ekki
· Óverðtryggð lán geta hraðað eignamyndun
Ókostir vaxtagreiðsluþaks
· Hluta vaxtagreiðslunnar er frestað
· Höfuðstóll hækkar ef vextir lánsins
eru umfram vaxtagreiðsluþakið
· Hærri höfuðstóll hækkar
heildarvaxtakostnað lánsins
Allar upplýsingar er að finna á www.islandsbanki.is
Íslandsbanki hvetur alla til að kynna sér
nánar skilmála vaxtagreiðsluþaksins og
þær tegundir lána sem í boði eru og taka
ákvörðun að vandlega athuguðu máli.
ekki inn í blaðamannaskólann því
maður verður að vera með stúdents-
próf í grænlensku sem fyrsta mál,
sem ég var ekki. Hins vegar var
hér fullt af dönskum blaðamönnum
þannig að mér fannst að ég gæti al-
veg orðið blaðamaður líka, ég talaði
og skildi grænlensku vel. Ég hafði
því samband við skólastjóra blaða-
mannaskólans og sannfærði hann
um að taka mig inn í skólann. Það
tókst og þegar ég byrjaði í blaða-
mennskunni komst ég að því að þar
var ég á réttri hillu.“
Inga Dóra hóf störf sem blaða-
maður á AG, öðru stærsta dagblaði
Grænlands og varð síðar ritstjóri.
Hún vakti athygli í samfélaginu
fyrir gagnrýna blaðamennsku sem
varpaði ljósi á misnotkun þáverandi
heimastjórnar á opinberu fé. Þá hafði
siumut-flokkur Jonathan Mozfeldt
verið við stjórnvölinn í Grænlandi frá
tilkomu heimastjórnarinnar, í 30 ár.
„Ég byggði upp teymi af ungu fólki
sem var með og vildi breytingar.
Það var í raun AG að kenna að ríkis-
stjórnin féll í kosningunum 2009.
Við urðum fjórða valdið, fórum að
veita stjórnvöldum aðhald og flett-
um ofan af dæmum um misnotkun
á almannafé á tíma Jónatans Moz-
feldt. Þetta var ofboðslega erfitt. Ég
þekkti Jónatan persónulega, hann
var fyrrverandi tengdapabbi minn.
En ég tók ákvörðun um að þessu yrði
ég að fylgja eftir. Það var svo mikið í
húfi fyrir samfélagið.
Ég vissi þó fyrir víst að þetta
myndi þýða að ég yrði einangruð
í starfi. Hér er ríkið stærsti vinnu-
veitandinn og það passa sig allir á
því að vera ekki of gagnrýnir í garð
stjórnvalda því flestir munu þurfa
að vinna hjá hinu opinbera dag einn.
Þetta er dálítið einkennandi fyrir
grænlenskt samfélag, óttinn við að
segja skoðanir sínar. Maður verður
að velja sér málstað til að berjast
fyrir og fylgja honum þá alla leið.
Ég finn það núna að kerfið passar
aðeins upp á hvað Inga Dóra er að
fara að gera.“
Hún hætti sem ritstjóri vorið 2011.
„Þá var búið að sameina útgáfufélög
tveggja stærstu dagblaðanna. Mér
fannst bara tími til að hætta eftir
það og snúa mér að einhverju öðru.“
Inga Dóra stofnaði í kjölfarið eigið
ráðgjafafyrirtæki, ID, þar sem hún
veitir ráðgjöf á sviði almannatengsla,
stefnumótunar og ýmsu því tengdu.
Spennandi hlutir að gerast
Inga Dóra talar af leiftrandi ástríðu
um land sitt og þjóð. „Það er mik-
il krísa í Suður-Grænlandi en það
er líka þar sem það sem mest er
spennandi er að fara að gerast,“
segir Inga Dóra. Í Grænlandi er að
finna miklar náttúruauðlindir. Eitt
mesta magn fágætra jarðmálma í
heiminum er að finna í Kvarnefjeld
í Suður-Grænlandi, taldar eru líkur
á því að olía finnist í landgrunnin-
um við Norður-Grænland og miklir
möguleikar eru á virkjun vatnsafls
svo lengi má telja. „Umræðan um
það hvort byrja eigi á verkefnum í
málmvinnslu, eða hvort leyfa eigi
Alcoa að byggja álver í Nuuk-firði er
svo tvípóla. Umhverfissinnar fundu
þessum hugmyndum allt til foráttu
og umræðan komst ekkert á mál-
efnalegt stig fyrr en mjög nýlega.
Þá fórum við að geta rætt um hvaða
þýðingu þessi verkefni geta haft
fyrir land og þjóð og hvaða hindr-
anir við verðum að yfirstíga þeim
samfara. Við vitum í raun ekki enn
hvaða þýðingu þau munu hafa, en
við erum að minnsta kosti komin
þangað í umræðunni,“ segir Inga
Dóra.
Eitt þeirra úrlausnarefna sem rætt
er um í grænlensku samfélagi sam-
fara þeim verkefnum sem eru í um-
ræðunni er vinnuafl. Ljóst er að flytja
þarf inn vinnuafl erlendis frá til að
sinna þeim störfum sem verða til.
Talið er að verkefnin sem eru í deigl-
unni geti skapað allt að fimm þúsund
störf. Í Grænlandi búa 56.000 manns
og er því áætlað að fólksfjölgun geti
orðið nær tíu prósentum.
Nýfengið ríkidæmi blasir við
„Fólk gerir sér líklega sér ekki grein
fyrir hvað þetta eru rosalega stór
verkefni og hvað þau geta haft í för
með sér. Reyndar held ég held að
það sé mjög óhollt fyrir þjóðfélagið
ef fólk fer að hugsa um hversu rík
við verðum. Við eigum bara að gera
eins og Norðmenn, setja peningana
í lokaðan sjóð og passa að þeim
verði ekki eytt. Kannski eigum við
að nota hluta af þeim til að byggja
upp almennilegt heilbrigðiskerfi en
við verðum að passa upp á þessa pen-
inga ef þeir koma. Við munum ekki
sjá fjárhagslegan ávinning af þessum
verkefnum fyrr en eftir 30 ár en fólk
talar hins vegar eins og það verði á
morgun.
Það sem er að gerast núna í Græn-
landi er mjög spennandi. Við erum
á tímabili þar sem við erum aðeins
byrjuð að krafsa í jörðina og undir
niðri ólgar allt. Við erum á ákveðnu
tímabili í svokölluðum póst-nýlendu-
hugsunarhætti þar sem við erum far-
in að dýrka það sem var áður en við
urðum nýlenda og horfum mikið til
baka til þess tíma áður en Danirnir
komu. Við erum að skoða ræturnar
og hvernig við getum nýtt það í dag
sem við áttum þá. Það er bara svo
stutt síðan við vorum nýlenda og það
hefur mikið að segja hvernig hug-
arfar er við lýði hér í dag. Ég vil sjá
það breytast. Ég vil sjá Grænlend-
inga læra að taka ábyrgð á sjálfum
sér, bæði sem einstaklingar og sem
þjóð. Við eigum ekki að kenna fortíð-
inni um hvernig við erum í dag. Við
getum ekki alltaf bent á nýlendupóli-
tíkina og kennt henni um, það gerir
okkur ekkert gott. Við verðum að líta
til fortíðar og viðurkenna þau mistök
sem þá voru gerð, læra af þeim og
halda svo áfram.“
viðtal 25 Helgin 29. júní-1. júlí 2012