Fjarðarpósturinn - 09.10.2008, Blaðsíða 2

Strákarnir eru búnir að vera að spila á spil í
langan tíma eftir að mamma kenndi þeim að spila
þegar þeir voru litlir. Nú um daginn voru sumir
orðnir gráðugir og héldu nokkrum spilum fyrir sig
og vildu ekki deila með öðrum. Hinir sættu sig
ekki við þetta og þeir fóru að slást. Mamma kom
þá inn, skakkaði leikinn og tók af þeim öll spilin
og sátu þeir hnýpnir eftir. En mamma er góð og
stokkaði spilin og deildi spilunum út eftir
viðurkenndum reglum. Allir fengu nú að vera
með á ný. Enginn þorði að hafa rangt við og allir hugsuðu fallega um
hvern annan og þegar spilinu lauk var gefið á nýjan leik. Þó var alltaf
talið í bunkanum við og við, traustið var ekki jafnt sem fyrr.
Enginn vill að mamma stjórni öllu en samt viljum við að mamma
grípi inn í þegar illa gengur. Þegar vel gengur stöndum við ríg -
montnir og mamma gleymist en þegar illa gengur munum við öll eftir
mömmu. Svona upplifi ég einkavæðinguna og ríkisvaldið.
Flottræfilshátturinn og stórmennskan hafa dregið okkur niður í
svaðið, þeir nýríku héldu að þeir væru svo miklu betri en hinir og
gætu það sem aðrir gátu ekki. Það er gott og oft nauðsynlegt að vera
kjarkaður en eins og áhættuleikarar og töframenn vita þá verða menn
að hafa aðstæðurnar á sínu valdi. Ekkert má vera tilviljunum háð, og
sá sem gengur eftir línunni verður að vita hvað þarf að gera ef vindur
fer að blása. Hinir nýríku gleymdu sér í dásemdum sínum.
Hver verður staða venjulega fólksins? Hvað gerist með gengið?
Ríkur verðbólgan upp? Hvað sem gerist er eitt víst. Trúverðugleiki
okkar Íslendinga hefur orðið fyrir miklu tjóni. Þá er líka ljóst að
áhrifin verða keðjuverkandi. Það er ekki hægt að hlakka yfir óförum
þeirra nýríku, hvort sem þeir hafa grætt á viðskiptum, fengið kvóta á
silfurfati frá þjóðinni eða rænt sparisjóð, ófarir þeirra hafa áhrif á
okkar líf eins og velgengnin gerði líka, þó í miklu minna mæli hafi
verið.
Hafnarfjarðarbær skuldar háar fjárhæðir í erlendum gjaldeyri og
Seðlabankinn getur ekki haldið genginu niðri. Útgjöld munu
stóraukast, fyrirtæki munu mörg hver minnka umsvif sín en sem
betur fer búum við líka að öflugum útflutningsfyrirtækjum sem
kannski verða ljósið í tilveru okkar á næstunni.
Guðni Gíslason
4. Engidalsskóli,
aðstoðarskólastjóri
Lagðar fram umsóknir um stöðu
aðstoðarskólastjóra Engidals -
skóla. Eftirtaldir sækja um:
Anna María Skúladóttir
Arna Björný Arnardóttir
Jóhanna Þuríður Þorsteinsdóttir
Kristinn Svavarsson
8. Leikskólinn við Liljuvelli -
nafn
Formaður leggur til að á næsta
fundi fræðsluráðs komi fundar -
menn með tillögur að nafni leik -
skólans við Liljuvelli. Valin verði
fjögur til fimm nöfn úr þeim til -
lögum sem berast og gerð skoð -
anakönnun á heimasíðu bæjarins
um þau.
9. Leikskólarými, mat á þörf
Sbr. lið 7 í fundargerð fræðslu -
ráðs frá 22. september sl. Tillagan
tekin fyrir að nýju.
Fræðsluráð samþykkir að fela
fræðslusviði að leggja mat á þörf
leikskólarýma í Hafnarfirði miðað
við íbúaþróun síðustu ára og
áætla íbúaþróun næstu ára út frá
eftirfarandi forsendum:
- Öll börn 18 mánaða og eldri fái
leikskólavist að hausti og börn í
forgangshópi frá lokum töku
fæðingarorlofs.
- Öll 15 mánaða börn og eldri og
börn í forgangshópi frá lokum töku
fæðingarorlofs fái leikskólapláss
að hausti frá haustinu 2010.
- Öll 12 mánaða börn og eldri og
forgangshópar sem ekki njóta 12
mán aða fæðingarorlofs, fái leik -
skólavist frá haustinu 2012, geng -
ið er út frá því að fæðingarorlof
hafi verið lengt í 12 mánuði.
Jafnframt verði tillögunni vísað
til meðferðar hjá vinnuhópi um
endur skoðun skólastefnu Hafnar -
fjarðar.
13. Smárahvammur 15, aukin
umferð
Lögð fram greinagerð Línu -
hönn unar dags. í júní 2008 vegna
stjórnsýslukæru dags. 20. febrúar
2008. Undirbúningshópur um -
ferðar mála vísaði greinargerðinni
til skipulags- og byggingarráðs.
Skipulags- og byggingarráð
felur framkvæmdasviði í samvinnu
við skipulags- og byggingarsvið
að skila inn frekari gögnum.
20. Mælingar á svifryksmengun
Jón Páll Hallgrímsson leggur
fram eftirfarandi erindi:
Undanfarna vetur hefur svif -
ryks mengun mælst vel yfir heilsu -
verndarmörkum á ýmsum stöðum
á höfuborgarsvæðinu. Því er afar
mikilvægt að fylgjast með og
mæla loftgæði t.d við gatnamót
Reykjanesbrautar við Kaplakrika.
Sú jákvæða þróun hefur orðið að
færri eru farnir að aka á nagla -
dekkjum þannig að dregið hefur úr
svifryksmengun vegna þess.
Fulltrúi VG leggur því til að
gerðar verði loftgæðamælingar
við helstu stofnbrautir sem liggja
nærri íbúðabyggð í Hafnarfirði og
að Skipulags- og byggingarráð feli
umhverfisnefnd að koma með
aðgerðaáætlun sem styðji við að
dregið verði úr nagla -
dekkjanotkun.
Skipulags- og byggingarráð
samþykkir tillöguna.
2 www.fjardarposturinn.is Fimmtudagur 9. október 2008 1983-2008
Útgefandi: Keilir ehf. útgáfufélag, kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Víðistaðakirkja
Sunnudagurinn 12. október
Messa kl. 11:00
Kór Víðistaðasóknar syngur
undir stjórn Arngerðar Maríu Árnadóttur.
Prestur: Sr. Kjartan Jónsson héraðsprestur
Sunnudagaskólinn kl. 11:00
Skemmtileg stund fyrir börn á öllum aldri,
fer fram í loftsal kirkjunnar.
8-9 ára starf á mánudögum kl. 15:30
10-12 ára starf á mánudögum kl. 17:00
Kyrrðarstundir
á miðvikudögum kl. 12:00
Súpa og brauð í safnaðarheimilinu á eftir.
Opið hús fyrir eldri borgara
á miðvikudögum kl. 13:00
Spil, spjall og kaffiveitingar
Foreldrastundir
á fimmtudögum kl. 13.00
Gefandi samvera fyrir heimavinnandi foreldra.
www.vidistadakirkja.is
Allir velkomnir!
Bragi J. Ingibergsson,
sóknarprestur
Sýningar í Bæjarbíói
Á laugardaginn kl. 16 sýnir Kvik -
mynda safn Íslands Goya en Burdeos
í leikstjórn Carlos Saura. Myndin lýsir
síð ustu ævidögum hins fræga
spænska málara, Francisco Goya
(1746-1828), þar sem hann dvelur í
sjálfskipaðri útlegð í borginni Bordeaux
í Suður-Frakklandi og lítur yfir farinn
veg.
Á þriðjudaginn kl. 20 verður sýnd
myndin Málarinn og sálmurinn hans
um litinn. Leikstjóri Erlendur Sveins -
son. Málarinn fjallar um leit listamanns
að nýjum leiðum í list sinni, þegar
hann á síðari hluta æviskeiðs síns gerir
sér grein fyrir að myndstíll sá sem
hann hefur verið að fást við í þrjá
áratugi er fullkannaður og býður ekki
upp á frekari þróunarmöguleika.
Vedísk stjörnuspeki
Vetrarstarf Sálarrannsóknarfélagsins í
Hafnarfirði hefst með fræðslufundi í
Góðtemplarahúsinu í kvöld, fimmtu -
dag kl. 20.30. Ásta Óla flytur erindi er
hún nefnir „Vedísk stjörnuspeki“. Hún
mun fjalla um ýmsar hliðar stjörnu -
spek innar, hvaðan hún kemur og
hvernig hún tengist guðum og gyðjum
eða hindúatrú. Aðgangur er ókeypis.
Prjónakaffi
Prjónakaffi verður haldið í Vonarhöfn,
Hafnarfjarðarkirkju gengið inn af
Suðurgötu í kvöld fimmtud. kl. 20-22.
Allir velkomnir með handavinnuna eða
bara til að spjalla.
Páll Sólnes í Syrpu
Myndlistarsýning í Gallerí Syrpu á
verkum eftir Pál Sólnes. Opið er
þriðjudaga til föstudaga kl. 12-17 og
laugardaga kl. 10-14.
Tveir Modernistar
Sýningin Sigurjón Ólafsson og Þor -
valdur Skúlason - tveir modenistar
hefur verið opnuð í Hafnarborg. Mynd -
höggvarinn og listmálarnni voru í hópi
fram sæknustu listamanna sinnar
samtíðar og á rúmlega hálfrar aldar
starfsferli beindu þeir nýjum
straumum inn í íslenska myndlist.
Kaffi og spjall
hjá Vinstri grænum 13. október
Ögmundur Jónasson, þingmaður
Suðvesturkjördæmis verður í opnu húsi
Vinstri grænna að Strandgötu 11, 2. hæð,
mánudagskvöldið 13. október klukkan 19:30.
Allir velkomnir!