Prentarinn - 01.09.1999, Qupperneq 16

væri notað en blaðið unnið á tölv-
ur. Það sem við óttuðumst við
tölvusetningu var að þær fögru
reglur sem prentgyðjan hafði lagt
okkur á herðar á 500 ára þróunar-
ferli yrðu fyrir borð bornar, og sú
varð nú raunin fyrst í stað, ljótt
letur, röng stafa- og orðabil, hóru-
ungar o.fl., en við trúðum á þró-
unina og það hefur allt gengið
eftir. Kannski má segja að nú sé
margt að snúast á hina hliðina.
Nú vaða uppi rastar, litfletir án
tilgangs, skekkjur og afskræming-
ar sem meistari Hafsteinn, okkar
mesti snillingur í fagurfræði
prentlistarinnar (týpógrafíu), kall-
aði „blikkfang" uppá dönsku, það
sem gengur í augun á fólki án til-
lits til fagurfræðinnar sem á að
ríkja ofar sérhverri annarri kröfu."
Hvernig finnst þér staðan í
félaginu vera í dag?
„Mér finnst hún góð. Ég er
mjög feginn því að þessi eilífa
vinstri - hægri barátta er eigin-
lega horfin og núna starfar félagið
næstum eingöngu á faglegum
grundvelli þar sem allir sameinast
um að efla hag félagsmanna, sem
ég held að sé í raun og veru hinn
eini rétti tilgangur félagsins, og
mér finnst félagið vera á
blússandi siglingu með góða
menn í brúnni. Ég held að mestu
sigrar félagsins hafi verið réttind-
in sem enginn, hvorki verðbólga
né annað, getur tekið af okkur:
lífeyrissjóður, sjúkrasjóður, orlof,
styttri vinnutími, fræðslusjóður.
Einu sinni á heitum fundi var
sagt: „Félagar, fellum lífeyris-
sjóðinn. Við étum ekki réttindin.“
í dag lifum við góðu lífi á þeim.“
^*NDSSÍHINN^
Tölum nú aðeins um stjórn-
mál. Nií hefur afstaða
þín í pólitíkinni alltaf
verið mjög skýr, þú hefur
alltaffylgt Sjáifstœðis-
flokknum mjög eindregið
að málum og ekkert við
það að athuga - en miðað
við uppruna þinn, þú
kemur úr verkamanna-
fjölskyldu, œskuvinur
þinn Guðmundur Jaki
kallaði ykkur „verkó-
bísa", varstu ekki bara
rakið efni í vinstri tnann?
„Maður gæti haldið það, en það
er oft ekki langt milli vinstri og
hægri og ég held að tilgangur
allra manna sé að láta gott af sér
leiða, og þú getur í raun gert það,
hvar sem þú ert í lífinu. Margir
telja að vinstri menn sem byggja
mikið á jöfnuði og félagsstarfi,
séu á hinni einu réttu leið, en ég
held að það sé betra að efla hag
einstaklinganna og ég vil virkja
það heljarafl, sem í hverjum ein-
staklingi býr, til hagsbóta fyrir
heildina. Ég er sannfærður um, að
16 ■ PRENTARINN
einstaklingur sem fær eitthvað
fyrir sinn snúð, hann leggur meira
á sig heldur en sá sem veit að allt
fer í sameiginlegan pott sem allir
fá jafnt úr. Þetta hefur verið mín
pólitíska skoðun og hún á alveg
sama rétt á sér og vinstri skoðan-
ir. Ég veit ekki hvor er betri, þær
eru efalaust báðar góðar. En hefur
ekki hagfræðin gengið af komm-
únismanum dauðum?“
Hvernig líst þér á Sjálfstceð-
isflokkinn í dag og stjórn-
málin almennt ?
„Mér finnst að Sjálfstæðis-
flokkurinn sé að tryggja þjóðinni
mesta góðæri sögunnar og ég
held að foringinn sé óumdeildur.
Auðvitað má deila um ýmis at-
riði, en ég held að hinn almenni |
launþegi hafí aldrei haft það betra
en í dag. Þú getur séð það bara á
bflaflotanum, sólarferðunum, hin-
um óteljandi heimilistækjum o.fl.
og sem betur fer virðast allir hafa
það gott. En það er alveg sama
hvaða þjóðfélagi þú býrð í, það
verður alltaf einhver útundan. Það
verður ávallt að tryggja að sá
veikburða sé studdur til sjálfs-
bjargar."
Er þetta ekki Sjálfstœðis-
flokkurinn eins og hann
var? Er ekki stefnan núna
að færa auðmagnið á
sem fœstar hendur, t.d.
má nefna kvótamálið og
það er verið að skera nið-
ur félagsmála- og heil-
brigðiskerfið?
„Þú segir það, það getur náttúr-
lega verið eitthvað til í því, en ég
held að kvótinn geti aldrei virkað
nema honum sé stýrt eins og gert
er í dag. Framsal kvóta, þ.e. sá
duglegi sem getur veitt fiskinn á
ódýrari hátt fái að kaupa meiri
kvóta. Undirstaðan undir þeirri
auðsöfnun sem orðið hefur í sjáv-
arútvegi er frjálst framsal kvóta.
Þeir sem ekki eru eins duglegir,
þeir verða að láta þá duglegri
veiða fyrir sig. Það má auðveld-
lega skattleggja gróða sem er of >
mikill sums staðar í sjávarútvegi,
en kerfið í heild tel ég vera mjög
heilbrigt. Vinstri menn hafa alltaf *
haldið því fram, að gróði væri
glæpur, en þar fara þeir villir veg-
ar. Hæfilegur arður eða gróði af
viðskiptum og starfsemi er jafn-
heilbrigður og vöxturinn og gróð-
urinn í náttúrunni. Ríkisstjómin er
á ákaflega góðri leið núna, eða
veistu um eitthvert land í Vestur-
Evrópu þar sem lífskjör em betri
en hér?“