Prentarinn - 01.12.2001, Blaðsíða 3

NÝ ÞJÓÐARSÁTT
Leiðari
Alþýðusamband Islands hefur
tekið þá ákvörðun að uppsagnará-
kvæðið í kjarasamningum vegna
verðlagsforsendna miðað við
febrúar verði ekki nýtt, heldur
verði því frestað fram í maímán-
uð. Nú á að treysta á að stjórn-
völd komi böndum á vaxandi
verðbólgu sem hefúr nú reyndar
ekki tekist undanfarna mánuði, en
hvaða hugljómun það er, að nú á
næstu mánuðum takist betur til, á
þá eftir að koma í ljós.
En það ákvæði sem FBM hefur í
kjarasamningi er bundið ákvörð-
un launanefndar, félög sem ekki
eru í ASÍ geta þar engin áhrif haft
á, þau félög sem tekið hafa þá
ákvörðun að fylgja ákvörðun
launanefndar og vera utan ASI,
eru áhrifalaus.
Nú eiga hin almennu verkalýðsfé-
lög einn ganginn enn að sýna
ábyrgð, þau megi ekki verða upp-
vís að því að auka verðbólgu,
hækka vexti og minnka kaupmátt
með því að krefjast bættra kjara
og nýta sér ákvæði kjarasamn-
inga, nú verði að sýna ábyrgð og
stöðugleika. En hvað með aðra,
hvað með öll þau félög sem hafa
kverkatak á þjóðfélaginu og hafa
á undanfömum mánuðum fengið
tuga prósenta kauphækkanir,
þurfa þau enga ábyrgð að sýna,
geta þau firrt sig ábyrgð og velt
sínum kauphækkunum yfir á okk-
ur í almennu verkalýðsfélögunum
með hækkun á útsvari og þjón-
ustugjöldum eða hvað það nú allt
heitir? Nei, við verkamenn og
iðnaðarmenn eigum að sýna
ábyrgð en aðrir leika lausum hala
án allrar ábyrgðar, því það er svo
einfalt að hækka álögur á okkur
hinum sem glímum við einka-
markaðinn, þar hverfa fyrirtækin
einfaldlega en óhætt er að treysta
því að fátt hverfur eða minnkar í
opinberum rekstri, frekar að það
aukist, þar þarf ekki að hafa
áhyggjur af því að fýrirtækin
hverfi.
Nú þetta árið er greinilegur sam-
dráttur í prentiðnaðinum og mikið
hefur verið um uppsagnir og sam-
runa fyrirtækja en það versta er
að þegar fyrirtæki hættir koma
þau hin sömu atvinnutækifæri
ekki aftur. Nú er um 4% atvinnu-
leysi meðal okkar félagsmanna og
óttast ég reyndar að fleiri upp-
sagnir séu væntanlegar, m.a.
vegna þess að ein af stærri prent-
smiðjunum er að hætta með sam-
runa við aðra. Er við horfum á
þróun undanfarinna ára eru þær
margar prentsmiðjurnar sem eru
horfnar af markaðnum og í nýju
og stærra Gutenberg eru að
minnsta kosti 8 prentsmiðjur
komnar í eina.
Fleiri samruna væri hægt að
nefha.
Það eru að vísu margir samverk-
andi þættir sem gera það að verk-
um að prentsmiðjum fækkar: auk-
in tölvuvæðing, afkastameiri
prentvélar, erlend samkeppni og
nú geta nánast öll fyrirtæki prent-
að eyðublöð, reikninga og minni
verkefni. Margt af því sem áður
var unnið í prentsmiðju er nú
unnið á hverri skrifstofu.
En við í almennu verkalýðsfélög-
unum erum þjóðhollir menn og
öxlum okkar ábyrgð með því að
fá brot af eins stafs tölu í kaup-
hækkun, meðan aðrir hafa ekki
minna en stórar tveggja stafa töl-
ur.
Des. 2001, SÁ.
efélag
bókagerðar-
manna
sendir félagsmönnum og fjölskyldum þeirra
bestu jóla- og nýársóskir.
Megi friður jólanna vera með okkur öllum.
Jakob
Já, heitasta parið
í bransanum...
PRENTARINN ■ 3
prentarinn
Ritnefnd Prentarans:
Georg Páll Skúlason,
ritstjóri og ábyrgðarmaður.
Bragi Guðmundsson
Jakob Viðar Guðmundsson
Kristín Helgadóttir
Pétur Marel Gestsson
Sævar Hólm Pétursson
Ábendingar og óskir
lesenda um efni í blaðið
eru vel þegnar.
Leturgerðir í
Prentaranum eru:
Helvitica Ultra Compress,
Stone, Times, Garamond o.fl
Blaðið er prentað á 135 g
Ikonofix silk.
Prentvinnsla:
Fllmuútkeyrsla: Scitex
Prentvél: Heidelberg
Speedmaster 4ra lita.
Svansprent ehf.
Forsíðan
Ingunn Anna Þráinsdóttir er hönn-
uður lorsiðunnar. Forsíðan var
framlag hennar í forsíðukeppni
Prentarans 2001 og var meðal
þriggja verka sem valin voru af
dómnefnd til birtingar. í tilefni af
því að Ingunn Anna sígrar í þriðja
sinn á jafnmörgum árum í forsiðu-
keppni blaðsins átti Prentarinn
viðtal við hana sem er í blaðinu.