Prentarinn - 01.12.2001, Blaðsíða 17

Eru fleiri íslendingar þarna í
sama námi og þú?
„Eftir því sem ég best veit þá er
ég eini Islendingurinn hérna
núna. En ég hef heyrt af öðrum
sem hafa verið hér áður. Veit samt
ekkert meira um það.“
Kemur þú heim að lokitu námi?
„Að sjálfsögðu. Stefnan er tek-
in í Héraðsprent að námi loknu.
Þar hef ég í gegnum árin lært allt
sem ég kunni áður en ég kom
hingað og hefur sú reynsla komið
mér að gííúrlega góðum notum
hér. Þangað ætla ég að fara og
nýta mér menntunina þegar ég
verð útskrifúð.
Hvernig eru atvinnuhorfur í
faginu þama þar sem þú ert?
„Ég er nú ekki mikið inni í fag-
inu hér en ég hef heyrt að það
hafi verið einhver smá samdrátt-
ur, samt ekkert meiriháttar. Ég
veit líka að hér í Halifax eru laun-
in lægri heldur en heima á Is-
landi.“
Þessi árangur þinn, að vinna
forsíðukeþpnina þrjú ár í röð, er
vissulega glœsilegur. Ertu
stöðugt að hugsa um hönnun?
„Ég er alltaf að hugsa um
hönnun, alls konar hönnun, ekki
bara grafíska. Ég horfi mikið í
kringum mig og les tímarit og
skoða bækur. Svo hef ég áhuga á
arkitektúr og listasögu. Ég er
samt ekki alltaf sílesandi og
pælandi! Þetta nám hefur að
mörgu leyti opnað augu mín fyrir
mörgum öðrum flötum grafískrar
hönnunar, þ.e.a.s. ég skoða mitt
nánasta umhverfi allt öðruvísi.
T.d. skrifaði ég tillögu í einum
áfanganum til fyrirtækisins sem
rekur strætó hér í borg, í sam-
bandi við upplýsingahönnun og
skiltahönnun fyrir strætisvagna-
kerfið og strætisvagnastoppi-
stöðvarnar. Grafísk hönnun er svo
miklu meira heldur en bara að
hanna plaköt og auglýsingar og
gera eitthvað flott eða smart!
Upplýsingahönnun (information
design) er gífurlega mikilvægur
hluti grafískrar hönnunar því hún
tekur á þessum daglegu hlutum í
lífinu sem við tökum kannski
aldrei eftir, eins og t.d. hvernig
upplýsingum er komið fyrir í
■ íc,0
3
X' - 311 " u
Það sem ég vil gera í minni hönnun er að koma skilaboðunum beint til þess sem horflr á, engar flœkjur eða
ofhlœði af upplýsingum.
strætóskýlum og hvernig þær eru
skipulagðar."
Hvaðan fœrðu hugmyndir?
„Ég fæ hugmyndir alls staðar.
Yfirleitt um eitthvert málefni sem
er ofarlega í huga mínum. Eins og
t.d. forsíðan sem var með letrinu
og spurningunni „Er íslenska
okkar mál?“ Þegar ég gerði þá
forsíðu þá var ég mikið að hugsa
um öll þessi nýju tölvuorð og
hvernig þau hafa blandast inn í
daglegt tal prentiðnaðarins. Ég fæ
líka oft hugmyndir úr náttúrunni
og úr mannlífinu."
Þú virðist hafa frekar svona
„plein" stíl, hvað finnst þér um
menn eins og t.d. David Car-
son?
„Jú jú, margt sem David Car-
son hefur gert er sniðugt. Minn
uppáhaldshönnuður er samt án
efa Tibor Kalman, hann var ótrú-
legur náungi. Það má alveg segja
að ég hafi einfaldan stíl. Það sem
ég vil gera í minni hönnun er að
koma skilaboðunum beint til þess
sem horfir á, engar flækjur eða
ofhlæði af upplýsingum. Ég er
ekki hrifin af póstmódernisma!
Svo er ég líka orðin leið á öllu
þessu photoshop-mixi, það geta
allir fiffað eitthvað með photos-
hop-filterum en það þarf kannski
meiri kunnáttu til að teikna sjálfur
og nota hendurnar meira í ferlinu
heldur en að láta forritin búa hlut-
ina til.
Aðalkennarinn minn, Þjóðverji
að nafni Hanno Ehses, leggur
mikla áherslu á við okkur að
hætta að hugsa um útlitið ein-
göngu og hugsa frekar um hvað
það er sem við erum að reyna að

|! U l|ii § : ■ IF^,, » ■

Úr stúdíóinu okkar sem er eingöngu fyrir þá sem eru í Communication
Design prógramminu.
segja og hvaða upplýsingum við
erum að reyna að koma fram, út-
litið komi svo síðast, og sé í raun-
inni það þýðingarminnsta af öllu
ferlinu. Stundum sé ég líka hönn-
unargripi þar sem öll áherslan
hefur verið lögð á útlitið og upp-
lýsingarnar hafa einhvern veginn
týnst á leiðinni. Það er náttúrlega
alveg glatað!“
Hvað gerir þú þegar þú ert ekki
að hugsa um hönnun? Áttu ein-
hver önnur áhugamál?
„Mitt stærsta áhugamál er mað-
urinn minn, Ingvar. Greyið er bú-
inn að vera einn á Islandi allan
síðasta vetur og það sem af er
þessum vetri. En hann ætlar að
koma með mér út núna í janúar
og vera fram á vorið. Ahugamál
númer tvö er án efa stangveiði, ég
er algjörlega forfallin veiðimann-
eskja og veit ekkert betra en að
standa við á eða sitja við vatn og
hlusta á náttúruna og þögnina og
veiða. Þar finn ég minn griðastað
frá öllu stressinu og þessu dag-
lega amstri. Sumir voru nú eigin-
lega búnir að fá nóg af veiðiferð-
um síðastliðið sumar. Veiðidellan
er landlæg í Ijölskyldunni eins og
prentið! Ég hef líka mjög gaman
af því að mála með vatnslitum."
Þegar ég hafði samband við
Ingunni var hún önnum kafin við
að búa sig undir að koma heim í
jólafrí en gaf sér samt tíma til að
spjalla við mig. Ég vildi ekki tefja
hana lengur en óska henni og öll-
um lesendum Prentarans gleði-
legrar hátíðar og velfamaðar á
nýju ári.
PRENTARINN ■ 17