Bræðrabandið - 01.10.1974, Blaðsíða 6

Bræðrabandið - 01.10.1974, Blaðsíða 6
Bls. 6 - BRÆÐRABANDIÐ 10. tbl. Sú hugmynd, að bænin sé ekki nauðsynleg, er ein af áhrifaríkustu brögðum Satans til þess að eyðileggja sálir. Bæn er samfélag við Guð, lind vizkunnar, uppspretta styrks og friðar og hamingju. Jesús bað til föðurins "með sárum kveinstöfum og táraföllum". Pall hvetur hina trúuðu til "að biðja án afláts" og gera í öllum hlutum óskir sínar kunnar Guði í bæn með beiðni og þakkargjörð. "Biðjið hver fyrir öðrum", segir Jakob. "Kröftug bæn réttláts manns megnar mikið.1' (Heb. 5,7; l.Þess. 5,17; Jak. 5, 16.) Foreldrarnir ættu aö gera varnarvegg umhverfis börnin sín með einlægum og áköfum bænum. Þau ættu að biðja af fullri trú um það, að Guð muni vera með þeim og að heilagir englar hans muni vernda þau og börnin þeirra frá hinu grimmilega valdi Satans. í hverri fjölskyldu ætti að vera fastur txmi fyrir guðsæknis- stundir kvölds og morgna. En hvað það er viðeigandi fyrir foreldra að safna börnum sínum saman áður en matar er neytt til að þakka hinum himneska föður fyrir vernd hans yfir nóttina og að biðja hann um hjálp og leiðsögn og umönnun yfir daginn: En hvað það er líka viðeigandi þegar kvölda tekur, að foreldrar og börn safnist aftur saman frammi fyrir honum og þakki honum blessanir liðins dags. A hverjum morgni skuluð þið helga ykkur og börn ykkar Guði þann dag. Reiknið ekki með mánuðum eða árum. Þau eru ekki á ykkar valdi. Einn skammvinnur dagur er ykkur gefinn. Notið stundir hans til þess að vinna fyrir meistarann eins og það væri ykkar síðasti dagur á jörðu. Leggið öll áform ykkar fram fyrir Guð og framkvæmið þau eða hættið við þau eftir því sem forsjón hans gefur til kynna. FyjLgið áformum hans í stað ykkar eigin, jafnvel þótt það kostaði það, að þið yrðuö að hætta við eftirlætisverkefni. Á þann hátt mundi lífið mótast meira og meira eftir hinu guðlega fordæmi og "friður Guðs, sem er æðri öllum skilningi, mun varðveita hjörtu yðar og hugsanir í samfélaginu við Krist Jesúm". Fil.4,7. Faðirinn ætti að stjórna tilbeiðslustundunum, eða móðirin í fjarvist hans, og velja ritningargrein, sem er áhugavekjandi og auðskilin. Athöfnin skyldi vera stutt. Þegar langur kafli er lesinn og langar bænir fluttar, verður athöfnin þreytandi og öllum léttir, þegar henni lýkur. Það er vanheiður fyrir Guð, þegar til- beiðslustundin er gerð þurr og leiðinleg, þegar hún er svo óskemmtileg og laus við aö vera áhugavekjandi, að börnin óttast hana. Feður og mæður, gjörið tilbeiðslustundina feykilega áhugavekjandi. Það er engin ástæða til að þessi stund sé ekki sú skemmtilegasta og ánægjulegasta á öllum deginum. Ef þið sýnið svolitla hugsun við undirbúning hennar, mun ykkur verða kleift að gera hana áhugavekjandi og gagnlega. Hafið tilbreytni í athöfninni öðru hverju. Spurningar má bera fram um þá ritningargrein, sem lesin var, og bera fram fáeinar einlægar tímabærar athugasemdir. Lofsöng má syngja. Bænin, sem flutt er, ætti að vera stutt og gagnorð. Sa, sem hefur orð fyrir hinum í bæninni, ætti með einföldum og einlægum orðum að lofa Guð fyrir gæzku hans og biðja hann um hjálp. Börnin ættu eftir því sem aðstæður leyfa að taka þátt í lestrinum og bæninni. Eilífðin ein mun sýna það góða, sem slíkar tilbeiðslustundir hafa að geyma.

x

Bræðrabandið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bræðrabandið
https://timarit.is/publication/698

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.