Bræðrabandið - 01.10.1974, Qupperneq 7

Bls. 7 - BRÆÐRABANDIÐ 10. tbl.
ÓTBREIÐSLUBLflÐ
Eins og áður hefur komið fram í Bræðrabandinu er ráðgert að
gefa út á næstunni útbreiðslublað. Blaðið verður 28 síður meö
litprentaðri kápu og mörgum góðum greinum andlegs efnis. Er
hugsunin sú, að systkinin selji þetta blað eða kaupi það og gefi
ef þau vilja. Margir hafa harmað það á liðnum árum, að við skulum
ekki hafa málgagn á opinberum vettvangi. Nú mun það koma. Blað
með kristilegu efni, myndskreytt.
Þetta er tilraunaútgáfa. Til þess að tilraunin takist þarf
hver meðlimur safnaðarins að selja 20 blöð strax eftir að blaðið
kemur. Ef margir verða til að taka að sér sín 20 blöð og koma þeim
fljótt frá sér, verður hægt að gefa út annað blað. Ef hins vegar
fáir verða til þess að sýna þessu áhuga og forlagið þarf að
liggja með blaðið, verður ekki hægt að endurtaka útgáfuna. Það
er því systkinunum algerlega í sjálfsvald sett, hvort um framhald
verður á útgáfu útbreiðslublaðs.
Ég er bjartsýnn á að svo verði. Hér er um þýðingarmikið mál
að ræða og væri ákjósanlegt að geta gefið út svona útbreiðslu- og
kynningarblað öðru hvoru - t.d. annað hvert ár eða jafnvel á
hverju ári. Ég er viss um að hér er um kærkomið mál fyrir systkinin
að ræöa því að alltaf vantar okkvir hentugt efni til að nota í
kristniboðsstarfi meðal kunningja og vina.
Þegar kemur að því að blaðið kemur út verður það kynnt nánar
í söfnuðunum, en æskilegt væri að vita um viðbrögð systkinanna.
Gætu þau gert það með því að senda skrifstofunni seðilinn að neðan.
óska eftir aö selja 20 eintök af útbreiðslu- og kynningarblaði sem
á að koma út á næstunni.
Nafn.
Haimili.