Fréttatíminn - 06.09.2013, Side 38

Galieve Cool Mint mixtúra, dreifa /skammtapoki / Galieve Peppermint tuggutöflur.. Innihaldslýsing:
Hver 10 ml skammtur af Galieve Cool Mint inniheldur 500 mg af natríumalgínati, 267 mg af
natríumhýdrógenkarbónati og 160 mg af kalsíumkarbónati. Hver tafla Galieve Peppermint
inniheldur: 250 mg af natríumalgínati, 133,5 mg af natríumhýdrógenkarbónati og 80 mg af
kalsíumkarbónati. Ábendingar: Meðferð við einkennum maga- og vélindabakflæðis, svo sem nábít
(sýrubakflæði), brjóstsviða og meltingartruflunum (tengdum bakflæði), t.d. eftir máltíðir eða á
meðgöngu. Skammtar og lyfjagjöf: Galieve Cool Mint mixtúra: Til inntöku. Fullorðnir og börn 12 ára
og eldri: 10-20 ml (eða 1-2 skammtapokar) eftir máltíðir og þegar farið er að sofa (allt að fjórum
sinnum á dag). Galieve Peppermint tuggutöflur: Til inntöku, eftir að hafa verið tuggin vandlega.
Fullorðnir og börn 12 ára og eldri: Tvær til fjórar töflur eftir máltíðir og þegar farið er að sofa (allt að
fjórum sinnum á sólarhring). Frábendingar: Ekki má nota lyfið hjá sjúklingum með þekkt ofnæmi fyrir
virku efnunum eða einhverju hjálparefnanna, eða ef grunur er um slíkt. Sérstök varnaðarorð og
varúðarreglur við notkun: Galieve inniheldur natríum. Þetta þarf að hafa í huga þegar þörf er á mjög
saltsnauðu fæði, t.d. í sumum tilvikum hjartabilunar og skerðingar á nýrnastarfsemi. Galieve
inniheldur kalsíumkarbónat. Gæta þarf varúðar við meðferð sjúklinga með blóðkalsíumhækkun,
nýrnakölkun og endurtekna nýrnasteina sem innihalda kalsíum. Verkun er hugsanlega skert hjá
sjúklingum með mjög lága þéttni magasýru. Ef einkenni batna ekki eftir sjö daga, skal endurmeta
klínískt ástand. Yfirleitt er ekki mælt með meðferð hjá börnum yngri en 12 ára, nema samkvæmt
læknisráði. Galieve Cool Mint mixtúra/skammtapokar inniheldur metýlparahýdroxýbenzóat (E218)
og própýlparahýdroxýbenzóat (E216) sem geta valdið ofnæmisviðbrögðum (hugsanlega
síðbúnum). Galieve Peppermint tuggutöflur má ekki gefa sjúklingum með fenýlketónmigu, þar sem
þær innihalda aspartam.. Lesið leiðbeiningar á umbúðum og í fylgiseðli fyrir notkun. Geymið þar
sem börn hvorki ná til né sjá. Markaðsleyfishafi: Reckitt Benckiser Healthcare A/S. Umboð á Íslandi:
Artasan ehf., Suðurhrauni 12a, 210 Garðabæ.
1. V Strugala er. Al. The journal of international medical research, vol 38 (2010) A randomized,
Controlled, Crossover trial to Investigae Times of onset of the perception of soothing and cooling
by Over-the-Counter Heartburn Treatments.
2. B.Chevrel, MD. Journal of International Medical Research, vol 8 (1980) A comparative Cross-over
Study on the Treatment of heartburn and Epigastric Pain; Liquid Gaviscone and Magnesium-
Aluminum Antacid Gel.
Ert þú með
brjóstsviða?
• Dregur úr brjóstsviða á 3 mínútum 1
• Virkar í allt að 4 tíma 2
Mixtúra Cool Mint 300 ml
Mixtúra með Cool Mint bragði og lykt.
Galieve Peppermint
Tuggutöflur með piparmintu bragði
38 matur og vín Helgin 6.-8 september 2013
 Veitingastaðir Micro Bar í austurstræti selur 150 Bjórtegundir
Þ að er mikið af ferða-mönnum sem sækja staðinn og þeir eru í
meirihluta á rólegu dögun-
um, sunnudögum, mánudög-
um og þriðjudögum. En Ís-
lendingar eru klárlega farnir
að kunna betur að meta
góðan bjór og eru duglegir að
koma hingað. Þeir eru meira
að segja farnir að fara fyrr á
fætur og læra að við opnum
snemma og lokum snemma,“
segir Árni Ingólfur Halldórs-
son Hafstað, eigandi Micro
Bars í Austurstræti.
Árni opnaði Micro Bar
fyrir rúmu ári til að kynna
eigin bjór. Hann er eigandi
brugghússins Gæðings og
var ósáttur við að koma ekki
bjórnum sínum að á börunum
í Reykjavík vegna þess sem
hann kallar yfirgang stóru
framleiðendanna. Fyrir vikið
eru vörur þeirra ekki til sölu
á Micro Bar.
„Alla jafna erum við með
átta krana og á þeim eru
bjórar frá íslensku örbrugg-
húsunum; Steðja, Ölvisholti,
Kalda og Gæðingi,“ segir
hann.
Er ekki freistandi að bjóða
bara upp á þinn bjór og skilja
aðra útundan?
„Við erum yfirleitt með þrjá
bjóra frá Gæðingi á krana. Ég
reyni að leika tvö hlutverk í
þessu. Þegar ég er norður í
brugghúsi vil ég helst hafa
átta bjóra á krana en þegar
ég er hér vil ég alls ekki fleiri
en fjóra.“
En úrvalið á krana er
fátæklegt í samanburði við
þann fjölda af bjórum sem
hægt er að kaupa á flöskum.
Árni segir að alls séu um 150
bjórtegundir í boði á Micro
Bar og má ólíklegt telja að
finna megi bar með viðlíka
úrval hér á landi.
„Við erum sennilega með
mest frá dönskum brugg-
urum, svo koma Belgar, þá
Skotar og svo er svolítið frá
Ameríku, Bretlandi og Hol-
landi.“
Heimili bjóráhugafólks
Micro Bar í Austurstræti var opnaður fyrir rúmu ári. Upphaflega hugmyndin var sú að kynna
bjórinn Gæðing en hún hefur síðan undið upp á sig. Nú er barinn athvarf fyrir fólk sem vill kynn-
ast nýjum bjórtegundum og getur það valið úr 150 slíkum.
Árni Ingólfur Halldórsson Hafstað, til vinstri, er eigandi brugghússins Gæðings og Micro Bars í Austurstræti. Með honum er
Steinn Stefánsson sem sér um að boða út fagnaðarerindið á barnum þar sem hægt er að velja úr 150 tegundum af bjór.
Hvað er vinsælast?
„Á krana held ég að það
sé Tumi humall. Við reynum
að hafa hann alltaf á krana. Í
hillunum er Mikkeller senni-
lega vinsælastur. Við erum
með um 30 tegundir af Mikk-
eller núna. Svo erum við með
átta tegundir af To Øl og
nokkuð margar tegundir af
Brewdog frá Skotlandi.“
Hvaða bjórar eru í upp-
áhaldi hjá þér?
„Ég drekk helst India Pale
Ale bjóra. Gallinn við þá er
að maður verður fullur af
þeim. Maður verður að byrja
seint og hætta snemma. Mér
finnst India Pale Ale-arnir frá
To Øl mjög óðir og sömuleið-
is Green Gold frá Mikkeller.
Svo er Rogue Yellow Snow
IPA líka góður.“
Þetta hljómar eins og þú
gætir hafa opnað bar til að
sitja að sumbli sjálfur...
„Ég sá alveg að ég gæti
nýtt mér þetta. En svo eru
til hér bjórar sem ég nánast
fussa og sveia yfir. Bjórar
sem eru svipaðir og vökvinn
sem slátur liggur í.“
Árni segir að Micro Bar
hafi gengið mjög vel fyrsta
starfsárið. Hann er sífellt
að leita leiða til að brydda
upp á nýjungum og á næstu
dögum verður farið að selja
íslenskt viskí á barnum.
Viskíið verður selt af eikar-
tunnu.
Þú hefur ekki hugsað þér
að færa út kvíarnar og opna
fleiri bari?
„Það hefur aðeins verið
að hrærast í kollinum á mér,
jú. En ég veit ekki hvað
verður. Ég er búinn að bjóða
í ákveðna eign og ef ég fær
hana þá held ég að ég verði
að fylgja þessari hugmynd
áfram. Ég get sagt þér að
hún er ekki í Reykjavík. Og
ekki á Manhattan en ein-
hvern tímann var ég að spá í
að opna bar þar.“
Höskuldur Daði Magnússon
hdm@frettatiminn.is
Á Micro Bar eru jafnan átta bjórtegundir fáanlegar á
krana en góðan tíma tekur að renna í gegnum listann
yfir flöskubjóra sem í boði eru.
Lj
ós
m
yn
d/
H
ar
i