Fréttatíminn - 06.09.2013, Blaðsíða 62

62 dægurmál Helgin 6.-8. september 2013
É g ætla að slá heimsmet með efna-hvarfi en ég ætla ekki að ljóstra upp hvað ég geri nákvæmlega. Þeir sem
vilja sjá það verða bara að koma á sýn-
inguna,“ segir Katrín Lilja Sigurðardóttir,
eða Sprengju-Kata eins og hún er stundum
kölluð.
Katrín tekur þátt í Heimsmetadegi Ripleys
sem haldinn verður í Háskólabíói 21. septem-
ber næstkomandi. Heimsmetadagurinn er
kynntur sem mögnuð fjölskylduskemmtun
þar sem áhorfendur muni verða vitni að ótrú-
legum heimsmetum og fá sjálfir að taka þátt
í því að setja eitt slíkt. Auk Katrínar troða
upp Sirkus Íslands, töframaðurinn Einar
Mikael, Hafþór „The Hulk“ og heiðursgest-
urinn verður Dan Meyer sverðgleypir sem
ferðast hefur víða um heim með atriði sitt.
Katrín er að ljúka meistaranámi í efna-
fræði við Háskóla Íslands og byrjar í doktors-
námi í ólífrænni efnafræði við sama skóla í
febrúar. Meðfram námi sínu hefur hún verið
dugleg við stundakennslu í Háskólanum
og segir kennsluna eitt sem það skemmti-
legasta sem hún gerir. Ástæða þess að
stundakennari úr Háskólanum og tilvonandi
doktorsnemi tekur þátt í heimsmetasýn-
ingu Ripleys má rekja til þátttöku Katrínar í
Sprengjugengi Háskólans en það hefur vakið
talsverða athygli undanfarið.
„Já, Sprengjugengið er upphaf alls þessa.
Það er orðið sex ára en ég kom inn í það
árið 2010. Ég hef lagt ótrúlega mikla vinnu í
það síðan þá og finnst eiginlega að þetta sé
barnið mitt. Hugmyndin var reyndar sú að
draga mig aðeins í hlé á þessari önn fyrst ég
er að fara að útskrifast en það gengur ekki
nógu vel. Ég ætlaði að dreifa ábyrgðinni en
sogast bara meira og meira inn í þetta.“
Þegar talað er við Katrínu er erfitt annað
en að smitast af áhuga hennar á efnafræði.
Hún segir efni og efnahvörf vera „töfrum
líkust“ og markmiðið er að smita fleiri af
þessum áhuga. „Eftir að Sprengjugengið
byrjaði vita allir krakkar hvað efnafræði er.
Ég bíð eftir að það verði sprengja í nýnemum
í efnafræði eftir svona 6-7 ár. Þeir sem hafa
áhuga geta komið á Vísindavöku Rannís í
Háskólabíói 27. september. Þar verða tvær
stórar sýningar hjá Sprengjugenginu sem
ókeypis er inn á. Svo er ég líka að vinna við
landskeppnina í efnafræði þar sem fjórir
bestu efnafræðinemar landsins undir tví-
tugu fá að fara með mér á Ólympíuleikana í
Víetnam á næsta ári.“
Efnafræðin er þó ekki það eina sem kemst
að í lífi Katrínar því hún er fjölskyldumann-
eskja, á mann og þrjá gríslinga eins og hún
orðar það. Katrín notar hverja lausa stund
til að fara út að hlaupa og hefur tekið þátt í
keppnum með góðum árangri. „Jájá, ég er á
hraðri uppleið í hlaupunum. Ég byrjaði sem
bústin þriggja barna móðir og svo hljóp ég
þetta allt af mér. Það er eitt og hálft ár síðan
ég byrjaði og þetta hefur gengið glimrandi
vel. Hlaupin eru frítími fyrir annasamt fólk,
þetta er minn tími í góðum félagsskap.
Hlaupamenningin hér er líka rosaleg, það
virðast allir vera að hlaupa,“ segir Katrín
sem er þrítug.
Hvernig hefurðu tíma fyrir þetta allt?
„Ég fer aldrei í bíó, kveiki aldrei á sjón-
varpinu og les aldrei skáldsögur. Allt sem
ég geri finnst mér skemmtilegt, fjölskyldan,
hlaup og efnafræðin.“
Höskuldur Daði Magnússon
hdm@frettatiminn.is
 Töfrar KaTrín LiLja TeKur þáTT í HeimsmeTadegi ripLeys
Sprengju-Kata hljóp
af sér meðgöngukílóin
Sprengju-Kata heillar áhorfendur með efnafræðitilraunum sínum. Undir yfirborðinu leynist þrítug þriggja barna móðir sem
elskar að fara út að hlaupa. Ljósmynd/Hari
Katrín Lilja
Sigurðardóttir
er hugfangin
af efnafræði.
Þegar hún er
ekki að læra
efnafræði
er hún að
kenna hana
eða að sýna
áhugasömum
töfra efna-
fræðinnar.
Þess á milli
sinnir hún
fjölskyldunni
og stundar
hlaup.
Mér líður vel hérna
og stefni að því að
vera í Háskólabíói
til dauðadags.
 HaLLdór sigurðsson sexTugur móTTöKusTjóri
Hefur verið alla starfsævina í bíó
Þeir eru líklega fáir bíógestirnir á Íslandi sem hafa ekki
einhvern tíma fengið höfðinglegar móttökur hjá Hall-
dóri Ómari Sigurðssyni, móttökustjóra í Háskólabíói,
en hann hefur staðið vaktina og rifið miða í íslensk-
um kvikmyndahúsum í fjörutíu ár. Halldór fagnar á
mánudaginn sextugsafmæli sínu og hefur því eytt allri
starfsævinni í bíó.
„Ég byrjaði í þessu þegar ég var tvítugur. Var í Hafn-
arbíói og svo í Regnboganum í 30 ár en þegar hann var
lagður niður lá leið mín hingað í Háskólabíó. Samanlagt
eru þetta því orðin 40 ár og nú er ég sextugur þannig
að þetta er öll starfsævin,“ segir móttökustjórinn sem
hefur sett svip sinn á ofangreind kvikmyndahús enda
tekur hann ætíð á móti gestum einkennisklæddur.
Halldór segir bíómenningu Íslendinga ekki hafa
tekið miklum breytingum þessa áratugi sem að baki
eru en mestu skipti þó að hann standi alltaf sína pligt
óbreyttur.
„Ég er alltaf eins og hef ekkert breyst. Ég er svo
ungur þótt ég hafi reddað því að vera í bransanum í
40 ár.“ Halldór segist una hag sínum vel við Haga-
torg og líki vel í Háskólabíói. „Mér líður vel hérna
og stefni að því að vera í Háskólabíói til dauðadags.“
Halldór lætur að sjálfsögðu bíómyndirnar ekki
fram hjá sér fara. „Jújú, ég sé allt sem fer hér í gegn.
Ég var að horfa á Hross í oss núna. Ég hafði gaman
af henni og hún fær góða dóma frá mér,“ segir Hall-
dór og óhætt að treysta honum þar sem hann veit hvað
hann er að tala um þegar bíómyndir eru annars vegar.
-þþ
Halldór Ómar Sigurðsson hefur sett svip sinn
á kvikmyndahúsin Regnbogann og Háskólabíó
áratugum saman og hefur verið virðulegur
móttökustjóri á báðum stöðum.
Vinsæl og veit af því
Alþingiskonan Elín Hirst fagnaði 53 ára
afmæli sínu
í vikunni
og hefur,
eins og svo
margir,
komist að
því að það
er ákaflega
gaman að
eiga afmæli
á Facebook enda gætir samskiptavef-
urinn þess vandlega að upplýsa vini og
kunningja um afmælisdaga Facebook-
notenda. Kveðjurnar streymdu því
að vonum til Elínar sem þakkaði
hrærð fyrir sig á sama vettvangi: „Mig
langar til að þakka þeim tæplegu 800
Facebook vinum mínum sem sendu
mér afmæliskveðju á 53 ára afmæli
mínu í gær. Þið eruð yndisleg.“
Sprelligosar hjá RIFF
Óvenju mikið fjör er á skrifstofu Alþjóðlegu kvikmyndahátíð-
arinnar í Reykjavík, RIFF, í aðdraganda tíundu hátíðarinnar
um mánaðamótin. Ástæðuna fyrir þessum brakandi
ferskleika og mikla sprelli með tónlistarívafi má
rekja til þess að Hrönn Marínósdóttir, stjórnandi
hátíðarinnar, hefur safnað saman landsþekktum
grínurum og tónlistarmönnum í starfslið sitt.
Þetta árið eru þeir samankomnir í herbúðunum Dr.
Gunni, Mið-Íslendingarnir Bergur Ebbi Benedikts-
son og Jóhann Alfreð Kristinsson, Atli
Bollason, stundum kenndur við
Sprengjuhöllina, og stuðboltinn Óttó
Tynes sem að eigin sögn er besti
partígítarleikari landsins.
þriðjudaginn 10. september
klukkan 17-19
Ingólfsstræti 3, 2. hæð
Steinunn stækkar við sig
Sjónvarpskonan Ragnhildur Steinunn Jónsdóttir
og maður hennar, Haukur Ingi Guðnason,
fyrrum knattspyrnumaður, festu nýverið kaup á
einbýlishúsi við Nesveg í Vesturbæ Reykjavíkur.
Þau skötuhjúin hafa strax ákveðið að stækka
húsið og hafa sótt um leyfi til
byggingafulltrúa til að
hækka mæni, bæta við
kvisti og stækka kvist
sem fyrir er og stækka
útbyggingu á húsinu.
Stækkunin nemur
rúmum 53 fermetrum.
Beiðni þeirra fer til
skipulags-
fulltrúa til
ákvörð-
unar um
grennd-
arkynn-
ingu.