SÍB-blaðið - 01.12.1999, Blaðsíða 21

Kæra SÍB gegn Reiknistofu bankanna
Þann 26. nóv. sl kvað kærunefnd jafn-
réttismála upp úrskurð í máli nr. 7/1999
sem var eftirfarandi:
Full laun í 14 daga
„Með bréfi dags. 5. mars 1999 fór
Samband íslenskra bankamanna (SÍB)
þess á leit við kærunefnd jafnréttismála
að hún kannaði og tæki afstöðu til þess
hvort synjun Reiknistofu bankanna
(RB) í október 1998 á greiðslu fæðingar-
styrks og launa til A, starfsmanns RB, í
14 daga fæðingarorlofi hans bryti gegn
ákvæðum laga nr. 28/1991 um jafna
stöðu og jafnan rétt kvenna og karla
(jafnréttislaga).”
Eingreiðsla bæði til
mæðra og feðra
„Það er álit kærunefndar að kostnað-
ur vegna fæðingar barns hljóti að jafn-
aði að lenda á föður jafnt sem móður,
búi faðirinn á heimili barnsins. Nefndin
telur ennfremur að fæðingarstyrkur-inn
falli ekki undir ákvæði lokamálsliðar 3.
gr. jafnréttis- laga, sbr. 2. mgr. 6. gr.
Ljósmynd: Landspítalinn/Þðrdís.
sömu laga, enda þeir hagsmunir sem á-
kvæðið verndar nægjanlega tryggðir
með ákvæði kjarasamningsins um
þriggja mánaða launað fæðingarorlof.
Það er því álit nefndarinnar að sú á-
kvörðun RB að túlka umrædda bókun
með kjarasamningi þannig að hún
tryggi konum en ekki körlum þennan
rétt samræmist ekki 1. tl. 1. mgr. 6. gr.
jafnréttislaga.
Kærunefnd beinir þeim tilmælum
til Reiknistofu bankanna að kæranda
verði greiddur fæðingar-styrkur og
Iaun í 14 daga fæðingarorlof i hans.”
Félagsmenn SÍB eru hvattir til að
kynna sér þennan úrskurð og það sem
af honum kann að leiða. Úrskurðurinn
er birtur í heild á vefnum www.jafnret-
ti.is undir „álitsgerðir kærunefndar”. Á
þessum vef er einnig ýmis fróðleikur
um jafnréttismál. Jafnframt er bent á
umfjöllun um fæðingarorlof á vef SÍB.
Rétt er að geta þess að eftir að ofan-
greint mál kom upp var samið í kjara-
samningi SÍB og bankanna um jafnan
rétt kynjanna til fæðingarstyrks. Eftir
stendur að það sem nýtt er í úrskurðin-
um er að kærunefndin lítur svo á að
launþegi eigi að halda fullum launum
frá vinnuveitanda í tveggja vikna fæð-
ingarorlofi sem tekið er á fyrstu 8 vik-
um eftir fæðingu eða heimkomu barns.
Nýrfrœðslu- og kynningarfulltrúi:
Ahersla lögð á fræðslumál
- segir Sigurður Albert Armannsson nýráðinn frceðslu- og kynningarfulltrúi SIB.
Sigurður Albert Ármannsson er
fæddur árið 1955 og uppalinn í Garðin-
um. Að loknu námi í Kennaraháskóla
íslands starfaði hann við kennslu í
grunnskóla frá árinu 1978 til ársins
1986 þegar hann réðist til starfa við
Samvinnuskólann - sem heitir nú Sam-
vinnuháskólinn. Þar starfaði Sigurður
þar til nú í sumar, fyrst eingöngu við
kennslu en síðan einnig við stjórnun.
Hann tók þátt í því stórvirki að endur-
skapa og móta þar nýjan samvinnuhá-
skóla sem varð síðar í raun fyrirmynd-
in að Viðskiptaháskólanum.
Sigurður er giftur Ólöfu Ragnheiði
Ólafsdóttur sem starfar í fjárreiðu-
deild Samskipa, og saman eiga þau
fjögur börn á aldrinum 10 -18 ára.
Sigurður segist helst eyða þeim litla
tíma sem gefst frá störfum til að sinna
fjölskyldunni. „Við höfum undanfarin
ár verið að dunda við að koma okkur
upp sumarbústað og stússa í skóg-
rækt tengt því. Eins erum við hjónin
þátttakendur í öflugum þjóðdansa-
hópi í Borgarfirðinum en sá félags-
skapur er sérlega gefandi og skemmti-
legur,” segir Sigurður.
En á hvað kemur nýr fræðslu- og
kynningarfulltrúi til með að leggja á-
herslu í sínu nýja starfi? Sigurður svar-
ar því þannig til: „Þegar lesin er þing-
gerð síðasta þings SÍB þá liggur fyrir
að vilji samtakanna stendur til þess að
Ieggja aukna áherslu á fræðslumál frá
öllum hliðum. Þar sem þingið er jú
æðsta vald samtakanna verður að líta
svo á að þar komi fram þær meginá-
herslur sem starfsmönnum samtak-
anna ber að framfylgja. Ég lít svo á að
það sé höfuðverkefni að útfæra og
framkvæma þá stefnu sem samþykkt
var á þinginu - og helst að gera betur.
Jafnframt er forvitnilegt að sjá hvort
fræðslumál og símenntun komi til með
að fá aukið vægi við gerð kjarasamn-
inga.” Þá segir Sigurður að kanna
verði alla þá valkosti sem fyrir hendi
eru til að útfæra og nýta möguleika nú-
tímatækni við fræðslu- og kynningar-
mál hjá þessum öflugu samtökum.
21