Bændablaðið - 06.06.2013, Blaðsíða 33

33Bændablaðið | Fimmtudagur 6. júní 2013
Yanmar 3,9 tonna belta grafa
og 800 kg beltavagn á lager.
FG Wilson rafstöðvar 33 til
110 kva á lager. Koma opnar
eða í hljóðeinangrun og með
sjálfvirknibúnaði. Önnumst
einnig uppsetningar og við-
haldsviðgerðir.
Mase Generators rafstöðvar
á lager frá 5 kw, 1 og 3ja fasa.
Kaeser-loftpressur eru þýsk
gæðavara. Útvegum bæði
nýjar og notaðar dregnar
pressur 7-14 bör.
Tsurumi Pump eru japanskar
gæða dælur fyrir verktaka,
skolpkerfi, fiskverkanir og
sem dælur í aðgerðarrými á
fiskiskipum.
Linser-gúmmíbelti og belt-
arúllur í flestar gerðir belta-
véla. Einnig keðjur, rúllur og
stálbelti.
Vermeer-trjákurlarar og jarð-
vegssagir fyrir lagnavinnu.
Veitingastaðurinn Slippurinn í Vestmannaeyjum opnaður á ný:
Slow Food-hugsjón í hávegum
– ferskt og gott hráefni af Suðurlandi
Mamman Katrín Gísladóttir, sem sér
um kryddjurtirnar, Gísli Matthías y r-
kokkur og systir hans Indíana sem er
framkvæmdastýra Slippsins.
Á síðasta sumri var í Vestmanna-
eyjum starfandi Veitingastaðurinn
Slippurinn, í húsnæði sem áður fyrr
hýsti Vélsmiðjuna Magna og gamla
slippinn. Staðnum var lokað yfir
vetrartímann en dyrnar hafa nú
verið opnaðar að nýju.
Gísli Matthías Auðunsson er
yfirkokkur á staðnum, en hann hefur
vakið athygli sem ein af vonarstjörnum
ungra matreiðslumeistara á Íslandi.
Hann útskrifaðist frá Hótel- og
veitingaskólanum árið 2011 og var
valinn nemi ársins með hæstu einkunn
á verklega prófinu. Hann hefur látið
að sér kveða í Slow Food Reykjavík
og situr þar í stjórn.
Fjölskylda Gísla hefur staðið að
framkvæmdum og rekstri með honum.
Staðnum hefur verið vel tekið af
heimamönnum og vönduð vinnubrögð
vakið athygli – bæði hvað varðar
húsnæðisbreytingarnar en ekki síður
vegna þess hvernig ferskt hráefnið er
meðhöndlað.
„Við náðum ekki að opna fyrr en í
byrjun júlí í fyrra þannig að það verður
frábært að fá heilt sumar í þetta skiptið,“
segir Indíana, framkvæmdastýra,
hönnuður húsnæðisins og systir
Gísla. „Fyrir opnun í fyrra fórum við
út í mjög tímafrekar framkvæmdir
innanhúss. Það varð til þess að opnunin
dróst svona á langinn. Við erum samt
hæstánægð með að hafa gefið okkur
tíma í þetta, því þær gefa staðnum sitt
yfirbragð.“
Slow Food-hugsjónin í hávegum
höfð
Gísli hefur unnið talsvert í mat-
seðlinum frá síðasta sumri og hefur
sótt sér innblástur víða að. Hann notaði
veturinn í að ferðast um sunnanverða
Evrópu og var lengst af í Frakklandi.
„Það er svo nauðsynlegt fyrir alla
sem sinna þessu starfi af ástríðu að
sækja sér reglulega innblástur og bæta
við reynsluna. Það skemmtilega við
Slippinn er að koma þangað ferskur
á vorin, gera sitt allra besta yfir
sumarmánuðina og nýta svo veturinn
í önnur störf sem styrkja starf manns
á einhvern hátt,“ segir hann. Ég mun
fá mest af hráefninu af Suðurlandi, en
fyrir utan fiskmetið – sem kemur að
mestu leyti héðan úr Eyjum – fáum við
blómkál, rótargrænmeti, jurtir, ber og
kartöflur mest frá Flúðum, Reykholti
og Þykkvabæ. Aðaláherslan verður
eftir sem áður á gott fiskmeti, ásamt
fersku grænmeti, jurtum og berjum
af eyjunni. Uppáhaldshráefni mitt
að vinna með er einfaldlega ferskur
fiskur. Að pönnusteikja glænýjan fisk
á einfaldan hátt með salti, smjöri og
ferskum sítrónusafa, það er bara ekkert
betra. Þorskur, humar og saltfiskur er
alltaf á matseðli og svo bætist fiskur
dagsins ofan á það, sem ræðst bara
af því hvað veiðist. Lykilatriðið í
ferskleika okkar er að nota aldrei fisk
sem hefur verið frosinn.
Svo finnst mér líka rosalega gaman
að nota ferskar kryddjurtir og nota þær
á margvíslegan hátt á alla mína rétti, en
við ræktum sjálf megnið af þeim – en
það er deildin hennar mömmu.
Það er mikil Slow Food-hugsjón í
veitingastaðnum okkar. Við fáum allt
lykilhráefni í kringum okkur. Notum
gamlar hefðir í bland við nýjar og
kaupum mikið af smáframleiðendum.
Við notum bara íslenskt kjöt.
Við fáum lambið að norðan frá
Húsavík. Enda frábærar kjötafurðir á
Norðurlandinu.
Síðan fáum við allt sumarið ferskt
hrefnukjöt og erum mjög stolt af
hrefnusteikinni okkar.
Svo er eitt atriði í viðbót sem er
okkur mjög mikilvægt. Verðinu á
veitingastaðnum er stillt í gott hóf,
svo það ættu allir að geta leyft sér að
koma og njóta hjá okkur góðs matar í
góðu andrúmslofti.“
Gísli segir að það sem hann hafi
helst lært af Frökkunum hafi verið að
þeir standa með sinni matargerð hvað
sem öður líður. „Þeir eru ekkert að
reyna að finna upp hjólið þegar kemur
að matargerð. Gott hráefni sem vel er
matreitt er það sem skiptir mestu máli.“
Sú breyting verður á opnunar-
tímanum að lokað verður í hádeginu
á virkum dögum. Um helgar verður
opið frá hádegi fram yfir miðnætti.
/smh
Smiðjuvegur 28
200 Kópavogur
S. 534 5300
www.impex.is
Vélar og tæki frá vönduðum
framleiðendum á fínu verði