Bændablaðið - 06.06.2013, Qupperneq 51
51Bændablaðið | Fimmtudagur 6. júní 2013
Allir þurfa einhvern tímann að nota
sendibíla og fyrir skemmstu fékk
undirritaður lánaðan nokkurra ára
gamlan Benz-sendibíl til að fara
með vörur á Kaffi Norðurfjörð í
Árneshreppi. Þar sem verið var
að opna kaffihúsið og ekki hægt
að fá sendar þangað vörur með
flutningabíl vegna þungatakmarkana
á slæmum vegum norður Strandir
hentaði Benz-sendibíllinn vel. Í
framhaldinu vildi ég skoða muninn
á nýjum Renault-sendibíl og þeim
gamla Benz sem ég fór á.
Hjá BL, sem er með umboðið fyrir
Renault, stóðu nokkrir mismunandi
sendibílar á bílaplaninu og biðu
afhendingar til nýrra eigenda sinna.
Mér bauðst að prufuaka einhverjum
þeirra og valdi dæmigerðan lokaðan
sendibíl sem heitir Renault Master.
Hann er beinskiptur millilangur með
125 hestafla vél. Renault Master er
hægt að fá í mörgum útgáfum, pallbíl, 9
manna, 17 manna eða að láta sérpanta/
smíða bíl eftir þörfum hvers og eins.
Áður en ég lagði af stað skoðaði
ég bílinn vel og verð að hæla frágangi
inni í kassanum, þar sem tréplata er
snyrtilega kíttuð við gólfið. Svona
plata hljóðeinangrar og ver gólfið,
einnig er farangursrýmið klætt upp á
miðjar hliðar. Undir vélinni á Renault
Master er heil plata sem ætti að koma
sér vel í vetrarakstri. Hún ætti að varna
saltpækilsslabbi sem oft er hér á götum
Reykjavíkur og á venjulega greiðan
aðgang upp um allan vélarsalinn.
Sennilega nægur kraftur
Krafturinn í 125 hestafla vélinni fannst
mér nægur, en þess ber að geta að ég
prófaði ekki að setja neitt inn í bílinn
til að skoða hleðslugetu og hvernig
krafturinn væri í bílnum fullhlöðnum.
Gæti ég þó trúað að ég hefði viljað
hafa nokkur hestöfl í viðbót á þessum
bíl fullhlöðnum á ferð minni í Kaffi
Norðurfjörð.
Einstaklega gott bílstjórasæti
Strax og ég settist inn í bílinn varð ég
hrifinn af bílstjórasætinu, en að mínu
mati er það einstaklega vel heppnað
með þægilegheit að leiðarljósi. Það er
atriði sem aðrir sendibílaframleiðendur
mættu hugsa meira út í, þar sem í
sendibílum situr bílstjórinn oft allan
daginn.
Sérlega góðir hliðarspeglar
Í innanbæjarakstri er bíllinn lipur í
snúningum og leggur vel á í beygjum.
Útsýni er mjög gott til allra átta og
ekkert sem truflar það. Speglar eru
tvískiptir, sá neðri er víður og kúptur
sem sýnir blinda punktinn jafnt sem
niður á jörðina við afturhjól.
Tölvuborð og glasafesting
á baki miðjusætis
Inni í bílstjórarýminu eru sæti fyrir
þrjá en undir miðjusætinu er góð
geymsla og ef miðjusætisbakið
er lagt niður kemur borð með
glasafestingum og hólfi fyrir stóra
samloku. Á þessu borði er sérhannað
borð sem er snúanlegt og er ætlað
fyrir tölvu.
Útvarpið er mjög gott með USB-
tengi svo að maður getur tekið
uppáhaldslögin sín með sér á lykli til
að hlusta á við aksturinn. Bluetooth er
fyrir GSM-símann og hægt að tengja
heyrnartól við hljómflutningstækin.
Eyðir litlu
Kunningi minn sem á svona bíl er
mjög ánægður með hann. Hrifnastur
er hann af eyðslunni, en að hans sögn
eyðir bíllinn næstum helmingi minna
en gamli Benzinn sem hann átti áður.
Lengd: 5.548 mm
Hæð 2.496 mm
Breidd: 2.020 mm
Burðargeta: 1.631 kg
Vél: L2H2 2300 dCi 125 hestöfl
hlj@bondi.is
Vélabásinn
Hjörtur L. Jónsson
Renault Master:
Lipur og sparneytinn sendiferðabíll
Renault Master millilangur kostar
4.294.821 + vsk.
Renault Master er til í mörgum útgáfum. Hér er millilangur sendibíll eins og prófaður var og pallbíll. Mynd / HLJ
Fínn frágangur er í farangursrými. Ofan á mælaborði er geymsla fyrir tölvu.
Tölvuborð með snúningsdiski er að nna á baki miðjusætis.
Mjög góðir hliðarspeglar eru á
Renault Master.
afsláttur af öllum
síum um helgina
Í tilefni af sýningu hjá Kraftvélum í samstarfi
við Toyota Kauptúni helgina 8.-9. júní, verður
varahlutaverslun okkar opin frá kl. 12-17
laugardag og sunnudag.
Dalvegur 6-8
201 Kópavogur
Sími 535 3500
www.kraftvelar.is
kraftvelar@kraftvelar.is
15%