Fréttatíminn - 23.09.2011, Qupperneq 56

Ryan Gosling sýnir ótrúlegan leik í hlut-
verki dularfulls manns sem er undra-
barn undir stýri bifreiða og lifir á því að
keyra í áhættuatriðum í bíómyndum í
Los Angeles. Þar fyrir utan tekur hann
að sér að aka flóttabifreiðum fyrir ræn-
ingja sem þurfa að komast undan lög-
reglunni hratt og örugglega.
Ökuþórinn segir fátt og þegar hann er
ekki að keyra hengslast hann í gegnum
grámyglulega tilveruna og virðist einna
helst vera greindarskertur.
Þrátt fyrir langar þagnir og fá orð
þess á milli tekst Gosling að tjá einhvern
óræðan harm og tómleika í þessum
manni sem enginn veit nákvæmlega
hver er eða hvaðan hann kemur. Og
þegar á reynir kemur á daginn að þessi
sveimhugi, sem virkar eins og ráðvilltur
íslenskur sveitamaður í Reykjavík á fyrri
hluta síðustu aldar, er grjótharður gaur
sem kann ýmislegt fyrir sér í viðskiptum
við glæpahyski og undirheimalýð.
Markaðssetningin á Drive hér á landi
hlýtur að vera eitthvað broguð þar sem
margir telja að hér sé á ferðinni ægi-
legur bílahasar á pari við Fast&The
Furious þegar ekkert er fjær sanni.
Drive á miklu meira skylt við A History
of Violence en F&F. Myndin er laus við
allan glamúr og tilgerð, er ofboðslega
vel leikin, átakanleg og mannleg saga af
fólki sem reynir að þrauka, innan um ill-
menni, í gráum og köldum heimi.
Ég held hreinlega að maður þurfi að
leita aftur til 1992 og Reservoir Dogs
til að finna jafn góða glæpamynd sem
kemur jafn hressilega á óvart og Drive.
Danski leikstjórinn Nicolas Winding
Refn hefur fullkomin tök á efninu,
akstursatriðin eru mögnuð, mannlegu
samskiptin rista djúpt og ofbeldið sem
blossar upp yfirgengilegt og sláandi.
Í raun þarf ekkert að hafa mörg orð
um Drive og réttast að taka sér bara
aðalpersónuna til fyrirmyndar og koma
sér að kjarna málsins: Drive er frábær
mynd sem algert glapræði væri að láta
fram hjá sér fara. Þið sjáið ekki betri
glæpamynd á þessu ári og varla því
næsta heldur.
52 bíó Helgin 23.-25. september 2011
Í Contagion fléttar Soderbergh saman sögum af nokkrum einstaklingum án þess að einhver einn sé í forgrunni og
geti talist aðalpersóna. Þeir sem koma við
sögu verða ýmist veirunni að bráð, reyna að
vinna bug á henni í örvæntingarfullri leit að
mótefni eða reyna að komast af þegar algert
siðrof verður og stjórnleysi kaffærir daglegt
líf.
Gwyneth Paltrow leikur konu sem kemur
heim úr viðskiptaferð til Hong Kong en
tveimur dögum síðar hrynur hún niður í
krampaflogi. Matt Damon leikur eiginmann
hennar sem reynist ónæmur fyrir veikinni
og reynir að flýja frá Minneapolis sem er
í sóttkví og innilokaðir borgararnir eru á
barmi sturlunar eða dauða.
Hjá innanríkisráðuneytinu kvikna grun-
semdir um að farsóttin sé afleiðing efnavopns
og því er leitað til sóttvarnarsérfræðings sem
sá ábúðarmikli Laurence Fishburne leikur.
Hann gerir út af örkinni faraldurssérfræðing,
sem Kate Winslet leikur, og hún heldur til
Minneapolis og reynir að rekja sig að upphafi
smitsins.
Gamla brýnið Elliott Gould leikur vísinda-
mann sem fer sínar eigin leiðir í leitinni að
bóluefni og kemst nokkuð áleiðis í leitinni að
lækningunni. Á meðan fer Jude Law mikinn í
hlutverki blaðamanns sem slær sér upp á því
að hafa veikst en náð heilsu á ný með hjálp
óhefðbundinna lyfja. Þetta uppátæki hans
setur allt á annan endann þegar fólk reynir í
trylltri örvæntingu að komast yfir hómópata-
lyfin sem Law þakkar bata sinn.
Marion Cotillard kemur einnig við sögu
í hlutverki faraldursfræðings hjá Alþjóða
heilbrigðismálastofnuninni sem fer til Hong
Kong í leit að fyrsta smitinu og fyrstu mann-
eskjunni sem fékk veiruna. Þar er henni rænt
og þeir sem halda henni fanginni krefjast
þess að fá fyrstu skammtana af bóluefninu í
lausnargjald.
Þótt myndin, og sögur fólksins sem þar eru
raktar, hverfist um sjúkdóminn dularfulla er
Soderbergh ekki síst að skoða með nokkrum
dæmum hvernig heilu hóparnir geta farið
á taugum og hvernig fólk magnar upp ótta
hvert hjá öðru þar til samfélagsgerðin gliðnar
í sundur og stjórnleysið verður allsráðandi.
Ekki er hægt að segja annað en að So-
derbergh komi með Contagion á nokkuð
heppilegum tíma þar sem ógnin í myndinni
verður sjálfsagt ansi raunveruleg í hugum
margra sem muna vel fuglaflensuhræðsluna
og telja sig varla sloppna fyrir horn eftir að
svínaflensan skaut upp kollinum og setti
heimsbyggðina á hliðina fyrir tveimur árum
eða svo.
Þessi staða minnir um margt á stemn-
inguna í kringum Outbreak sem þýski leik-
stjórinn Wolfgang Petersen sendi frá sér árið
1995 með Dustin Hoffman, Rene Russo og
Morgan Freeman í aðalhlutverkum. Þá var
ebólu-veiran búin að skjóta heimsbyggðinni
skelk í bringu og seinna meir talaði einn
framleiðenda Outbreak hróðugur um hversu
snjallt það var að myndin skyldi koma í bíó
þegar ebólu-óttinn var enn við lýði.
 Steven Soderbergh Sleppir banvænni veiru lauSri
Leikstjórinn Steven Soderbergh er fjölhæfur leikstjóri sem stígur sjaldan feilspor og hefur tekist
á við jafn ólík viðfangsefni og ævisögu Che Guevara í tveimur myndum og glansspennumyndir á
borð við Oceań s 11-13. Hann vinnur alla jafna með traustum og góðum leikurum og í Contagion
teflir hann fram kippu af eðalfólki, þar á meðal Gwyneth Paltrow, Matt Damon og Laurence Fish-
burne í mynd sem lýsir því hvernig samfélagið hrynur þegar bráðsmitandi og -drepandi sjúkdóm-
ur fer eins og eldur í sinu um heimsbyggðina.
... er Soder-
bergh ekki
síst að skoða
með nokkr-
um dæmum
hvernig heilu
hóparnir
geta farið á
taugum og
hvernig fólk
magnar upp
ótta hvert
hjá öðru þar
til sam-
félagsgerðin
gliðnar í
sundur og
stjórnleysið
verður alls-
ráðandi.
Þórarinn Þórarinsson
toti@frettatiminn.is
bíó
Helsjúkt samfélag
Marion Cotillard er eins og fleiri í vondum málum þegar banvænn vírus stráfellir fólk og algert stjórnleysi fylgir í kjölfarið.
 frumSýndar
Disney-myndin Lion King hitti börn
og foreldra í hjartastað þegar hún kom
fyrst í bíó árið 1994. Hún er ein vinsæl-
asta teiknimynd allra tíma og varð í
raun sígild um leið og hún kom fyrir
augu almennings.
Disney hefur endurútgefið Konung
ljónanna í þrívídd og það var ekki að
sökum að spyrja; hún rauk beint á toppinn í Bandaríkjunum
um síðustu helgi. Sýningar á myndinni í þrívidd hefjast á Ís-
landi í dag, föstudag, og ætla má að þeir stálpuðu unglingar
sem voru með bleyju þegar þeir sáu myndina fyrst vilji endur-
nýja kynnin við Simba, Nölu, Tímon, Púmba og skúrkinn
Skara. Konungur ljónanna er aðeins sýnd í kvikmyndahúsum
í takmarkaðan tíma þannig að það er ekki eftir neinu að bíða
fyrir þá sem vilja sjá hana aftur, eða í fyrsta skipti, í bíósal.
Söguna þekkja vitaskuld flestir en eftir að Skari frændi
hefur drepið ljónakónginn Múfasa hrekur hann barnungan
son hans í útlegð og tekur við konungsríkinu. Simbi elst upp
hjá pödduætunum Tímoni og Púmba en þegar hann nær aldri
kallar skyldan og hann snýr heim til þess að hefna föður síns
og endurheimta ríki sitt.
Simbi litli
kom fyrst í
bíó fyrir 17
árum og snýr
nú aftur, í
þrívídd.
Aðrir miðlar
Imdb: 7,4
Rotten Tomatoes: 84%
Metacritic: 70/100
Johnny English Reborn
Breski leikarinn Rowan Atkinson, sem er þekkt-
astur fyrir túlkun sína á hálfbjánanum Mr. Bean
en hefur án efa aldrei verið betri en í þáttunum
um Blackadder, bregður sér á ný í hlutverk
njósnarans Johnnys English. Atkinson kynnti
þennan spæjara, sem er í raun hálfgerður Mr.
Bean í smóking með byssu, árið 2003 og tekur
nú upp þráðinn. Johnny hefur látið lítið fyrir
sér fara undanfarin ár og verið í þjálfun í Asíu.
Þegar leyniþjónustan þarf að koma
í veg fyrir að leigumorðingjar valdi
usla um allan heim með því að myrða
þjóðhöfðingja er Johnny grafinn upp
og sendur af stað með allar sínar
græjur og dót.
Aðrir miðlar: Imdb: 7,2, Rotten
Tomatoes: 50%, Metacritic -
Endursýnd perla í þrívídd
Shark Night 3D
Helgarfrí sjö menntaskólavina á
eyju þar sem foreldrar eins þeirra
eiga sumarbústað snýst upp í
martröð þegar einn þeirra slasast
alvarlega. Þá er ekki annað til ráða
en að rjúka af stað á bát með þann
slasaða áður en honum blæðir
út. Ferðin reynist hins vegar enn
skuggalegri en útlit var fyrir í upp-
hafi þar sem vatnið sem þau þurfa
að komast yfir er fullt af snaróðum
og ógeðslegum hákörlum sem
ætla sér að hafa þau í aðalrétt. Þá
tekur við æsileg barátta fyrir lífi og
limum innan um tannhvöss ófétin.
Aðrir miðlar: Imdb: 4,4, Rotten
Tomatoes: 15%, Metacritic: 22/100
 bÍódómur drive
Magnað maður, magnað!

Þórarinn
Þórarinsson
toti@
frettatiminn.is
Styrkjum gott málefni með kaupum á endurskinsmerkjum
með skemmtilegum teikningum eftir Hugleik Dagsson.
Allt söluandvirði merkjanna, 1.000 kr.
rennur óskipt til ADHD samtakanna á Íslandi.

SELUR ADHD ENDURSKINSMERKIN
VitundarVika 18. - 25. september
um það bil 10.000 fullorðnir
glíma við aDHD á íSlanDi
ja takkATHYGLI
samtökin Háaleitisbraut 13, 108 R
eykjavík, sími 581-1110 ww
w.adhd.is