Fréttatíminn - 23.09.2011, Page 70

 FjölhæFur Elmar johnson
Læknanemi í Háskóla-
num og fyrirsæta í NY
Læknaneminn Elmar Johnson hefur sinnt fyrirsætustörfum síðastliðna þrjá mánuði í New York
og vakti mikla athygli á sýningarpöllunum á tískuvikunni í New York á dögunum. Hann sýndi
fatnað fyrir fræga hönnuði á borð við Antiono Azzuolo, Andrew Buckler og Simon Spurr sem
áður fyrr var hönnuður hjá Calvin Klein og Ralph Lauren.
 ægisgarður nábýli tapas og hamborgara
Stór Humar
Eigum líka til lítinn humar 2000kr/kg
Glæný Bláskel
Frá Stykkishólmi
Föstudagur
er Sushi dagur!
Eigum allan fisk til sushi gerðar
Fiskikóngurinn - Sogavegi 3 - 5877755
t ískusýningin hjá Simon Spurr stóð klárlega upp úr,“ segir Elmar um tískuvikuna sem lauk í New York í
síðustu viku. „Ég tók að mér nokkur verkefni
fyrir merkið hans í byrjun sumars og hann
gerði mig meðal annars að andliti fyrirtæk-
isins. Svo að það var mjög skemmtilegt að
enda sumarið á tískusýningunni hjá honum.
Línan frá Spurr vor/sumar 2012 er glæsileg
og mjög fallega sniðin; allt frá jakkafötum
yfir í gallaefni og reiðstígvél. Undirbúningur
sýningarinnar var í sjálfu sér ekki mikill.
Þar sem ég hafði unnið fyrir hann áður slapp
ég við að mæta í prufur fyrir sýninguna. Ég
þurfti því aðeins að mæta þremur tímum
fyrir sýningu í hársnyrtingu og förðun og
á sama tíma var farið í gegnum rennslið á
sýningunni.“
Minnist ekki á læknisfræðina
„Mórallinn hefur verið mjög góður baksviðs
á sýningunum sem ég hef tekið þátt í. Hann
ræðst mikið af því hvernig hönnuðurinn
hagar sér. Sumir hönnuðir eru mjög stress-
aðir og undir miklu álagi, enda að mörgu að
hyggja þegar kemur að tískuvikunni, en aðrir
eru yfirvegaðir og róa þar með alla í kringum
sig.
Ég hef aðallega umgengist fyrirsætur
sem eru nýkomnar til New York eins og ég,
eru í skýjunum yfir að hafa fengið vinnu
við sýningu og eru lausar við alla stæla. Ég
kann mjög vel við þetta fólk enda eyðum við
miklum tíma saman baksviðs og höfum ekk-
ert nema hvert annað.
Ég læt það vera að minnast nokkuð á lækn-
isfræðina og við tölum yfirleitt um verkefni
sem við höfum verið í; mismunandi reynslu
sem við höfum af mismunandi fólki. Þetta er
ekki svo stór heimur þarna úti fyrir stráka
þannig að flestir kannast nú hver við annan.“
Læknisfræðin alltaf í fyrsta sæti
Elmar, sem er tuttugu og sex ára, er nú kom-
inn á fimmta ár í læknisfræðinni og stefnir
á að einbeita sér að henni í bili. „Námið er
alltaf númer eitt hjá mér. Ég hef hingað til
náð að samræma þetta tvennt, fyrirsætustarf-
ið og námið, en ef þessu fer að slá eitthvað
saman mun ég alltaf velja námið. Hitt er bara
skemmtilegt aukastarf. Ég hef hitt svo marga
stráka í fyrirsætuheiminum sem hafa ekk-
ert í bakhendinni og stóla algjörlega á þetta
starf; eru kannski búnir að vera í þessum
bransa í mörg ár og eru ennþá á byrjunar-
reit. Það væri óskynsamlegt af mér að gefa
læknisnámið upp á bátinn og einbeita mér að
fyrirsætustörfum. Ég stefni bara á að finna
mér skemmtilegt sérnám sem á vel við mig
og vinna við það í framtíðinni. Hitt verður
áhugamál.“ -kp
Veitingastaðurinn Tapashúsið verður
opnað í dag, föstudag. Það stendur við
Ægisgarð, í námunda við hina rómuðu
Hamborgarabúllu, og er nýjasta viðbótin
í flóruna á hinum líflega veitingahúsareit
við Reykjavíkurhöfn. „Við erum með mik-
ið úrval og bjóðum upp á 50 tapasrétti á
matseðlinum,“ segir Vigdís Ylfa Hreins-
dóttir yfirkokkur.
Vigdís segir áherslu lagða á spænskt
hráefni, Serrano-skinku og fleira, í bland
við íslenskt og hún býður meðal annars
upp á tvíreykt hangikjöt. „Við erum með
nýtt eldhús sem hefur ekki verið mikið í
gangi á þessum stöðum. Við erum með
pitsuofn, samlokugrill og tandoori-ofn
þar sem við eldum svín og alls konar
grænmeti.“
Eins og nafn staðarins ber með sér er
mest lagt upp úr tapasréttum en „fólk
getur líka pantað aðalrétti. Við erum líka
með paellu, þjóðarrétt Spánverja, og ef
fólk er haldið valkvíða þá erum við með
tilbúnar átta rétta tapasveislur þar sem
við höfum raðað saman réttum.“
Smekkur Spánverja fyrir saltfiski er
rótgróinn og Vigdís segist ætla að bjóða
upp á nokkurn fjölda saltfiskrétta. Það
megi líka segja að saltfiskurinn og hafið
tengi Ísland og Spán saman á hafnar-
bakkanum.
„Staðurinn er í gömlu saltfiskverk-
unarhúsi sem búið er að gera upp. Allur
panill er upprunalegur og okkur fannst
passa vel að vera við sjóinn í gömlu salt-
húsi,“ segir Vigdís um ákvörðunina um
að koma staðnum fyrir við höfnina.
Vigdís Ylfa segist hafa fundið fyrir miklum
áhuga á nýja staðnum. „Við ætlum að bjóða
upp á góðan stað og ná upp góðri stemningu
og þá kemur hitt af sjálfu sér.“
Spænskt eldhús í salthúsi
Okkur fannst
passa vel að
vera við sjóinn
í gömlu salt-
húsi.
Lúxusvilla
Kára óseld
Hávallagata 24, hin
sögufræga lúxusvilla
sem áður hýsti Jónas
frá Hriflu og er nú í eigu
Kára Stefánssonar,
forstjóra Íslenskrar
erfðagreiningar, er enn
óseld, tæpu hálfu ári
eftir að húsið var fyrst
auglýst til sölu. Húseignin er glæsileg, tæplega 400
fermetrar á besta stað, þar sem miðbærinn og Vestur-
bær mætast, og teiknuð af sjálfum Guðjóni Samúels-
syni. Aldrei hefur verið gefið upp verð á húseigninni
en eins og fram hefur komið í fréttum stendur Kári í
byggingu glæsihýsis í Kópavogi sem hann hyggst flytja
inn í á næstunni.
Facebook hrellir
spekinga
Facebook er að taka fólk á taugum víða
um lönd eftir nýjustu breytingar á sam-
skiptavefnum sem leggst vægast sagt
misvel í notendur. Sumir eru þó verr
settir en aðrir og
þannig gufuðu
samfélagsrýnarnir
Ólafur Arnarson og Egill Helgason upp
af Facebook í kjölfar breytinganna og
voru beðnir um að gera grein fyrir sér
með skilríkjum til þess að endurheimta
sess sinn á Facebook. Netspekingurinn og
aðgerðasinninn Gunnar Grímsson hlaut
enn verri útreið þar sem honum var úthýst
á þeirri forsendu að hann hefði skráð sig á
vefinn með röngum fæðingardegi. Gunn-
ars virðist bíða lengri þrautaganga en
hinna tveggja þar sem honum hefur ekki
boðist að gera grein fyrir sér. Þetta kemur
sér sérstaklega illa fyrir Gunnar sem hélt
til Grikklands í vikunni þar sem hann tekur
þátt í alþjóðlegri tölvuráðstefnu og ætlar
einmitt að halda fyrirlestur um samskipta-
miðla eins og þann sem nú hefur gert
hann útlægan. Gunnar hugðist flytja fréttir
af ráðstefnunni á Facebook-síðu sinni en
sjálfsagt verður lítið úr þeim áformum.
Eiríkur reynir að
leiðbeina Tobbu
Fyrsti þáttur Tobbu Marinós á Skjá einum
var sýndur á miðvikudagskvöld. Þar fór
Tobba um víðan völl og fékk meðal annars
tvær vinkonur sínar í spjall, þær
Lilju Katrínu Gunnarsdóttur,
ritstjóra Séð og heyrt, og
Elínu Arnars, ritstjóra
Vikunnar. Þær stöllur unnu
allar saman á sínum tíma
hjá Birtíngi þar sem Lilja
og Tobba störfuðu hlið
við hlið á Séð og heyrt,
meðal annars undir stjórn
Eiríks Jónssonar. Eiríkur
sendi Tobbu orðsendingu á
Eyjubloggi sínu eftir að hafa
horft á þáttinn. Þar benti
hann henni á að: „Aldrei skal
ræða við vini sína eða fjöl-
skyldumeðlimi í fjölmiðlum og þá
sérstaklega ekki í sjónvarpi. Verður aldrei
ekta.“ Tobba svaraði lærimeistara sínum
að bragði á sinn hátt á Facebook-síðu
sinni: „en ég þekki alla minn fagri vatns-
haus! Ég þekki meira að segja þig!“ Þannig
að kennslustundinni er líklega ekki lokið.
66 dægurmál Helgin 23.-25. september 2011