Dagblaðið Vísir - DV - 26.04.2007, Blaðsíða 2

„Þetta er skelfilegt ástand. Við höfum
í fjölda ára verið að hamra á þessum
gífurlega vanda en það hefur ekk-
ert gerst hjá stjórnvöldum í þessum
efnum. Ég veit að starfsfólkið inni á
BUGL hefur sjálft áhyggjur af því að
þær framkvæmdir sem fram undan
eru nægi ekki til að leysa vandann,“
segir Sveinn Magnússon, fram-
kvæmdastjóri Geðhjálpar.
170 börn og unglingar bíða eftir
greiningu á barna- og unglingageð-
deild Landspítalans, BUGL og geta
þeir sem á biðlistanum eru þurft að
bíða í upp undir eitt og hálft ár eftir
því að komast að. Til að fá einhverja
aðstoð er nauðsynlegt að fá grein-
ingu og biðin getur verið óbærileg.
Yfirlæknir BUGL Ólafur Ó. Guð-
mundsson hefur áhyggjur af fækk-
un sjúkrarýma á síðustu árum og
þeirri staðreynd að erfiðlega gengur
að ráða fagfólk til starfa. Hann telur
ástandið óviðunandi fyrir alla þá sem
að geðdeildinni koma og efla þurfi
starfsemi tafarlaust til að bjóða upp á
þá þjónustu sem nauðsynleg er.
Óforsvaranlegt ástand
Margrét Ómarsdóttir, talsmaður
Barnageðs, félags foreldra geðfatl-
aðra, er móðir drengs sem um árabil
hefur þjáðst af geðröskun. Hún segist
fyrir löngu búin að gefast upp á kerf-
inu. „Til fjölda ára hefur fjölskylda
mín verið í gíslingu kerfisins og við
höfum staðið í áralangri baráttu við
kerfið. Sem betur fer er sonur minn
að ná þeim aldri að við erum að
losna út úr því. Nýverið höfum við
fundið aðra leið til að fá hjálp. Við
vorum bara svo heppin að fá undan-
þágu annars staðar þar sem viðkom-
andi aðila fannst ástandið einfald-
lega óforsvaranlegt,“ segir Margrét.
„Það er bara ekki boðið upp á nein-
ar lausnir. Ótrúlegt er að horfa upp
á heilbrigðisráðherra lýsa því yfir að
allir þeir sem þurfi á hjálp að halda
fái hana. Skilaboðin til foreldranna
eru líklega þau að hringja þá bara
beint í Siv og láta hana standa við
orð sín með aðstoðina.“
Slæmur smitsjúkdómur
Aðspurður telur Sveinn biðlist-
ana ekki segja alla söguna því geð-
sjúkdómar leggja undir sig líf fjölda
fólks í nánasta umhverfi sjúklings-
ins. Hann segir að honum hafi end-
anlega blöskrað þegar geðsjúkum
einstaklingi var komið fyrir inni á
salerni geðdeildar og hann vistað-
ur þar.
„Margföldunaráhrifin af biðlist-
um geðdeildarinnar eru gífurleg. Öll
fjölskyldan er undirlögð og það fer
hreinlega allt til fjandans. Í mínum
huga er þetta með verri smitsjúk-
dómum fyrir fjölskylduna því það
er bókstaflega allt undirlagt,“ seg-
ir Sveinn. „Einstaklingur, sem var
hættulegur sér og öðrum, var lok-
aður af inni á salerni deildarinnar
þar sem hættuleg efni var að finna.
Erum við að bíða eftir því að fleiri
svona dæmi komi upp eða ætlum
við að leysa þennan vanda?“
Stuðningurinn skiptir öllu
Aðspurð segist Margrét aldrei
hafa fengið þann stuðning sem
fjölskyldan hafi þurft á að halda.
Hún telur geðfötluð börn týnd í
kerfinu.
„Því miður hefur verið litið á geð-
fötluð börn hingað til sem óhreinu
börnin. Við höfum aldrei fengið
þann stuðning sem við höfum þurft
á að halda. Það riðlast allt fjölskyldu-
líf þegar geðsjúkdómur kemur upp
og allur fjárhagur líka. Aðstandend-
ur þurfa líka hjálp, til dæmis syst-
kini, enda geta sjúklingarnir verið
mjög agressívir heima fyrir. Það er
svo nauðsynlegt að fá örlitla hvíld,“
segir Margrét.
„Móðir, sem ég þekki, hefur lengi
þurft að glíma við bæði geðsjúk-
dóm og krabbamein hjá barni sínu.
Um skeið var útlit fyrir rénun beggja
sjúkdómanna en krabbameinið tók
sig upp aftur. Þó svo að það sé ljótt
að hugsa þannig þá var hún nánast
fegin því vegna þess að þá gat hún
fengið aðstoð,“ segir Margrét. „Það
er erfitt að fá foreldra til að tjá sig
um þennan vanda enda eru þeir
hræddir við að rugga bátnum og fá
kerfið upp á móti sér. Það er hræði-
legt að þurfa líka að hafa áhyggjur af
því.“
Framboðslistar
kynntir í dag
Endanlegir framboðslistar
Íslandshreyfingarinnar verða
kynntir í dag, að
sögn Sólborg-
ar Öldu Péturs-
dóttur sem situr í
bráðabirgðastjórn
hreyfingarinnar.
Nú er aðeins
búið að birta
hverjir skipa fimm
efstu sætin á lista
í hverju kjördæmi en hreyfingin
hyggst bjóða fram á öllu landinu.
Í gær var búið að ganga frá end-
anlegum framboðslistum í fimm
af sex kjördæmum. Þá gengur
vel, að sögn Sólborgar, að safna
undirskriftum til stuðnings fram-
boði Íslandshreyfingarinnar.
fimmtudagur 26.apríl 20072 Fréttir DV
InnlendarFréttIr
ritstjorn@dv.is
Erfið barátta margrét
Ómarsdóttir hefur staðið
í áralangri baráttu við
kerfið til þess að fá
nauðsynlega aðstoð fyrir
geðfatlaðan son sinn.
TrauSTi hafSTEinSSon
blaðamaður skrifar: trausti@dv.is
Biðlistar á barna- og unglingageðdeild Landspítalans halda fjölmörgum fjölskyldum
geðfatlaðra í gíslingu. Geðsjúkdómar hafa margföldunaráhrif og því er stuðningur við
aðstandendur mikilvægur. Margrét Ómarsdóttir, talsmaður Barnageðs, segir litið á
geðfötluð börn sem óhrein.
BÚIN AÐ GEFAST
UPP Á KERFINU
Beltislausir
feðgar á ferð
Lögreglan á höfuðborgar-
svæðinu stöðvaði karlmann á
þrítugsaldri á þriðjudagsmorg-
un. Hann ók fólksbifreið með
sex ára barn sér við hlið í fram-
sætinu. Hvorki faðir né sonur
voru í bílbelti og segir lögreglan
að þar hafi faðirinn sýnt vítavert
gáleysi.
Þetta mun ekki vera eins-
dæmi og ólíðandi með öllu að
sögn lögreglu. Ökumaðurinn á
sekt yfir höfði sér og vonar lög-
reglan að maðurinn hugsi betur
um öryggi barnsins í framtíðinni.
Skemmdarvargar hrella framsóknarmenn á Egilsstöðum:
Skilti Framsóknar skemmt í tvígang
Aðfaranótt miðvikudags voru
unnar skemmdir á auglýsingaskilt-
um Framsóknarflokksins í Norð-
austurkjördæmi á Egilsstöðum í
annað skipti á örfáum dögum. Enska
slagorðið „Dam nation“, eða virkj-
anaþjóð var málað yfir mynd af fram-
bjóðendum Framsóknarflokksins
á skiltunum, en á sunnudagskvöld
var merki sem Vinstrihreyfingin -–
grænt framboð lét gera fyrir síðustu
kosningar límt yfir andlit Valgerðar
Sverrisdóttur. Merkið var líkt merki
Landsvirkjunar, en nöfnunum hafði
verið breytt og í staðinn stóð Illvirkj-
un á merkinu.
Framsóknarflokkurinn sendi frá
sér yfirlýsingu vegna málsins þar
sem segir að erlendir virkjanaand-
stæðingar hafi notað slagorðið í að-
gerðum sínum gegn Kárahnjúka-
virkjun og uppbyggingu iðnaðar á
Austurlandi. Þær aðgerðir hafi haft
það að markmiði að spilla eign-
um og valda röskun í samfélaginu.
Flokkurinn hvetur þá aðila, sem
standa að skemmdarverkunum, til
að láta af þessari háttsemi og virða
leikreglur lýðræðisins.
Jón Björn Hákonarson, sem
skipar fimmta sæti á lista flokks-
ins í Norðausturkjördæmi, furðar
sig á þessum skemmdarverk-
um. „Íslendingar eru vanir því að
hafa ólíkar skoðanir á hlutunum,
en meirihluti Alþingis samþykkti
framkvæmdirnar við Kárahnjúka
og ég skil ekki þessa leið, því það
er ákaflega dapurt þegar menn
fara í svona skemmdarverk,“ segir
hann en tekur fram að framsóknar-
menn í kjördæminu hafi enga sér-
staka grunaða, jafnvel þó svo merk-
ið sé runnið undan rifjum vinstri
grænna. Málið hefur þegar verið
kært til lögreglu.
Jón Björn segir að jafnvel komi
til greina að vakta skiltið í framtíð-
inni, ef ekki verði látið af skemmd-
arverkum. „Ég held að við látum
reyna á þetta. Það er spurning hvort
menn láti þetta ekki kyrrt núna.“
Skemmdarverk
Óprúttnir aðilar
hafa í tvígang
valdið skemmd-
um á auglýsinga-
skilti framsókn-
arflokksins.
Sex handteknir
með fíkniefni
Þrjú fíkniefnamál komu
til kasta Lögreglunnar á
höfuðborgarsvæðinu á
þriðjudag. Kona á þrítugsaldri
var handtekin í austurborginni
þegar hún framvísaði fölsuðum
lyfseðli. Í framhaldinu var
karlmaður á fertugsaldri færður
á lögreglustöð en hann tengdist
málinu. Í íbúð hans fundust
ætluð fíkniefni. Á öðrum stað í
austurborginni handtók lögregla
tvo pilta um tvítugt en þeir eru
grunaðir um fíkniefnamisferli.
Þá voru karlmaður og kona
handtekin í Breiðholti en í fórum
konunnar fannst nokkurt magn
af fíkniefnum.
Lestarslys
við Kárahnjúka
Tvær flutningalestir rák-
ust saman í Aðgöngum 2 við
Kárahnjúka í gær með þeim
afleiðingum að nokkrir starfs-
menn slösuðust lítillega. Einn
fingurbrotnaði, annar hlaut
höfuðáverka og sá þriðji togn-
aði á hálsi.
Að sögn lögreglunnar á
Egilsstöðum var slysið minni-
háttar og hafði embættið enn
ekki unnið skýrslu um málið.
Ekki virðist eiga að ganga af
starfsmönnum við Kára-
hnjúka eftir slysahrinu und-
anfarið, en fyrir skemmstu
urðu tugir manns fyrir und-
arlegri eitrun í neðanjarðar-
göngum.