Dagblaðið Vísir - DV - 26.04.2007, Síða 14

Þorgerði Katrínu Gunnarsdóttur menntamálaráðherra
líður augljóslega ekki vel undir gagnrýni okkar samfylking-
arfólks á stöðuna í menntamálunum. Þetta sást glögglega
á borgarafundi Kastljóssins í fyrrakvöld. Þar hafði hún ein-
göngu augu fyrir Björgvini Sigurðssyni ef svo má að orði
komast. Það er augljóst að gagnrýni okkar kemur við kaun-
inn á henni því borgarafundurinn snérist að mestu um
harða orrahríð þeirra í milli. Vörn ráðherrans var pínleg.
Á borgarafundi Kastljóss í fyrrakvöld þar sem Björg-
vin saumaði hressilega að henni stingur hún enn og aftur
höfðinu í sandinn og heldur því fram að hér sé allt í blóma
í menntamálum. Hún sagði meðal annars á borgarafundi
Kastljóss í kvöld: „Við erum að sjá háskólakerfið blómstra.“
Hún kom sér undan því að
ræða um brottfallið í fram-
haldsskólunum og var á
harðahlaupum frá þeirri
staðreynd að hún er enn og aftur að reyna að stytta fram-
haldsskólann með aðferðum skerðinga.
Frasarnir hljóma vel fyrir kosningar en horfum á stað-
reyndir:
Eftir 16 ára samfellda setu Sjálfstæðisflokksins í
menntamálaráðuneytinu og 21 ár sama flokks af síðustu
25 í ráðuneytinu er raunveruleikinn falleinkunn. Fallein-
kunn í alþjóðlegum samanburði framhaldsskóla- og há-
skólastigsins.
Staðreynd 1: Hlutfall Íslendinga á aldursbilinu 25-34
ára sem hafa lokið framhaldsskólanámi er 68% en á hin-
um Norðurlöndunum er þetta 86-96%. Meðaltalið í OECD
er 77% og í ESB 78%. Niðurstaðan: 23. sæti af 30 þjóðum.*
Staðreynd 2: Opinber útgjöld til framhaldsskóla setur
Ísland í 16. sæti af 30 OECD-þjóðum. *
Staðreynd 3: Hlutfall Íslendinga á aldursbilinu 25-
34 ára sem hafa lokið háskólanámi er 31% en á hinum
Norðurlöndunum er þetta 35-42%. Meðaltalið í OECD er
31%. Niðurstaðan: 17. sæti af 30 þjóðum. *
Staðreynd 4: Opinber útgjöld til háskólanna setja Ís-
land í 21. sæti af 30 þjóðum. Hér á landi eru framlög til
háskólastigsins 1,2% af landsframleiðslu en meðaltalið í
OECD er 1,4% en Danir eru með 1,8%, Norðmenn 1,8%,
Svíar 1,5% og Finnar 1,8%.*
Niðurstaðan: Íslendingar eru í 23. sæti, 16. sæti, 17.
sæti og 21. sæti af 30 OECD-ríkjum þegar kemur að mál-
efnum framhalds- og háskóla.
Ég spyr: Blómstrandi háskólakerfi? Menntakerfi í
fremstu röð?
Svarið er augljóst: Langt frá því - raunveruleikinn er sá
að menntastefna Sjálfstæðisflokksins fær falleinkunn í al-
þjóðlegum samanburði.
*Heimild: Nýjasta skýrsla OECD um menntamál
(Education at Glance) frá árinu 2006.
Katrín Júlíusdóttir
þingmaður skrifar
„Vörn ráðherrans
var pínleg.“
Páll Winkel hjá Ríkislögreglustjóra skrifar:
Athugasemd frá embætti
Ríkislögreglustjóra
Í grein Lúðvíks Bergvinssonar alþingismanns sem
birtist í Fréttablaðinu 19. apríl sl., voru alvarlegar rang-
færslur og misskilnings gætti. Það sama á við um við-
tal við þingmanninn sem birtist í DV 23. apríl sl. Þessar
rangfærslur og misskilning ber að leiðrétta.
Alþingismaðurinn gerir að umtalsefni viðtal við
Harald Johannessen ríkislögreglustjóra, sem birtist í
Morgunblaðinu 24. mars síðastliðinn. Í viðtalinu ræðir
ríkislögreglustjóri um olíusamráðsmálið svokallaða. Al-
þingismaðurinn fullyrðir að málið „hafi farið forgörðum”
í meðförum starfsmanna embættis ríkislögreglustjóra.
Þetta er fjarri lagi. Samkeppnisyfirvöld vöktu athygli
embættisins á rannsókn sinni á olíufélögunum. Þá þegar
benti embætti ríkislögreglustjóra á þá hættu að mál sem
væru í rannsókn hjá Samkeppnisstofnun nýttust ekki sem
sakamál meðal annars vegna réttarstöðu starfsmanna
olíufélaganna sem samkeppnisyfirvöld höfðu rætt við.
Í umræddu Morgunblaðsviðtali segir ríkislögreglu-
stjóri „Við töldum að ef samkeppnisyfirvöld hefðu kom-
ist að þeirri niðurstöðu að um sakamál væri að ræða, þá
hefðu þau átt að hætta rannsókn mjög fljótlega eftir hús-
leitina í desember 2001 og beina málinu til ríkislögreglu-
stjóra eða ríkissaksóknara til að koma í veg fyrir sakar-
spjöll.” Meirihluti Hæstaréttar staðfesti lögfræðilegt álit
embættisins og skoðun þess á rannsókninni.
Þá les þingmaðurinn það út úr viðtalinu að rannsókn
málsins hafi hafist vegna þrýstings frá alþingismönn-
um. Hvergi á það stoð og ekki var minnst á það í við-
talinu. Stjórnmálamenn höfðu engin áhrif á lögreglu
eða ákæruvald í þessu máli frekar en öðrum. Ríkissak-
sóknari er æðsti handhafi ákæruvalds, sbr. 2. mgr. 25.
gr. laga um meðferð opinberra mála nr. 19/1991. Sem
æðsti handhafi ákæruvalds getur ríkissaksóknari kveðið
á um rannsókn máls, mælt fyrir um framkvæmd hennar,
m.a. gagnaöflun og fylgst með henni, sbr. 5. mgr. 27. gr.
laganna. Það gerði ríkissaksóknari í þessu máli með því
að fela ríkislögreglustjóra að afla gagna hjá Samkeppnis-
stofnun í því skyni að taka ákvörðun um hvort hefja bæri
opinbera rannsókn á ætluðum refsiverðum brotum olíu-
félaganna og starfsmanna þeirra.
Einnig tekur þingmaðurinn fram að sjálfstætt og fag-
legt ákæru- og lögregluvald sé hornsteinn “refsivörslu-
kerfisins” og spyr hvernig á því hafi staðið að rannsókn
á olíumálinu hafi tekið fjögur ár. Hér á þingmaðurinn
væntanlega við réttarvörslukerfið. Rannsókn olíumáls-
ins tók tíma enda málið mjög viðamikið og lögfræðilega
flókið. Hafa skal í huga að eitt af grundvallaratriðum sjálf-
stæðs og faglegs ákæru- og lögregluvalds er að fullrann-
saka mál og ganga með hlutlægum hætti úr skugga um
hvort eðlilegt og rétt sé að gefa út ákæru í málum. Það var
gert í þessu máli og ákæra gefin út af ríkissaksóknara en
lögreglurannsóknin tók rúm tvö ár.
Falleinkunn í menntamálum
í alþjóðlegum samanburði
Kjallari
fimmtudagur 26. apríl 200712 Umræða DV