Fréttatíminn - 03.12.2010, Page 22

Eiríkur Berg-
mann Einarsson
Reykjavík, dósent
í stjórnmálafræði
við Háskólann á
Bifröst, fæddur
1969.
1. Ég mun mæta til stjórnlagaþings
með opinn hug en myndi vilja ræða
þann möguleika að frelsa þingið
undan oki framkvæmdavaldsins
með því að skilja á milli Alþingis
og ríkisstjórnar, til dæmis með því
að kjósa forsætisráðherra beinni
kosningu og að ráðherrar sitji ekki
á þingi.
2. Kosningaþátttakan hefði
vissulega mátt vera meiri en
þó er hún í samhengi hlutanna
sambærileg við álíka kosningar
víða erlendis. Stjórnlagaþingið
hefur því fullt vægi. Til að tryggja
stuðning almennings tel ég rétt að
leggja niðurstöður þingsins í dóm
kjósenda í þjóðaratkvæðagreiðslu
áður en frumvarpið verður lagt
fyrir Alþingi.
3. Það væri auðvitað mjög gott en
í raun dugir að drjúgur meirihluti
nái saman um skýra og sæmilega
heildstæða tillögu.
4. Ég er óflokksbundinn en tók
á árum áður þátt í starfi Alþýðu-
flokksins sem svo rann inn í Sam-
fylkinguna. Hef ekki starfað þar
eða í öðrum stjórnmálahreyfingum
í áraraðir, eða frá því að ég sneri
mér alfarið að fræðistörfum.
5. Ég er fyrst og fremst háskóla-
kennari og fræðimaður og hyggst
snúa aftur að því starfi eftir að
þinginu lýkur.
Dögg Harðar-
dóttir Akureyri,
deildarstjóri,
fædd 1965.
1. Í lögum um
stjórnlagaþing
ber þinginu að taka til umfjöllunar
átta atriði sem ég tel öll mikilvæg.
Umfjöllun um framsal ríkisvalds
til alþjóðastofnana og meðferð
utanríkismála tel ég afar mikilvæga
og vera meira hitamál en margt
annað.
2. Stjórnlagaþinginu ber að sinna
þeim störfum sem því eru falin.
Á stjórnlagaþingi munu sitja þeir
einstaklingar sem hlutu lögbundna
kosningu, burtséð frá kosninga-
þátttöku. Ég hefði engu að síður
viljað sjá mun meiri þátttöku. Hvers
vegna hún varð ekki meiri en raun
bar vitni er ekki stjórnlagaþings að
kanna.
3. Góð samvinna á þinginu og
sátt um niðurstöðu er forsenda
árangurs þingsins. Það mun
einnig verða erfiðara fyrir Alþingi
Íslendinga að hunsa niðurstöðu
stjórnlagaþings ef þar ríkir eining
um niðurstöðu þess.
4. Ég er óflokksbundin. Ég tók þátt
í starfi Heimdallar um skamma hríð
1985-1986.
5. Ég tel rétt að taka eitt skref í
einu. Ef mér gefst tækifæri í fram-
haldi af stjórnlagaþingi þá skoða ég
það þegar þar að kemur.
Vilhjálmur
Þorsteinsson
Reykjavík,
stjórnarformaður
CCP, fæddur 1965.
1. Að hvetja til
vandaðri stjórnarhátta með því að
skilja betur, og helst alveg, á milli
framkvæmdavaldsins (ríkisstjórnar
og ráðherra) annars vegar og lög-
gjafarvaldsins (Alþingis) hins vegar.
2. Ég tel að dræm kosningaþátt-
taka eigi sér ýmsar skýringar, sem
margar eru þess eðlis að þær eigi
ekki að draga úr vægi þingsins.
Alþingi hefur falið stjórnlagaþingi
að gera frumvarp að nýrri stjórnar-
skrá, þjóðin hefur valið sína fulltrúa
og þingið hefur fullt og óskorað
umboð til að ljúka verkefninu.
3. Því meiri eindrægni sem verður
á þinginu, því betra. Það væri
gott fyrir almenna samstöðu
meðal þjóðarinnar að fá vandaða
málamiðlun frá þinginu sem góð
og breið sátt getur skapast um.
Ákveðin afmörkuð mál, sem gætu
orðið deiluefni, má að ósekju leggja
beint undir þjóðina, til dæmis með
sérstökum valkostum í atkvæða-
greiðslu um stjórnarskrána.
4. Ég er frjálslyndur jafnaðarmaður
að lífsskoðun. Ég gekk í Bandalag
jafnaðarmanna 1983, fylgdi því eftir
inn í Alþýðuflokkinn og síðan Sam-
fylkinguna, þar sem ég er skráður
og hef verið á framboðslistum,
síðast í apríl 2009.
5. Minn áhugi stendur fyrst og
fremst til þess að vinna á akri hug-
myndanna en ég vona að ný stjórn-
skipun, byggð á nýrri stjórnarskrá,
geri það meira aðlaðandi fyrir hæft
og áhugasamt fólk að taka þátt í
stjórnmálum, og þá ekki endilega
sem ævistarfi.
Þórhildur
Þorleifsdóttir
Reykjavík, leik-
stjóri, fædd 1945.
1. Það er erfitt
að nefna eitt
mál. Auðlindir í þjóðareign og
sjálfbær nýting þeirra og ítarlegri
mannréttindakafli fremst væru mín
forgangsmál. En ég held að niður-
staðan verði að það sé forgangsmál
að taka á þeim þáttum sem varða
stjórnskipun landsins.
2. Vægi stjórnlagaþings gagnvart
þingi og þjóð ræðst af þroska
þeirra sem þangað hafa valist.
Samstaða og vilji til samvinnu eru
lykilatriði.
3. Sameinuð stöndum við, sundruð
föllum við.
4. Ég er ekki flokksbundin, en hef
verið það, bæði í Samfylkingu og
fyrir nokkrum áratugum í Alþýðu-
bandalagi. En mestu máli skiptir
um mín pólitísku afskipti að hafa
tekið þátt í að stofna Kvennafram-
boð og Kvennalista og gegna trún-
aðarstörfum fyrir þær hreyfingar.
5. Lífið hefur kennt mér að enginn
veit sína ævina fyrr en öll er.
Pawel Bartos-
zek Reykjavík,
stærðfræðingur,
fæddur 1980.
1. Jöfnun
atkvæðavægis og
skarpari þrískipting.
2. Stjórnlagaþinginu er ætlað
að gera ráðgefandi tillögur um
hugsanlegar stjórnarskrárbreyt-
ingar. Hærri eða lægri kjörsókn
breytir engu þar um, í það minnsta
lagalega séð.
3. Það er afar ólíklegt að nokkrar
stjórnarskrárbreytingar fari í
gegnum Alþingi ef ekki næst sam-
staða um þær á stjórnlagaþinginu.
4. Er í Sjálfstæðisflokknum og var í
framboði fyrir hann í Reykjavíkur-
borg vorið 2010.
5. Já.
Erlingur Sig-
urðarson Akur-
eyri, fyrrverandi
forstöðumaður
Húss skáldsins
á Akureyri og
kennari við MA, fæddur 1948.
1. Brýnst er að samstaða takist um
að sauma þjóðinni nýja stjórnar-
skrá úr nýrri voð með nýju sniði,
en vera ekki að bæta mislitum
bótum á fúna flík sem aldrei hefur
almennilega passað.
2. Um stjórnlagaþing gilda lög sem
ekki eru skilyrt á nokkurn hátt.
Það er afstaða, hvort heldur menn
greiða atkvæði á kjörstað eða
með fjarveru. Vægi þingsins er því
óbreytt og hlutverk þess afgerandi.
3. Það mun ráða úrslitum um
framgang málsins að um það náist
samstaða. Stjórnlagaþingið skeri
sig þannig frá Alþingi og verði því
gott fordæmi.
4. Ég var félagi í Alþýðubanda-
laginu 1974-1998 og vann fyrir
flokkinn á þeim tíma. Síðan hef
ég aðeins tekið þátt í flokkapólitík
með leynilegum kosningum.
5. Nei. – Þótt oft sé það gott sem
gamlir kveða, er það verðugur
svanasöngur að fá að leggja þar
gott til sem unnið er að setningu
nýrrar stjórnarskrár.
Arnfríður
Guðmunds-
dóttir Kópavogi,
prófessor í
guðfræði við
Háskóla Íslands,
fædd 1961.
1. Forgangsmál mitt er að í allri
vinnu þingsins sé þess gætt að tillit
sé tekið til þess margbreytilega
hóps sem íslenskt samfélag saman-
stendur af. Þess vegna þarf alltaf
að hafa í huga að stjórnarskráin
á að gæta hagsmuna kvenna og
karla, óháð aldri, búsetu, kynþætti,
kynhneigð eða hvers þess sem
greinir okkur að.
2. Ég hefði auðvitað viljað sjá meiri
þátttöku. En í mínum huga er
enginn vafi á því að stjórnlagaþing
er þing allra landsmanna og því
tel ég að dræm kosningaþátt-
taka muni ekki hafa áhrif á störf
þingsins. Sömuleiðis treysti ég
því að kosningaþátttakan muni
ekki draga úr áhrifum niðurstöðu
þeirrar vinnu.
3. Mjög mikilvægt.
4. Ég hef aldrei verið flokksbundin
í stjórnmálaflokki og aldrei tekið
þátt í starfi stjórnmálahreyfingar.
5. Ég hef alltaf látið mig varða um
pólitísk mál þó að ég hafi aldrei
verið flokksbundin. Ég mun án efa
halda áfram að taka þátt í pólitískri
umræðu og láta mig varða um
pólitísk mál eftir þátttöku á stjór-
nmálaþingi.
22 stjórnmál Helgin 3.-5. desember 2010