Fréttatíminn - 03.12.2010, Blaðsíða 42

42 getraunir Helgin 3.-5. desember 2010
Ármúli 38 | 568 5150 | gasar.is
Miðvikudaginn 8. desember næstkomandi fer fram málverka-
uppboð í Gásum. Forsýning á verkum verður helgina
4.-5. desember í sýningarsal Gása, Ármúla 38, kl. 10-16.
Á uppboðinu verða verk eftir Kjarval, Kristján Davíðsson,
Pétur Gaut, Nínu Tryggvadóttur, Svavar Guðnason, Tolla,
Tryggva Ólafsson, Þorvald Skúlason o.fl.
Verið velkomin.
MÁLVERKA
UPPBOÐ
Miðvikudaginn 8. desember | kl. 18.30
Uppboðs
verkin
má skoð
a á
gasar.is
Tryggvi Ólafsson
Kyrra
H öfundur spurninga, Dr. Gunni, var mættur til að halda utan um keppnina. Eins og í fyrra Popppunkts-spilinu, sem
kom út 2004 og hefur verið ófáanlegt lengi, velja
keppendur „peð“ úr hópi íslenskra poppara.
Andri Freyr velur að sjálfsögðu Bjartmar fyrir sig
og Gunnu Dís enda er hann einn aðalmaðurinn
í aðdáendaklúbbi Bjartmars. Tobba og Kalli eru
helst á því að keppa sem Haffi Haff, en koma þá
auga á Gylfa Ægisson og velja hann umsvifalaust.
„Bjartmar og Gylfi … uss … þetta verður eitt-
hvað rosalegt,“ segja keppendur og súpa hveljur.
Pabbi Lay Low
Bjartmar fer úr bílskúrnum, byrjunarreitnum,
og á hraðaspurningareit. Bjartmar fær 30 sek-
úndur (Gylfi stjórnar stundaglasinu) til að svara
eins mörgum spurningum og hann getur. Hann
stendur sig mjög vel, fær fimm rétta og færist því
fram um fimm reiti. Meðal annars veit Gunna Dís
að pabbi Lay Low er frá Srí Lanka og Andri veit
að Doolittle er plata með The Pixies. Tobba kem-
ur líka sterk inn og svarar því að Tatu hafi keppt
fyrir Rússa í Eurovision 2003. Hún átti náttúrlega
ekkert að svara og afsakar sig í bak og fyrir.
„Takk fyrir að hjálpa okkur, Tobba!“ segir
Gunna Dís.
Nú fá Tobba og Kalli tækifæri í hraðaspurning-
unum. Þeim gengur ljómandi vel, fá fjögur stig,
meðal annars fyrir að vita að Spilverk þjóðanna
gerði Á bleikum náttkjólum með Megasi og að
A-ha er norsk hljómsveit. Tobba, sem viðurkennir
að hún sé rosalega tapsár, er þó strax farin að
kvarta yfir því að það sé ekki spurt nógu mikið
um Lady GaGa.
Einfætta konan
Fimm tegundir af spjöldum eru í nýja Popp-
punkts-spilinu; hraða-, bjöllu-, valflokka- og vís-
bendingaspurningar, auk Popphjólsins. Bjartmar
er kominn á valflokkareit og fær spjald þar sem
velja má á milli flokkanna „Ísland 1985“ og „Paul
McCartney“. Kalli er óánægður
með að hafa ekki fengið þetta
spjald. „Sko, þarna eru tveir
flokkar sem ég hefði alveg
verið til í að fá. Ég var á mínum
sokkabandsárum 1985,“ segir
hann.
„Þú ert svo gamall, elskan
mín,“ segir Tobba. „Ég var nú
bara eins árs 1985.“
„Og ennþá að kúka á þig,“
botnar kærastinn.
Andri vill spila varlega.
„Tökum bara Paul einn,“
segir hann skjálfandi röddu.
„Hvað heita konurnar tvær
sem Paul hefur verið giftur, for-
nöfnin duga,“ spyr Doktorinn.
„Það var náttúrlega Linda
og svo var það þarna einfætta
… Þú átt að vita þetta, Gunna Dís,“ segir Andri
Freyr og blínir á samstarfskonu sína.
„Ég veit þetta alveg, ég bara man það ekki,“
segir Gunna Dís reiðilega. Tobba hlær því að hún
veit svarið. Bjartmar engist um í smá tíma og
gefst loks upp og Gylfi Ægisson stelur stigi fyrir
nafnið á „einfættu konunni“ – Heather Mills.
„Já, auðvitað!“ segir Gunna og bölvar.
Túbulargag
Leikurinn heldur áfram og jafnt er á með lið-
unum. Bjartmar og Gylfi skiptast á um að vera
með forustu.
„Það er skrítið að vera að spila þetta án þess að
vera að drekka bjór,“ segir Andri Freyr sem seg-
ist kunna gamla spilið utan að. Hann lætur skýr-
leikann þó ekkert trufla sig og gefur það svar að
hljómsveitin Chicago hafi komið frá Manchester.
„Ó, kom Chicago frá Chicago?“ segir hann
þegar svarið liggur fyrir. „Ég er þá að rugla þessu
saman við hljómsveitina America sem kom frá
Englandi.“
Gylfi Ægisson lendir á Popphjólinu og þarf að
snúa litlu popphjóli sem fylgir spilinu. Þar eru sex
möguleikar; martröð (erfið spurning), snuð (auð-
veld spurning), bransinn (allt getur gerst), semja
lag (gefið er upp nafn á lagi), poppstjarnan (leika
þarf poppstjörnu) og poppruglið, sem Gylfi lendir
á. Nú þurfa Kalli og Tobba að svara því hvaða
íslenska hljómsveit er á bak við þetta stafarugl:
TÚBULARGAG
Svo stálheppin eru þau að svarið er Baggalútur,
staðreynd sem Andri Freyr er ekki ánægður með
og kvartar mikið yfir. „Þetta er svindl! Þetta er
svindl!“
„Svona svona, við fengum nú bara eitt stig fyrir
þetta,“ mótmælir Kalli.
Algjör snilld
Útvarpsfólkið er mun stressaðra enda heiður
þess sem ríkisstarfsmenn í tónlistarþekkingu
í veði. Það er því þungu fargi af þeim létt þegar
þau vinna að lokum eftir mikla baráttu. Bjartmar
sigrar sem sagt Gylfa Ægisson.
„Ég er ekkert smá ánægður með að vinna því
ég svaf ekkert í nótt út af þessu. Það hefði verið
alveg ömurlegt að tapa,“ segir Andri.
„Ég skrifa þetta ekki á það að við séum ekki
nógu klár heldur vorum við bara óheppin með
spurningar, lentum til dæmis nokkrum sinnum
á martröð,“ segir Tobba afsakandi. „Við vorum
líka dálítið rykug eftir partíhald helgarinnar.“
(Leikurinn fór fram á mánudegi.)
„Þetta var samt snautlegt tap,“ viðurkennir
Kalli.
„Ég hefði sagt af mér sem fjölmiðlamaður ef ég
hefði ekki unnið. Þetta var því algjör snilld,“ segir
Andri Freyr og gefur Gunnu Dís háa fimmu.
Enn meiri Popppunktur – íslenska tónlistarspilið er
glænýtt borðspil sem byggist á spurningaþættinum
Popppunkti. Í tilefni af því að spilið er komið í búðir
fékk Fréttatíminn tvö pör til að prufukeyra það.
Glamúrskvísan Tobba Marinós og Karl Sigurðsson,
Baggalútur og Besta flokks-borgarfulltrúi, eru
kærustupar og kepptu á móti Gunnu Dís og Andra
Frey, sem eru útvarpspar og sjá um þáttinn Virkir
morgnar á Rás 2. Keppnin var æsispennandi.
Tökum
bara
Paul
einn
Bjartmar
og Gylfi …
uss … þetta
verður eitt-
hvað rosa-
legt“
Andri Freyr.
Gunna Dís.
Karl Sigurðsson.
Tobba Marinós.
Tobba og Karl „Þú ert svo gamall,
elskan mín. Ég var nú bara eins árs
1985.“
Andri Freyr og Gunna Dís „Það er skrítið að vera að spila
þetta án þess að vera að drekka bjór.“