Læknablaðið - 15.11.1985, Qupperneq 54

316
LÆKNABLAÐIÐ
getur orðið vandamál, ef ekki er þörf fyrir
alla, sem vilja hefja störf á sama tíma.
Stjórn L.í. skipaði þriggja manna nefnd,
þar af 2 skv. tilnefningu F.Í.H., til að hyggja
að þessu máli. í nefndinni voru Arnór
Egilsson, Haukur Magnússon og Katrín
Fjeldsted, og var sá fyrstnefndi formaður
nefndarinnar. Nefndin lagði til eftirfarandi:
»Lausa aðstöðu fyrir heimilislækni skal
auglýsa í dagblöðum og Lögbirtingablaðinu
a.m.k. tvisvar sinnum. Skriflegar umsóknir
skulu síðan sendar stjórn stöðvar. Stjórn
stöðvar (aðstöðu) í samráði við viðkomandi
héraðslækni og að fengnu mati stöðunefndar
gerir samning við lækninn. Miðað skal við, að
réttindi og skyldur læknisins, sem slíka
aðstöðu fær, séu sambærileg við þá lækna,
sem fyrir eru á stöðinni/svæðinu.«
Nefndarálitið var kynnt samninganefnd
heimilislækna.
ÝMIS MÁL
1. Þann 18. október 1984 voru liðin 75 árfrá
stofnun Lœknafélags Reykjavíkur og var
haldið upp á það með tveggja daga afmæl-
ishátíð. L.í. gaf af þessu tilefni L.R. tvö
málverk eftir læknana Guðmund Bjarnason
og Nikulás Sigfússon.
2. Árleg móttaka stjórna L.í. og L.R. fyrir
nýútskrifaða læknakandidata fór fram föstu-
daginn 31. maí.
3. Stjórn Sjúkraliðafélags íslands óskaði í
ársbyrjun eftir viðræðum við fulltrúa L.Í.,
L.R. og F.Í.H. um menntunarmálsjúkraliða.
í framhaldi af þeim viðræðum rituðu stjórnir
félaganna sameiginlegt bréf til Sjúkra-
liðafélagsins, þar sem tekið var undir hug-
myndir um viðbótarmenntun sjúkraliða og að
þeim verði gefinn kostur á aukinni sérhæfingu
i starfi.
4. Á undanförnum árum hefur stjórn L.í.
Iagt fram fé, til að hægt væri að halda
námskeið einkum ætluð lœknakandidötum,
sem hyggja á framhaldsnám í lyflækningum.
L.í. stóð straum af kostnaði við eitt slíkt
námskeið á sl. vetri. Það var þó viðameira en
hin fyrri og stóð í 5 eftirmiðaga. Námskeiðinu
lauk með prófi. Eins og áður var námskeiðið
skipulagt af yfirlæknum lyflækningadeilda
sjúkrahúsanna í Reykjavík. Þessi námskeið
eru styrkt í þeirri von, að þau verði vísir að
skipulögðu framhaldsnámi hér heima.
5. Á sl. hausti kom upp ágreiningur um
greiðslur fyrir vaktir heilsugœzlulækna í
Keflavík, sem fram til þess tíma höfðu verið
skv. númerasamningum. Þegar ljóst varð, að
læknarnir mundu hætta á vöktum, náði L.í.
samkomulagi við fjármálaráðherra og T.R.
um, að greitt yrði með sama hætti og áður til
1. des. Eftir þann tíma yrði greitt skv.
væntanlegu samkomulagi við fjármálaráðu-
neytið. Jafnframt var sett á fót nefnd skipuð
tveim fulltrúum frá heilbrigðisráðuneyti, ein-
um frá fjármálaráðuneyti og þrem læknum.
Nefndinni var ætlað að gera úttekt á starfs-
aðstöðu og starfskjörum heilsugæzlulækna,
sbr. bókun með sérkjarasamningi L.í. og
fjármálaráðherrafrá23. maí 1984. Jafnframt
átti úttektin að ná til heimilis- og heilsugæzlu-
lækna. Nefndin kom nokkrum sinnum sam-
an, en aldrei fullskipuð. Lögð voru fram gögn
um greiðslur fyrir vaktir á hinum ýmsu
stöðum og greinargerð um störf þeirra heilsu-
gæzlulækna, sem jafnframt eru héraðslækn-
ar. Nefndin skilaði ekki skýrslu. Með við-
auka, sem gerður var 10. ágúst sl. við
sérkjarasamning L.í. og fjármálaráðherra,
hafa aðstæður breyzt á þann veg, að ekki er
gert ráð fyrir áframhaldandi starfi nefndar-
innar. Við stofnun formlegrar heilsugæzlu-
stöðvar á Akureyri kom einnig upp ágrein-
ingur um greiðslur fyrir vaktir þar. í maí náð-
ist samkomulag milli fulltrúa L.Í.,
fjármálaráðuneytis og heilbrigðisráðuneytis
um, að frá 1. des. skyldu greiðslur í Keflavík
og á Akureyri vera tvöfaldar á við gæzluvakt-
argreiðslur í öðrum heilsugæzluumdæmum.
Þessar greiðslur voru samt sem áður lægri en
áður hafði verið. Eftir að læknar á Akureyri
bjuggust til að hætta á vöktum, ákvað stjórn
heilsugæzlustöðvarinnar að tryggja þeim
sömu greiðslur og þeir höfðu áður haft. Gilti
sú ákvörðun til gildistöku viðaukasamnings-
ins frá 10. ágúst, sem áður er nefndur. Með
þeim viðaukasamningi er ágreiningur um
greiðslur fyrir vaktir á þessum stöðum úr
sögunni, enda þótt ánægja með greiðslufjár-
hæðir sé ekki almenn.
6. í nóvember 1984 ritaði L.í. bréf til
fjármálaráðherra um starfskjör heilsugœzlu-
lækna, skólaskoðanir og embœttisstörf
héraðslækna. Aðaltilefni bréfsins var það, að
Kópavogskaupstaður hafði neitað að greiða
læknum fyrir skólaskoðanir. Neitun Kópa-
vogskaupstaðar á greiðslum byggðist á fyrir-