Læknablaðið - 15.10.1987, Síða 58

356
LÆKNABLAÐIÐ
Vissulega var ýmsum kröfum okkar hafnað,
öðrum var að svo komnu máli ekki haldið til
streitu, þar eð þær koma inn í þá endurskoðun
ráðninga- og vaktafyrirkomulags, sem
framundan er og þegar hefur verið vikið að.
Ljóst er hins vegar, að samningurinn felur í sér
umtalsverða kjarabót og jafnast fyllilega á við
það, sem félög hafa best náð út fyrir ramma þess
samkomulags, sem gert var á almennum
vinnumarkaði í desember sl.
Vissulega er mikill órói á vinnumarkaðnum núna,
en ljóst er, að verði umtalsverðar kjarabætur til
annarra, einkum BHMR, félaga umfram það,
sem við höfum um samið, munu þær bætur
einnig koma í okkar hlut fyrr eða síðar. Þetta
skiptir þó ekki mestu máli, heldur hitt, að með
samningi þessum er stigið stórt skref til jöfnunar
á launum sjúkrahúslækna við það, sem fæst greitt
fyrir starfsemi sérfræðinga utan sjúkrahúsa og
sem greitt er fyrir starfsemi við heimilislækningar
og heilsugæslu. Samninganefndunum er hins
vegar alveg ljóst, að fullum og viðunandi jöfnuði
verður ekki náð með hækkun grunnlauna
sjúkrahúslækna einni saman, heldur verður
frekari hækkun á launum þeirra að koma að
nokkur leyti með sérstöku helgunargjaldi eða að
þeir afli hluta tekna sinna eftir gjaldskrá. Það er
einnig í samræmi við tekjuöflun annarra
starfsbræðra. í heild eru laun sjúkrahúslækna í
raun ekki lakari en annarra lækna, en þeirra er
aflað með eilítið öðrum hætti. Hins vegar er full
ástæða til að ætla, að náist samkomulag um atriði
þau, er nú bíða endurskoðunar, muni
sjúkrahúslæknar hafa fyllilega sambærileg og
ekki lakari laun en aðrir læknar miðað við
hliðstætt vinnuálag. (S.B.)