Læknablaðið : fylgirit - 01.09.1987, Side 15

10
HAFA BÖÐ í BLÁA LÓNXNU ÁHRIF Á PSORIASIS? Guðjón Macrnússcn, Vilborg Incfólfs—
dóttir, Hans Jakob Beck og Guðmundur Sigurðsson. Landlæknisembættið, Laugaveg
116, Reykjavík.
Talið er að um 6000 íslendingar hafi einhver einkenni um psoriasis. Margvís-
leg meðferð er í boði þar á meðal ferðir til sólarlanda í lækningaskyni því
vitnast hefur um jákvæð áhrif saltvatnsbaða og sólarljóss á psoriasis.
Eftir að Bláa lónið myndaðist fyrir nokkrum árum hafa margir einstaklingar
baðað sig þar og talið sig fá bót af.
Tilgangur rannsóknarinnar var að kanna hvort reglubundin böð í 4-5 vikur í
Bláa lóninu hefðu bætandi áhrif á psoriasis.
Tilgátur voru þrjár:
1) Böðin bæta líöan að mati sjúklings.
2) Böðin lina einkenni að mati húðsjúkdómalæknis.
3) Böðin minnka notkun húðstera.
Efniviður og framkvæmd: Sjálfboöaliöar með psoriasis sem voru ljósmyndaðir
og skoðaðir af lækni fyrir og eftir rannsókn. Var þátttakendum gert að baða
x 4-6 í viku.
Niðurstöður: 27 hófu þátttöku en 21 luku rannsókninni. Niðurstöður styðja
tilgátu um betri líðan að mati sjúklinga sjálfra. Mat lækna var að almenn
líðan væri betri og afhreistrun góð svo og grynning yrði á útbrotum. Roði
var hins vegar óbreyttur eða verri hjá 2/3 þátttakenda. Sýnilega dró úr notkun
húöstera.
Ályktun: Um er að ræða forkönnun með sjálfboðaliðum. Niðurstööur gefa
vísbendingu xim jákvæð áhrif baða í Bláa lóninu. Framhaldsrannsókn er vel á
veg komin.
11
SVÆÐISBUNDIN RANNSÓKN Á SÝKLALYFJANOTKUN. Guðjón Magnússon, Halldór Jónsson,
Ágúst Oddsson og Jóhann Á. Sigurðsson. Læknadeild Háskóla íslands, Sigtúni 1,
Reykjavík og Heilsugæslan, Strandgötu 8-10, Hafnarfirði.
íslenskir læknar ávísa mun meira af sýklalyfjum en kollegar á Norðurlöndunum.
Ástæður eru ókunnar. Ein hefur verið talin vera hlutfallslega meiri fjöldi
bama hér á landi og að tíðni sýkinga hjá þeim er hærri.
Aðferðir og efniviður: Frá 1.-15. apríl 1986 var safnað inn öllum lyfseðlum
frá lyfjabúðum og sjúkrasamlögum fyrir íbúa á Suðurnesjum og í Hafnarfirði.
Allar lyfjaávísanir á sýklalyf (J01 og J03 í sérlyfjaskrá) voru skráðar þ.e.
lyfjaheiti, styrkleiki, magn og skömmtun, aldur og kyn sjúklings og læknanúmer.
Við útreikninga var notaður svo kallaður ákvarðaður dagskammtur (DDD = Defined
Daily Dose) frá Norrænu lyfjanefndinni.
Niðurstöður: 1180 einstaklingum var ávísað sýklalyfjum (656 konur og 524
karlar) af samtals 120 læknum. Heilsugæslu- og vaktlæknar ávísuðu 79%
sýklalyfja. Algengast var Ampicillin (40%). Til 14 ára og yngri fóru 35%
ávísana en ef tekiö er mið af dagskömmtum er sýklalyfjanotkun lægst í
aldurshópnum 5-14 ára.
Ályktun: Tilgátan að hluti skýringa á meiri notkun sýklalyfja hér á landi
sé hærra hlutfall barna stenst ekki. Verulegur munur er á ávísanavenjum
heilsugæslulækna á rannsóknarsvæðinu.
15