Innsýn - 01.10.1978, Blaðsíða 15

15
Heilsuhópar
Svo var þama stór hópur serr.
langaði að gera dálítið óvanalegt.
Það voru þeir sem tilheyrðu „heil-
brigðisráðuneytinu.“ Við komum
saman og skiptum okkur í fjóra
hópa eftir verkefnum. Hópurinn
sem við Islendingarnir vorum í
tók að sér mælingu á blóðþrýst-
ingi og þoli. Annar var með risa-
sígarettu og dúkku sem sýndi tjör-
una sem sígarettur skilja eftir sig.
Sá þriðji sýndi hvernig hægt er að
búa til hollan og góðan mat og
leyfði fólkinu að bragða á honum.
Fjórði hópurinn kenndi hvernig
fara ætti vel með bakið á sér, fólki
var sýnt hvernig ætti að sitja rétt,
lyfta rétt o.s.frv.
Undirbúningurinn var mikill.
Við þurftum að teikna á plaköt
ýmislegt sem vakti áhuga fólks
o.fl. Á þriðjudaginn fórum við af
stað og fengum leyfi verslunar-
stjóra stærstu verslunarmiðstöðvar
1
Þórshafnar til að vera þar inni
vegna þoku og ringingar sem var
oftast nær. Við vorum á sitt hvorri
hæðinni en „reykingafólkið“ varð
að standa fyrir utan og púa þar.
Þetta var alveg sérstaklega gaman.
Við vorum með einn blóð-
þiýstingsmæli og fengum annan
lánaðan á sjúkrahúsinu og á „kur-
badinu“ okkar fengum við lánað
þrekhjól. Við þurftum ekki að
bíða lengi þar til biðröð hafði
myndast. Tilgangurinn með þessu
var að hjálpa fólkinu en einnig að
ná sambandi við það — tala við
það og bjóða því á samkomurnar.
Eins og nærri má geta vakti þetta
mikla athygli og blöðin birtu
myndir og greinar um okkur.
Síðari sunnudaginn höfðum við
mikla heilbrigðissamkomu á skól-
anum okkar frá klukkan 14—17.
Þar gat fólk fengið blóðþiýsting
sinn mældan, séð áhrif tóbaks-
reykinga á líkamann, séð kvik-
myndir og litskuggamyndir, heyrt
erindi um æðakölkun, heilsuboð-
orðin tíu og megrun, fengið að
smakka á góðum mat og lært að
meðhöndla bakið á sér rétt. Okk-
ur til mikillar ánægju komu marg-
ir og auðvitað fylgdist blaðamað-
ur og ljósmyndari með öllu.