Þjóðhagsreikningar 1901-1945 - 01.08.1992, Side 110

Væri nú hægt að finna árleg verð 1900-1914 fyrir liðina a) til e) hér að ofan væri
þar með kominn verðmælikvarði á byggingarkostnað þessi ár. Svo er þó ekki varðandi
liðina c, d og e. Hins vegar má áætla breytingar a og b liða á grunni innlendra og
erlendra upplýsinga.
Að því er vinnuliðinn varðar má miða við þróun tímakaups umrætt tímabil
samanber kafla 5.4.3 um þróun vinnulauna 1900-1914.
Varðandi b-lið (timbur) verður stuðst við upplýsingar norsku hagstofunnar, um fob-
verð timburs sem flutt var til íslands, en frá Noregi kom verulegur hluti timbur-
innflutnings þessi ár. Gengið er út frá því að fast hlutfall hafi verið milli fob-verðs frá
Noregi og verði á timbri til húsbyggingar á Islandi þessi ár. Norsku fob-verðin eru
sýnd í töflu 5.4.2.2 og ennfremur er reiknuð „vísitala timburverðs“ með 1914 sem
grunnár. Aður en þessi leið var valin, var athugað hvort hægt væri að áætla cif-verð
á grunni verslunarskýrslna. Svo var þó ekki. I eldri skýrslum er aðeins að finna
verðtölur, engar magntölur, þær eru fyrst skráðar fyrir árið 1912 og sundurgreiningu
eftir vinnslustigi er fyrst að finna í skýrslum ársins 1914.
Varðandi liðina c, d og e er engar magnupplýsingar að finna í verslunarskýrslum
þessara ára fyrr en árið 1912. Þó finnast tölur um sement frá 1910 og þakjám frá
1911. Þessar magnupplýsingar eru þó það ófullkomnar að rétt hefur þótt að líta alveg
fram hjá þeim og miða áætlunina við liðina „vinnu“ og „timbur“ öll árin.
Sé litið til grunntalna, þá er myndin þessi:
Grunnur ársins 1914.
kr. %
a) Vinnuliðir 3.040 41,7
b) Timburliðir 2.373 32,6
Aðrir liðir (c,d,e) 1.875 25,7
7.288 100,0
Sé miðað við a og b liði eingöngu, verða vægin þessi:
a) Vinnuliðir 56,2%
b) Timburliðir 43,8%
100,0%
Einnig hefði komið til álita að hafa vægin þannig:
a) Vinnuliðir 41,7%
b) Timburliðir 58,3%
100,0%
Þá hefði verið gengið út frá því að öll verð á erlendu byggingarefni hefðu fylgt fob-
verði á norsku timbri sem flutt var til landsins. Sú forsenda hefði verið enn hæpnari
108