Dagblaðið Vísir - DV - 24.08.2007, Qupperneq 56

föstudagur 24. ágúst 200756 Helgarblað DV
TónlisT
Hljómsveitin Hagkvæm skemmtun í
núinu sendi nýverið frá sér plötuna Örlög
& viðlög. Platan er aðeins um sjö mínútur
að lengd og inniheldur tíu örstutt viðlög
sem öll koma hvert úr sinni tónlistarátt.
Margir tónlistarmenn leggja sveitinni lið
á plötunni og má þar meðal annars nefna
Árna Hjörvar Árnason, bassaleikara Kim-
ono og Future Future. Gott og vel. Mað-
ur skyldi ætla að þetta gæti verið sniðug
plata og fullur tilhlökkunar setti ég hana
í spilarann.
Það tók mig þó aðeins þrjár mínútur
að uppgötva að hér er á ferðinni gríðar-
lega ill meðferð á ágætri hugmynd. Plat-
an er afar metnaðarlítil og hreinlega illa
unnin. Söngurinn er stefnulaus og til-
raunir raddbandaþenjara til þess að vera
svalir í núinu eru vonlausar. Hljóðfæra-
leikurinn er sömuleiðis klúðurslegur og
í sannleika sagt er mér það hulin ráð-
gáta af hverju þessum mönnum var af-
hentur lykill að hljóðveri. Í raun er það
ekki vitlaust að draga þá til ábyrgðar sem
seldu hljómsveitinni hljóðfærin. Það sem
hræðir mig hins vegar mest er að áður fyrr
var hægt að þagga svona hljómsveit nið-
ur í hel, en með tilkomu internetsins og
þá sér í lagi Myspace tekst hljómsveitinni
að dreifa sér eins og illkynja mein út um
allt. Og enginn fær ráðið við neitt. Það er
sorglegur fylgifiskur nútímans að hverjir
sem er geti tekið upp tónlist og kallað sig
listamenn.
Ég hef hlustað á margt misjafnt und-
anfarið, en í mínum huga er engin spurn-
ing um að Örlög & viðlög er ótrúlega döp-
ur frumraun frá fólki sem ætti að snúa sér
að öðru.
Valgeir Örn Ragnarsson
Megas í Höllinni
Laugardaginn 13. október mun sjálfur
Megas stíga á stokk í Laugardalshöll-
inni ásamt
félögum
sínum í
senuþjófun-
um og halda
sína allra
fyrstu
stórtónleika.
Megas og
senuþjófarnir
gáfu nýverið
út plötuna
frágang sem
fengið hefur
gríðarlega góðar viðtökur og selst afar
vel. frágangur var fyrsta platan sem
Megas sendi frá sér í sex ár og munu
lög af plötunni verða flutt í Höllinni
ásamt öllum helstu perlum Megasar á
löngum og ströngum tónlistarferli.
Miðasala verður tilkynnt síðar en
áætlað er að hefja söluna í byrjun
september. Einungis verður selt í
númeruð sæti og um tvö þúsund og
fimm hundruð aðgöngumiðar eru í
boði.
Tónlistarakademía DV segir:
Hlustaðu á þessa!
shake It good - Jagúar
Kala - M.I.a.
Places Like this - architecture In Helsinki
under the Blacklight - rilo Kiley
gogol Bordello - super taranta!
Syngur tvö lög
forsprakki hljómsveitarinnar guns N’
roses, axl rose, hefur nú tekið
höndum saman við fyrrverandi
söngvara glamrokksveitarinnar skid
row, sebastian Bach. Bach vinnur nú
að sólóplötu og hefur axl rose sungið
inn á tvö lög á plötunni sem kemur til
með að heita angel down. Bach söng
með guns N’roses fyrir næstu
breiðskífu sveitarinnar og segist hafa
beðið rose í gríni um að gjalda honum
greiðann og syngja með sér í staðinn.
Hann segist hafa orðið gríðarlega hissa
þegar rose svaraði í snatri að hann
væri til. angel down kemur út 20.
nóvember í Bandaríkjunum.
Undarleg beiðni
Blaðamanni tónlistartímaritsins rolling
stone brá heldur betur í brún um
daginn þegar
hann var á leið að
taka viðtal við
serj tankian
söngvara
hljómsveitarinnar
system Of a
down. rétt áður
en blaðamaður
var á leið út úr
húsi fékk hann
sendan póst frá serj, þar sem stóð að
allir þeir sem hefðu í hyggju að taka
viðtal við hann þyrftu fyrst að svara
eftirfarandi: skilgreinið hvað
siðmenning þýðir fyrir ykkur og hvaða
áhrif endalok siðmenningarinnar
myndu hafa á heiminn. Og hana nú!
grey blaðamaðurinn brýtur enn
heilann í von um að rétta svarið komi
upp í huga hans.
Hagkvæm skemmtun í núinu var stutt grín:
Hin splunkunýja sveit The Musik Zoo sam-
anstendur af fimm meðlimum sem allir koma hver
úr sinni áttinni og eru með mjög ólíkan tónlistarbak-
grunn. Meðlimirnir eru bræðurnir Kristinn og Guð-
laugur Júníussynir, sem áður voru í hljómsveitinni
Vínyl, Ívar Örn Kolbeinsson úr sveitinni Dr. Mister
& Mr. Handsome, Jóhann Helgi Ísfjörð sem komið
hefur fram undir tónlistarnafninu Gorbatsjov auk
þess að hafa séð um þáttinn Rafræn Reykjavík og að
lokum er það Egill Tómasson sem spilað hefur á gít-
ar í hinum ýmsu sveitum, meðal annars í Dr. Mister
& Mr. Handsome og Vínyl.
Blaðamaður hitti fyrir þrjá af meðlimum sveitar-
innar en The Musik Zoo heldur tónleika á skemmti-
staðnum Organ á laugardagskvöld. „Hljómsveitin
var stofnuð í Danmörku í apríl en ég og Kiddi bjugg-
um úti og vorum eiginlega alveg ákveðnir í að hætta
að vinna í tónlist. Svo flutti Ívar út eftir að Dr. Mister
& Mr. Handsome hættu og ég kíkti eitthvað í heim-
sókn til hans. Við skelltum okkur svo aðeins niður
í tónlistarherbergið en Ívar var með tölvuna sína
með einhverjum töktum í sem ég fór að spila yfir.
Svo áttuðum við okkur eiginlega bara á því að við
vorum með áhuga á sömu orkustöðvunum varð-
andi tónlist sem tengdi þessa hljómsveit saman,“
segir Guðlaugur en í kjölfarið var hljómsveitin The
Musik Zoo stofnuð. „Nafnið kom bara til því þetta
lýsir okkur alveg ágætlega, við erum svona villt dýr í
búrinu í dag,“ segir Jóhann sem lýsir tónlist sveitar-
innar sem rokkskotinni raftónlist.
Túruðu með Bloodhound Gang
The Musik Zoo hélt sína fyrstu tónleika í Stúd-
entahúsinu í Kaupmannahöfn en hefur síðan
túrað um Þýskaland ásamt hljósmveitinni Blood-
hound Gang. „Þetta var kannski ekki alveg okkar
krád sem mætti á tónleikana en við spiluðum vel
úr þessu og Bloodhound Gang bað okkur að spila
með sér á öðrum túr,“ segir Kristinn og Jóhann
bætir við: „Við vorum að spila á kannski fimmt-
án hundruð til tvö þúsund manna stöðum, mest-
megnis fyrir tattúveraða unglinga með gataða lík-
ama. Það er í alvörunni alveg ótrúlegt hvað það er
mikið af tattúveruðum ungum stelpum í Þýska-
landi. Við erum ekkert að tala um að þær séu
með eitthvert eitt lítið hafmeyjutattú á hendinni
heldur eru hendurnar bara þaktar stórum, gróf-
um tattúum.“
Strákarnir lentu í einstaklega skemmtilegu at-
viki þegar rútubílstjóri sem þeir höfðu leigt sér til
að keyra þá á milli staða neitaði að stöðva á langri
leið yfir að bæ nálægt landamærum Austurríkis
og Sviss. „Þetta var fyrrverandi þýskur herforingi
sem nánast neitaði að stöðva því hann vildi halda
áætluninni og við rétt fengum eitt pissustopp og
vorum ekki búnir að sofa í tvo sólarhringa. Þegar
við fórum svo að spila á tónleikunum um kvöld-
ið skiptust áhorfendur gjörsamlega í tvennt. Þeir
voru búnir að bíða í einhverja þrjá tíma eftir að
komast inn og vissu ekki alveg hvernig þeir áttu að
taka okkur. Annar helmingurinn dansaði bara og
skemmti sér vel á meðan hinn helmingurinn var
hópur af metalrokkurum sem stóðu bara og gláptu
á okkur með fokkjú-merki á hendinni. Svo byrjuðu
þeir að kasta í okkur flöskum en við stóðum það
af okkur og þetta var í raun kraftmestu tónleikarn-
ir okkar á öllu ferðalaginu. Eftir tónleikana kom til
okkar fólk sem hrósaði okkur fyrir að spila svona
vel fyrir þessa erfiðu aðdáendur. Í dag er þetta fólk
tilvonandi samstarfsaðilar okkar og ætlar að vinna
með okkur á erlendri grundu, svo þetta voru jafn-
framt mikilvægustu tónleikarnir okkar.“
Frítt inn
Hljómsveitin hefur undanfarið tekið upp dem-
ólög og vinnur að gerð plötu sem kemur þó ekki
út fyrr en á næsta ári. „Við erum nýbúnir að fara
með eitt lag á útvarpsstöðvarnar en það er lagið
Pressure. Við erum hérna heima núna til að vera
bara duglegir að halda tónleika og ætlum bara að
dæla út lögum þangað til platan kemur út,“ segir
Kristinn. Fyrstu tónleikar sveitarinnar hérlend-
is verða sem áður segir á tónleikastaðnum Org-
an annað kvöld, laugardagskvöld, og er aðgangur
ókeypis. Tónleikarnir hefjast á miðnætti og mun
The Musik Zoo ásamt góðum gestum halda uppi
stuðinu fram á morgun. Þeim sem vilja heyra for-
smekkinn af því sem koma skal hjá þessari rokk-
skotnu raftónlistarsveit er bent á Myspace-síð-
una myspace.com/musikzoo. krista@dv.is
Hagkvæma núið er búið
Plötudómur
Hagkvæm skemmtun
Örlög & viðlög 2007
Niðurstaða:
The Musik Zoo
spilar á Organ,
laugardagskvöld.
Hljómsveitin The Musik Zoo samanstendur af fimm
tónlistarmönnum úr ólíkum áttum sem sameinuðu
krafta sína eftir að hafa uppgvötvað að allir voru þeir
með áhuga á sömu orkustöðvunum varðandi tónlist.
Sveitin heldur tónleika á Organ á laugardagskvöld.
SPILA ROKKSKOTNA
RAFTÓNLIST
DV-MYND ÁSGEIR