Fréttatíminn - 30.05.2014, Blaðsíða 78

6 veiði Helgin 30. maí-1. júní 2014
É g er svo heppinn að þekkja marga góða menn sem eru létt brjálaðir í veiðidellu
sinni. Veiðiferðunum hefur því
smám saman fjölgað enda er til-
hneigingin sú að ef maður fer í
veiðiferð á nýjar slóðir, þá er hún
endurtekin að ári,“ segir Baldur
Sigurðsson, dósent við Kenn-
aradeild á menntavísindasviði Há-
skóla Íslands.
Baldur er forfallinn silungsveiði-
maður en hefur að mestu látið lax-
veiði vera. „Ég veiði eiginlega ekki
lax nema í nauðvörn. Eða einhver
bjóði mér í laxveiði,“ segir hann
léttur í bragði.
Má ekki bóka of mikið
fyrirfram
Þrír stórir veiðitúrar bíða Baldurs
í sumar. „Ég fer á silungasvæðið
í Vatnsdalsá um mánaðamótin
júní-júlí með Brjáni Ingasyni,
fágætisleikara og útgerðarbónda. Í
kjölfarið fer ég í Laxá í Þingeyjar-
sýslu með úrvalsholli undir stjórn
Ásgeirs Steingrímssonar trompet-
leikara. Það hefur verið fastur
liður í lífi mínu síðan Díana dó. Í
fyrsta skipti sem við bræður fórum
í Laxá var komið fram í lok ágúst.
Síðasta morguninn sat maður í
stofunni sem komið hafði akandi
frá Akureyri og færði okkur þau
tíðindi að Díana væri látin. Ég get
sumsé tímasett þessa veiðiferð en
svo þarf ég reyndar alltaf að fletta
því upp hvenær Díana lést. Sum-
arið eftir var fyrsta hollið okkar
með Ásgeiri. Þriðja stóra ferðin
er í Veiðivötn. Ég var svo heppinn
að vera varamaður í holli Eiríks
Indriða Bjarnasonar húsasmiðs
þar í fyrra og fæ að fara aftur í ár.
Þar fyrir utan þarf að brúa nokkra
daga frá túrnum í Vatnsdalsá og
fram að Laxá. Ef ég þekki Brján
rétt verður vandalaust að finna
ódýr veiðileyfi á Norðurlandi í júlí
og þá förum við ekkert úr vöðl-
unum í tíu daga.“
Baldur segir að það sé jafn-
vel mögulegt að hann fari bæði
í Skjálfandafljót og aftur í Vatns-
dalinn þó ekkert sé ákveðið í þeim
efnum. „Maður má ekki bóka of
mikið fyrirfram, það verða að
vera lausir dagar sem ekki hefur
verið ráðstafað. Bæði þarf að sinna
öðrum áhugamálum, gönguferð-
um og útivist, og barnabörnunum,
og svo vantar stundum varamenn
í góð holl hjá vinum og kunningj-
um, og þá er leiðinlegt að verða að
afþakka.“
Veiði eiginlega ekki
lax nema í nauðvörn
Baldur Sigurðsson, dósent við HÍ, er forfallinn silungsveiðimaður. Hann tekur þær fram yfir laxveiðina
vegna verðlags á veiðileyfum en í silungsveiðinni kveðst hann geta bæði farið í fleiri ferðir og verið
lengur í hvert sinn.
92 sentímetra skepna í Mýrdal
Eins og allir alvöru veiðimenn
lumar Baldur á fjölmörgum sögum
af eftirminnilegum viðureignum á
bakkanum. „Það var einn geysi-
lega eftirminnilegur 92 sentí-
metra sem ég fékk í Heiðarvatni
í Mýrdal. Hann tók strikið út á
þetta stóra vatn og ég hélt að hann
myndi fara með alla línuna. Ég er
yfirleitt með stöng númer fjögur
sem hefur ekki mikið að segja í
svona stórar skepnur en eftir langa
mæðu náði ég honum. Ég var með
fallega flugu frá Sigga málara sem
hann tók en svo hafði „dropperinn“
krækst í sporðinn á honum þannig
að það var auðvelt fyrir mig að
mæla hann í fjörunni, þó ég væri
ekki með málband, því taumurinn
var strekktur frá kjaftinum að
sporði. Þetta er ævintýri sem eng-
inn hefur trúað því auðvitað fékk
þessi höfðingi að fara.“
Baldur segir líka sögu af því þeg-
ar hann setti í urriða í Þingvalla-
vatni. „Hann var svo stór að ég vissi
ekki að svona fiskar væru til nema
í sögum. Ég var á bleikjuveiðum
með sjö punda taum og átti ekki
von á neinu svona. Ég stóð með
stöngina í keng í næstum klukku-
tíma. Að lokum kom hann svo
nálægt landi að hann horfðist eitt
augnablik í augu við Sigbjörn Kjart-
ansson arkitekt, sem stóð á bakk-
anum með silungsháfinn tilbúinn,
og ég veit ekki hvor varð hræddari.
Sigbjörn hljóp upp á land, henti
frá sér háfnum og sagðist ekki
koma nálægt þessu en urriðinn tók
strikið út á vatn og sleit.“
Silungsveiðar hálft árið
Baldur segir að verðlagið á
veiðileyfum í laxveiði eigi sinn
þátt í því að hann taki silungs-
veiðina fram yfir. „Ef maður
eyðir minna í veiðileyfi getur
maður bæði farið oftar og verið
lengur. Sumir laxveiðimenn fara
bara í einn túr á ári en í silungs-
veiðinni getur maður verið að
frá apríl og fram í október. Þetta
lengir sumarið. Þá verður minn-
ingin um sumarið ekki bundin
við þessar f jórar vikur sem
maður tók í frí heldur teygir sig
yfir hálft árið. Maður gleymir
f ljótt þessum vinnudögum inni
á milli.“
Baldur Sigurðsson er forfallinn silungsveiðimaður. Hér er hann sumarið 2005 við
hornið á veiðihúsinu Rauðhólum í Laxárdal.
Eflaust hefur flest fluguveiðiáhuga-
fólk heyrt um Scott flugustangir.
Stangirnar hafa verið á markaði á
Íslandi í fjölda ára en Scott fyrirtæk-
ið sjálft hefur verið starfandi síðan
árið 1973 þegar maður að nafni
Harry Wilson fór að smíða sínar
eigin stangir í kjallaranum heima
hjá sér. Harry sagði upp vinnu sem
framkvæmdastjóri til að eltast við
drauminn um að smíða flugustangir
og þegar fyrirtækið óx flutti það til
Colorado þar sem smíðastofur þess
eru í dag.
Scott stangir eru allar handsmíð-
aðar í Bandaríkjunum í verksmiðju
þeirra og þar er hver einasta stöng
yfirfarin. Meira að segja vörumerki
Scott og upplýsingar um stöngina
eru handmálaðar á. Ef einhver ein
stöng stenst ekki skoðun fer sú ekki
í sölu. Allar stangirnar hafa lífstíð-
arábyrgð og ef stöngin brotnar er sá
hluti hennar lagaður.
Nýjasta stöngin frá Scott, Radian
var fyrsta flugustöngin til að vinna
verðlaun sem besta nýjan varan á
stærstu veiðisýningu Bandaríkj-
anna, IFTD.
Scott Radian
Scott Radian var hönnuð af aðal-
hönnuði Scott, Jim Bartschi með
það í huga að stöngin væri á sama
tíma hröð en samt veita góða tilfinn-
ingu fyrir veiðinni og ekki vera of
stíf. Til þess að ráða við þungar flug-
ur, jafnvel sökktauma eða sökkenda
og vind þurfa stangir að vera stífar
og hraðar. Þá er það aðeins fremst í
toppnum sem stöngin svignar nema
undir miklu álagi og við það missir
veiðimaður ákveðna tilfinningu við
veiðarnar. Mýkri stangir veita meiri
tilfinningu en henta verr í miklu
roki og eins með þungar flugur eða
sökkenda. Scott Radian sameinar
kosti hröðu og mjúku stangarinn-
ar í einni stöng. Í raun má segja að
stöngin sé hönnuð með erfiðustu
aðstæður á Íslandi í huga.
Ímyndum okkur dag við veiðar
sem gæti sannarlega átt við íslenska
náttúru. Þú kemur í hús og byrjar
að veiða seinni parts vakt. Það hefur
ekki rignt í 2 vikur og áin er vatns-
lítil. Þú byrjar með flotlínuna þína
og pínulitlar flugur og það þarf að
fara mjög varlega. Daginn eftir er
sama uppi á teningnum en rétt fyrir
hlé byrjar að blása og rigna hressi-
lega. Klukkan 16 þegar seinni
vaktin hefst hefur vaxið duglega
í ánni og það er kröftugur vindur.
Þú skiptir um taktík en veiðir með
sömu stönginni og um morguninn
þar sem Scott Radian ræður við
báðar aðstæður; viðkvæma vatnið,
löngu taumana og litlu flugurnar en
á sama tíma rokið, mikla vatnið og
þungu túpurnar.
Þetta má líka heimfæra á silungs-
veiðina þar sem Scott Radian ræður
við viðkvæmustu þurrfluguveiðina
og á sama tíma veiði með púpum
eða straumflugum.
Kynning um helgina
Það væri hægt að fara í langa upp-
talningu á allri nýju tækninni sem
notuð hefur verið við hönnunina á
Scott Radian en þess í stað hefur
Veiðivon, Mörkinni 6, ákveðið að
bjóða öllu áhugafólki um fluguveið-
ar að koma í búðina helgina 31. maí
og 1. júní til þess að læra meira um
þessa frábæru stöng og prófa hana.
Á staðnum verður sérfræðingur frá
Scott sem mun fræða fólk um Scott
Radian ásamt því að tala um aðrar
gerðir Scott stanga. Hann mun líka
kynna línur frá Scientific Anglers
og allir geta fengið að prófa. Sett
verður upp kasttjörn á svæðinu til
Scott flugustangir –
handsmíðaðar í Bandaríkjunum
þess að hægt sé að kasta nýju Scott Radian tvíhend-
unum á vatni.
Á sama tíma verður haldin hin árlega kynning á því
hvernig hægt er að gera við Simms Gore-Tex vöðlur en
sérfræðingar frá Simms verða í Veiðivon, Mörkinni 6,
alla helgina.
Stjáni Ben, Haukur Jóhannsson og Björn K. Rúnarsson.