SSFblaðið - 01.06.2013, Blaðsíða 8
8
á þiNgi ssf árið 2010 stóð ssf fyrir kyNNiNgu á vottuN
fjármálaráðgjafa. Var það Vibeke Ulvin frá Finansforbundet í
Noregi sem kynnti framgang verkefnisins þar í landi fyrir þinggestum,
ásamt því að mannauðsstjórum frá bönkum og sparisjóðum var boðið
að hlýða á erindið. Eftir kynninguna þá bauðst mannauðsstjórum
að spyrja Vibeke út í fyrirkomulag vottunar þar í landi.
Næsta skref var stofnun stýrihóps sem samanstóð af fulltrúum
frá Arion banka, Íslandsbanka, Landsbankanum, Sparisjóðunum,
MP banka og SSF. Stýrihópurinn fór yfir fyrirkomulag Vottunar
fjármálaráðgjafa í löndunum í kring, þar sem vegnir voru kostir og
gallar hvers kerfis fyrir sig. Að lokum varð fyrirkomulagið í Noregi
fyrir valinu.
Efnahags- og viðskiptaráðuneytið, Háskólinn á Bifröst,
Viðskiptafræðideild Háskóla Íslands, Viðskiptadeild Háskólans
í Reykjavík, Samtök fjármálafyrirtækja og SSF gerðu síðan
samstarfssamning sumarið 2011 um aðkomu að verkefninu „Vottun
fjármálaráðgjafa“. Samstarfssamningurinn hefur það markmið að
auka áreiðanleika og trúverðugleika vottunar en með því skrefi var
lagður traustur grunnur að þeirri þekkingu og færni sem vottun
fjármálaráðgjafa byggir á.
• Samstarfsaðilar Vottunar fjármálaráðgjafa tryggja faglega
og sameiginlega ábyrgð á undirbúningsnámi til vottunar
og gerð og framkvæmd vottunarprófa
• Samstarfsaðilar hafa samvinnu á milli háskóla um próf-
efnislýsingu
• Vottunarnefnd sem skipuð er samstarfsaðilum staðfestir
prófskírteini vottaðra fjármálaráðgjafa
• Samningurinn felur í sér aukið hlutleysi sem eykur áreiðan-
leika og trúverðugleika vottunar.
Vottun fjármálaráðgjafa er hluti af alþjóðlegri þróun og hefur sú
krafa verið gerð að fjármálaráðgjafar séu með tilskilin réttindi til
að mega veita fjármálaráðgjöf. Sem dæmi fara fjármálaráðgjafar á
Norðurlöndunum í gegnum slíka vottun. Eins og áður hefur komið
fram þá er fyrirmynd Vottunar fjármálaráðgjafa á Íslandi eins og
fyrirkomulagið er í Noregi en þeir hófu vottun árið 2008. Fyrsta
árið var fall mikið eða um 40% en þátttakendur höfðu rétt á að taka
prófin þrisvar sinnum og prófað var í öllum fagþekkingarhlutanum í
einu og síðan eitt raunhæft verkefni. Ef viðkomandi féll í öll skiptin
þá var honum ekki heimilt að taka prófið aftur nema að sýnt hafi
verið fram á að viðkomandi þátttakandi hafi lagt á sig meira nám til
að undirbúa sig fyrir að taka prófið í fjórða skiptið. Fjöldi vottaðra
fjármálaráðgjafa í Noregi sýnir að þeir taka tilgang og markmið
verkefnisins alvarlega.
Á Íslandi er fyrirkomulagið alveg eins uppbyggt að því undanskildu
að prófað er eftir hvern og einn efnishluta þ.e. náminu var skipt
niður í smærri einingar og síðan er eitt raunhæft verkefni.
vOTTun fjármálaráðgjafa
útskriftarhóPur fjármálaráðgjafa 2012