SSFblaðið - 01.06.2013, Blaðsíða 21

21
aNdrés erliNgssoN 2. varaformaður
Andrés Erlingsson er sérfræðingur í CRM (Customer Relationship Management) í Sölu- og þjón-
ustudeild Landsbankans. Andrés hefur starfað innan fjármálageirans í 9 ár en í CRM í 16 ár. Áður starfaði
hann sem verkefnastjóri og ráðgjafi hjá Hugvit hugbúnaðarfyrirtæki og sem sérfræðingur í skjalastjórn hjá Borgar-
skjalasafni. Hann hefur verið trúnaðarmaður hjá bankanum, er varaformaður starfsmannafélagsins og hefur setið í
stjórn þess síðastliðin 7 ár. Andrés gegnir formennsku jafnréttisnefndar Landsbankans. Hann er einnig formaður
Lionsklúbbsins Ægis.
Andrés er giftur Gyðu Sigurlaugsdóttur og eiga þau 2 dætur.
Áhugamálin eru tengd félagsmálum, fjölskyldunni og sumarhúsinu.
aNNa kareN hauksdóttir 1.varaformaður
Anna Karen er formaður starfsmannafélags Íslandsbanka, starfsmaður á skrifstofu félagins og er
varamaður í stjórn Almenna Lífeyrissjóðsins. Anna hefur lokið Rekstrar- og Viðskiptanámi í HÍ og stundar
nám með vinnu í VMV í HÍ. Hún hefur verið stjórnarmaður í SSF síðan 2004 og 1. varaformaður frá 2007.
Hún situr í framkvæmdastjórn, sinnir stefnumótun félagsins, auk þess að vera í kjaranefnd og stjórn Styrktarsjóðs
SSF. Anna hefur átt sæti í stjórn NFU (Nordic Financial Unions) síðan 2009. (SSF er aðili að NFU sem telja 7
aðildarfélög frá öllum Norðurlöndum og 160.000 félaga.)
Anna Karen á tvo syni.
Helstu áhugamál eru félagsmál, golf, fjallgöngur og auðvitað á að taka þátt í Reykjavíkurmaraþoni Íslandsbanka.
aNNa kristíN björNsdóttir gjaldkeri
Anna Kristín er sérfræðingur á viðskiptabankasviði Arion banka. Anna hóf starfsferil sinn innan fjármálageirans
hjá SPRON árið 2000 sem fyrirtækjafulltrúi, var síðan lánastjóri í nokkur ár og um vorið 2008 tók hún við sem
þjónustustjóri fyrirtækjamála og aðstoðarútibússtjóri í Ármúlaútibúi SPRON. Vorið 2009 hóf hún störf sem
sérfræðingur í fyrirtækjalánum á lánaborði viðskiptabankasviðs hjá Arion banka.
Auk vinnu í fjármálageiranum þá hefur Anna Kristín rekið ásamt sambýlismanni sínum, Sturlu Péturssyni,
Hjólbarðaverkstæðið Gúmmívinnustofuna í 10 ár.
Fyrri starfsreynsla eru almenn skrifstofustörf og bókhaldsvinna að afloknu háskólanámi en hún lauk viðskipta-
fræðiprófi frá CBS í Kaupmannahöfn 1998 og fór svo í verðbréfanám árið 2004 og er löggiltur verðbréfamiðlari.
Anna Kristín hefur sinnt jafnræðismálum innan SSF síðustu árin og í samstarfi við önnur stéttarfélög á norður-
löndum sem eru innan NFU.
Anna Kristín er í sambúð og á tvö börn, 19 ára son og 2 ára dóttur.
Helstu áhugamál hennar eru fjölskyldan og ýmis konar útivist. Hún hefur gaman af ferðalögum og fjallgöngum.
stjórN ssf 2013- 2016
Á 45. þingi SSF sem haldið var á Hótel Selfossi dagana 14. – 15. mars sl. var kosin 11 manna stjórn SSF
fyrir kjörtímabilið 2013 - 2016, jafnframt var kosið í stjórnir Menntunar-, Styrktar- og Vinnudeilusjóðs
sem og í helstu ráð og nefndir á vegum SSF. Stjórnina skipa nú nýjir stjórnarmenn í bland við reynslumikið
fólk sem setið hefur í stjórn SSF undanfarin ár. Í stjórn SSF sitja fjórar konur og sjö karlar.