SSFblaðið - 01.06.2013, Blaðsíða 11

11
mP baNki hefur gert tilboð í allt hlutafé í ísleNskum verðbréfum
hf. og hefur tilskiliNN meirihluti eigeNda félagsiNs geNgið að
skilmálum tilboðsiNs. Kaupverð er greitt með hlutabréfum í MP
banka. Þetta kemur fram í fréttatilkynningu frá MP banka. „Sam-
eiginlega verða félögin í hópi þriggja stærstu fyrirtækja á Íslandi á
sviði eignastýringar með um 190 milljarða eignir í stýringu“ segir
í tilkynningunni.
Kaupin eru með fyrirvara um áreiðanleikakannanir og endanlegt
samþykki hluthafa og eftirlitsaðila.
stefNt að skráNiNgu 2014
Í fréttatilkynningunni kemur fram að rekstur Íslenskra verðbréfa hafi
gengið vel og að eigið fé fyrirtækisins hafi numið 453 milljónum
króna í lok síðasta árs. Hagnaður fyrir skatta nam 217 milljónum
króna.
„Ljóst er að kaupin munu styrkja þjónustugrunn félaganna og
töluverðir samlegðarmöguleikar felast bæði á tekju- og kostnaðar-
hlið þessara tveggja fjármálafyrirtækja. Efling starfsemi MP banka á
Norðurlandi og sameinað þjónustuframboð mun auka valmöguleika
viðskiptavina beggja félaga. Hlutfall þóknanatekna í rekstrinum
eykst enn frekar frá því sem nú er. Kaupin eru í samræmi við aðrar
fjárfestingar MP banka sem einkum hafa beinst að því að styrkja
stöðu hans í eignastýringu. Kaupin á Íslenskum verðbréfum eru hins
vegar stærri í sniðum en fyrri fjárfestingar og með þeim er lagður
grundvöllur að nýjum kafla í sögu beggja félaga. Sameinuð starfsemi
skapar leiðandi fyrirtæki á Íslandi á sviði fjárfestingarbankastarfsemi,
með sterka eignastýringu og ört vaxandi eignaleigustarfsemi auk
sérhæfðrar viðskiptabankastarfsemi fyrir lítil og meðalstór fyrirtæki.“
Í tilkynningunni kemur einnig fram að stefnt sé að skráningu MP
banka á hlutabréfamarkað á árinu 2014. Í tilefni kaupa MP banka á
öllu hlutafé Íslenskra verðbréfa sagði Sigurður Atli Jónsson, forstjóri
MP banka að þetta væri stór dagur í sögu MP banka. „Við erum mjög
ánægð með að eigendur Íslenskra verðbréfa hafi valið að koma til liðs við
okkur. Það er mitt mat að kaupin styðji vel við stefnu bankans um að
vera leiðandi á sviði eignastýringar og fjárfestingarbankastarfsemi. Íslensk
verðbréf hafa lengi haft sterka stöðu á sviði eignastýringar. Fyrirtækið
byggir á góðu orðspori og reynslumiklum og öflugum starfsmannahópi.
Að baki félaginu standa traustir aðilar sem ánægjulegt er að fá í
hlutahafahóp MP banka. Saman eru þessi félög sterk og tilbúin að
veita enn betri þjónustu en áður. Það eru forréttindi að fá að taka þátt
í áframhaldandi heilbrigðri og öflugri uppbyggingu íslensks atvinnulífs
með þessum hópi starfsfólks, viðskiptavina og hluthafa“.
hluthafahóPur mP baNka
Hluthafar MP banka eru í dag um 50 talsins. Hluthafar í sam-
einuðu félagi verða á sjöunda tug talsins, þar af 5 lífeyrissjóðir. MP
banki verður sem fyrr eini banki landsins sem er að fullu leyti í eigu
einkaaðila, svo sem lífeyrissjóða, fyrirtækja og einstaklinga. Eignar-
hald bankans er dreift og mun enginn hluthafi fara með yfir 10%
eignarhlut í bankanum í kjölfar samrunans við Íslensk verðbréf.
Hluthafar Íslenskra verðbréfa eru 11 talsins og fá þeir greitt með
nýjum hlutum í MP banka. Fimm hluthafar eiga meira en 10%
hlut í Íslenskum verðbréfum. Þetta eru Íslandsbanki (27,5%),
Íslensk eignastýring ehf. (21,8%), Stapi lífeyrissjóður (15%), Líf-
eyrissjóður starfsmanna sveitarfélaga (14,5%) og Lífeyrissjóður
Vestfirðinga (10,3%).
Nýtt útibú á akureyri
Í fréttatilkynningu MP banka kemur fram að með kaupunum
verði til sterk sjálfstæð fjármálastofnun með rætur í tveimur stærstu
þéttbýliskjörnum landsins. „Áform eru um að efla og breikka þá
þjónustu sem Íslensk verðbréf hafa veitt í höfuðstöðvum sínum á
Akureyri, meðal annars með opnun útibús þar nyrðra. Nýtt útibú
mun bjóða Akureyringum og atvinnulífi á Norðurlandi hefðbundna
viðskiptabankaþjónustu og bíla- og tækjafjármögnun. Eignastýring
sú sem Íslensk verðbréf hafa starfrækt á Akureyri verður efld enn
frekar og viðskiptavinir munu njóta góðs af áratuga langri reynslu
á sviði eignastýringar. Mikil áhersla verður lögð á að viðhalda og
rækta tengsl sameinaðs félags á Norðurlandi. Öflug þjónusta við
atvinnulíf og sparifjáreigendur um allt land er hluti af framtíðarsýn
í tengslum við þessi viðskipti.“
mP banki kauPir
Íslensk verðbréf
vissir þú að...
...fyrsta kreditkortafærslan á Íslandi var gerð í verslun Tékk-Kristals á Laugavegi. Það var árið 1980.
...á Íslandi eru starfræktir um 186 hraðbankar á vegum viðskiptabankanna víðs vegar um landið.
Heimild: Seðlabanki Íslands
...kjarasamningur SSF rennur út þann 30. nóvember 2013. Formlegar viðræður munu hefjast að loknu sumarfríi.