SSFblaðið - 01.06.2013, Blaðsíða 17
17
starfsmaNNafélag almeNNa lífeyrissjóðsiNs gekk Nýverið í
samtök starfsmaNNa fjármálafyrirtækja (ssf). Starfsmannafélagið
var stofnað í júní 2009 en tildrög þess voru þau að Almenni
lífeyrissjóðurinn hóf sjálfstæðan rekstur í maí árið 2009 en sjóðurinn
hafði áður verið rekinn í samvinnu við Íslandsbanka.
Allir starfsmenn sjóðsins höfðu áður verið félagar í SSF og sumir
í tugi ára og var mikill vilji hjá þeim fyrir áframhaldandi aðild að
samtökunum. „Við töldum hag okkar best borgið með því að vera
í samtökum starfsmanna fjármálafyrirtækja þar sem við störfum
á sambærilegum vettvangi og önnur félög innan samtakanna og
því eru úrlausnarefnin samskonar. Með því að vera aðilar að stóru
stéttarfélagi þá njótum við reynslu annara við gerð kjarasamninga,
höfum réttindi í góðum sjúkrasjóði og aðgang að fínum menntunar-
sjóði“ segir Brynja Margrét Kjærnested, formaður starfsmannafélags
Almenna lífeyrissjóðsins.
Hjá Almenna lífeyrissjóðnum starfa 18 starfsmenn á aldrinum
25 til 64 ára. Starfsmannafélagið sér um að fræða starfsmenn um
réttindi þeirra, auk þess að sjá um skemmtanir eins og árshátíð og
jólaskemmtun barna.
telur mikilvægt að bjóða uPP á sumarhús til leigu
Brynja segir það hafa verið fróðlegt að sækja þing SSF fyrir skemmstu
en þar segist hún hafa sannfærst um að þetta séu öflug samtök sem
hæfi þeirra starfsmannafélagi. „Eitt af því sem vakti áhuga minn
var tillaga um að sjóðir SSF keyptu sumarhús til útleigu fyrir
félagsmenn en sú tillaga var ekki samþykkt. Þegar lítil félög eins og
okkar eru að velja sér stéttarfélag þá horfa þau einnig til þess hvort
að stéttarfélögin bjóði upp á sumarhús til útleigu. Ég tel að ef SSF
hefur áhuga á því að auka fjölda aðildarfélaga þá geti það skipt máli
að vera með sumarhús til útleigu“ segir Brynja.
lauNareikNivél
fyrir félagsmeNN
Á heimasíðu SSF er nú hægt að skoða laun í fjármála-
fyrirtækjum, skv. launakönnunum SSF, miðað við til-
teknar forsendur. Launareiknivélin er aðgengileg og
auðveld í notkun og gagnast félagsmönnum SSF í að
bera saman laun sín við meðaltal launagreiðslna fjár-
málafyrirtækja skv. fyrrgreindri könnun.
nÝTT aðilDarfélag að ssf