Sveitarstjórnarmál - 01.09.1945, Qupperneq 47

SVEITARSÍ JÓRNARMÁL
93
ferð bátavéla og bifreiða, og próf í
þessum greinum séu tekin norðanlands
að loknu námi og prófskírteini veitt af
hlutaðeigandi prófdómendum.“
Minnisvarði Jóns Arasonar.
Fjórðungsþing Norðlendinga vill styðja
þá hugmynd Skagfirðinga, að Jóni Ara-
syni verði reistur veglegur minnisvarði á
Hólum fyrir 1950, og skorar á alla Norð-
lendinga að taka höndum saman og
leggja fram fé í þessu skyni og það svo
ríflega, að það megi verða landsfjórð-
ungnum til sóma og vottur þess, að
Norðlendingar kunni að meta minningu
þessa norðlenzka höfðingja."
Skjalasafn Norðlen dinga.
„Fjórðungsþing Norðlendinga felur
framkvæmdaráði að leita til sýslunefnda
og bæjarstjórna um árlegt fjárframlag til
þess að afla afrita af öllum prestþjón-
ustuhókum þjóðskjalasafnsins. Sé þetta
upphaf skjalasafns Norðlendinga, er varð-
veitist sem deild við amtshókasafnið á
Akureyri.“
Flutningsmenn að framanrituðum til-
lögum voru sr. Páll Þorleifsson og Snorri
Sigfússon.
Fjórðnngssjúkrahús.
„Fjórðungsþing Norðlendinga, háð á
Akureyri 14. og 15. júlí 1945, lýsir ánægju
sinni yfir. þvi, að stofna á fullkomið
fjórðungssjúkrahiis á Akureyri, og heitir
á alla aðila að vinna kappsamlega að
fullnaðarlausn þessa mikla velferðarmáls
fjórðungsins og reyndar landsins alls.
Skorar Jiingið á bæjarstjórnic og sýslu-
nefndir að styrkja málið með fjárfram-
lögum, eftir því sem efni standa til. Enn
fremur beinir þingið þeirri ósk til full-
trúa sinna og áðurnefndra héraðsstjórna
að beita sér fyrir almennum samskotum
um Norðurland í því skvni að hrinda
málinu sem fyrst og öruggast í fram-
kvæmd.“
Flutningsmaður tillögunnar: Brynjólf-
ur Sveinsson.
Verzlunar- og siglingamál.
„Þing fjórðungssamhands Norðlend-
inga, haldið á Akureyri 14. og 15. júlí
1945, leyfir sér að skora á ríkisstjórn ís-
lands að beita sér fyrir því, að sein fyrst
verði afnumdar allar hömlur stríðsár-
anna, er torvelda frjálsa vöruflutninga að
og frá landinu. Jafnframt skorar þingið
á Eimskipafélag íslands að hefja aftur
beina vöruflutninga, þ. e. án umhleðslu,
að og frá höfnum norðanlands, svo fljótt
sem við verður komið.“
Flutningsm. tillögunnar: Guðbrandur
Isberg.
Stofnun fglkja eða fjórðunga.
„Fjórðungsþing Norðlendinga, haldið
á Akureyri dagana 14. og 15. júlí 1945,
leyfir sér að skora á stjórnarskrárnefnd
að athuga gaumgæfilega, hvort ekki sé
rétt að taka upp í hin nýju stjórnarskip-
unarlög ákva'ði, er heimili — eða fyrir-
skipi að landið skiptist í 4-6 fylki, sem
fái í hendur nokkurt sjálfstjórnarvald,
jafnframt því að þeim, hverju um sig, sé
ætluð tilsvarandi og eðlileg hlutdeild í
ráðstöfuu á tekjum ríkisins innan sinna
vébanda.
Geti stjórnarskrárnefnd, að áðurnefndri
athugun lokinni, ekki fallizt á ákvæði
um, að fylkjaskipan sé að svo stöddu upp
tekin, þá leyfir fjórðungsþingið sér að
leggja áherzlu á það, að stjórnskipunar-
lögin veiti á annan hátt svigrúm til lög-
gjafarþróunar í þá átt, að sérmálmn hér-
aða — eða samband þeirra á milli — geli
fjölgað.“
Flutningsmenn tillögunnar: Jón Gauti
Pélursson og Karl Kristjánsson.
Fjórðungsráð til næstu þriggja ára
skipa: Sr. Páll Þorleifsson, Skinnastað,
Karl Kristjánsson oddviti, Húsavík, og
Brynjólfur Sveinsson menntaskólakenn-
ari, Akureyri, og til vara: Snorri Sigfús-
son námsstjóri, Guðbrandur ísberg sýslu-
maður og Þorsteinn Símonarson bæjar-
fógeti, Ólafsfirði.