Sveitarstjórnarmál - 01.06.1952, Qupperneq 44

40
SVEITARST J ÓRNARMÁL
/ r
Arnasafn á Islandi.
Fornbókmenntir vorar eru dýrmætir fjár-
sjóðir. í þær sótti þjóðin og sækir enn orku
og andlegt veganesti.
Hin fornu handrit voru þjóðinni í senn
ómetanlegt yndi og aflgjafi í frelsis- og sjálf-
stæðisbaráttu hennar. Af blöðum þeirra voru
lesin þau sannindi, er vörðuðu veginn og vís-
uðu leiðina út úr myrkviði ófrelsis og erfið-
leika.
Því miður fluttist meginið af handritunum
úr landi. Nú er unnið að endurheimt þeirra.
íslendingar eiga að byggja veglegt hús yfir
handrit sín. Allir sem einn verða að leggja
stein í þá byggingu.
Landsnefnd hefur verið mynduð til fjár-
öflunar. Ávarp frá henni hefur birst í dag-
blöðunum.
Samband ísl. sveitarfélaga skoraðist ekki
úr leik um þátttöku. Það vildi fúslega leggja
sitt lóð á vogarskálina og stuðla þannig, eftir
beztu getu, að framgangi merkilegs rnáls,
sem borið er fram af virðingu við forn fræði
og af sögulegri nauðsyn.
Sveitarstjórnarmál vilja því hér með
fyrir hönd Sambands ísl. sveitarfélaga beina
þeim tilmælum til allra sveitarstjórna á land-
inu, að þær eigi þátt að því að afla fjár til
þessarar væntanlegu handritasafnsbvggingar,
hver á sínum stað; með framlögum úr sveit-
arsjóðum, rneð hvatningu og fyrirgreiðslu
svo að þjóðin öll eigi óskiptan hlut að söfnun
þessari.
Ekkert aðalatriði er það, að stórar fjár
hæðir séu látnar af hendi, um það ber að taka
tillit til efna og ástæðna, heldur hitt, að
þátttakan verði sem allra almennust. Á það
má benda, að nú þegar hafa nokkur sveitai
félög ákveðið að greiða framlög úr sveitar
sjóði miðað við 1—2 kr. af hverjum íbúa sveit
arfélagsins. Æskilegt væri, að fleiri sveitar-
félög gerðu slíkt hið sama.
Allir, sem einhvers eru megandi, fá nú
tækifæri til að greiða garnla skuld fyrir skrif-
uð bókfell frá löngu liðnum öldum, sem
öllu framar hafa varðveitt íslenzka tungu og
þjóðarsál.
Tilkvnningar um framlög ber að senda
F/arsöfnunarnefnd handritasafnsbyggingar,
Háskóla íslands, Reykjavík.
Einnig tekur skrifstofa Sambands ísl.
sveitarfélaga, Klapparstíg 26, Reykjavík, Box
1079, við fjárgjöfum og kernur þeim til réttra
aðila.
NÝR MEÐLIMUR.
Á stjórnarfundi Sambands ísl. sveitarfélaga
5. maí s. 1., var tekin til meðferðar umsókn
frá Kelduneshreppi í N.-Þing. um inngöngu
í sambandið.
Stjórnin samþykkti umsóknina í einu
hljóði og bauð hið nýja sveitarfélag velkom-
ið í sambandið.