Sveitarstjórnarmál - 11.06.1995, Blaðsíða 8

SVEITARSTJÓRNARMÁL
Félagsmálaráðherra:
Afmæliskveðj a
Einn mikilvægasti þáttur stjórnsýslunnar eru sveitarfélögin í land-
inu. Þau eru með nokkrum hætti næst fólkinu og þau eru og eiga að
vera aðgengileg fyrir borgarana. Þeir eiga skamma leið og greiða á
fund sveitarstjórnarmanna sinna og ákvarðanir sveitarstjórna snerta
fjölmarga þætti daglegs lífs og umhverfis. Því er það mjög mikilvægt
að sveitarstjórnir séu vel skipaðar og þess umkomnar að skapa
farsælan ramma um hið daglega líf sinna umbjóðenda.
Samband íslenskra sveitarfélaga gegnir miklu hlutverki sem sameig-
inlegur vettvangur sveitarstjórnanna. Þar ráðgast menn um það
hvernig tekið skuli á verkefnunum og jafnframt er sambandið sam-
skiptaaðili við ríkisvaldið. Ég mun kappkosta þann tíma sem ég verð í
félagsmálaráðuneytinu að endurreisa það traust sem þarf að ríkja milli
ríkis og sveitarfélaga en á því varð nokkur misbrestur á síðustu árum.
Sveitarstjórnarmenn eru yfirleitt stórhuga og vilja taka við verk-
efnum af ríkinu enda fái þeir fjárráð til að standa sómasamlega að
þeim. Það er æskileg þróun af því að sveitarstjórn veit oft betur
vegna nálægðar hvað hentar best á hverjum stað. Næsta stóra verk-
efnið sem sveitarfélögin taka við af ríkinu er grunnskólinn. Mikið og
vandasamt verk er óunnið í undirbúningi þess og því þarf að hraða
svo sem kostur er. Mismunandi stærð og bolmagn hinna einstöku
sveitarfélaga gerir yfirtökuna flóknari en ella en þó hvergi óleysan-
lega ef félagsþroski er fyrir hendi.
Tilraunin með reynslusveitarfélögin er að hefjast. Fróðlegt verður
að fylgjast með þróun mála þar og lærdómar verða af þeim dregnir.
A næstu árum þurfa ríki og sveitarfélög að vinna náið saman að
fjölmörgum málum. Ég nefni sérstaklega baráttuna gegn atvinnu-
leysinu, húsnæðismál og jafnréttismál. Sveitarstjórnir hafa sumar
verið mjög framkvæmdaglaðar á undanförnum árum og skuldastaða
sumra sveitarfélaga er orðin mikið áhyggjuefni.
Ég vil á þessum tímamótum árna Sambandi íslenskra sveitarfélaga
allra heilla, þakka góð störf á undangengnum 5 áratugum og óska
því farsældar í framtíðinni.
6
Páll Pétursson
félagsmálaráðherra