Sveitarstjórnarmál - 11.06.1995, Blaðsíða 125

SVEITARSTJÓRNARMÁL
minna síðustu áratugi. Og á vettvangi Sambands íslenskra sveitarfé-
laga hafa þessi mál lítt verið á dagskrá þau hin síðari árin.
Frá Selfossi.
Ljósm. Emil Þór Sigurösson.
Velferð á grundvelli samhjálpar
Árið 1991 voru sett ný lög um félagslega þjónustu. Markmið skyldi
vera að tryggja fjárhagslegt og félagslegt öryggi og stuðla að velferð
á grundvelli samhjálpar. Félagsþjónustan tekur til eftirfarandi mála-
flokka: félagsmálaráðgjafar, fjárhagsaðstoðar, félagslegrar heima-
þjónustu, málefna barna og ungmenna, þjónustu við unglinga, dag-
vistar barna, þjónustu við aldraða, þjónustu við fatlaða, húsnæðis-
mála, aðstoðar við áfengissjúka og vímuefnavarna og atvinnuleysis-
skráningar og vinnumiðlunar.
Sambandið fjallaði um frumvarp til þessara laga og var umsögnin
mjög jákvæð. Nokkrar athugasemdir voru gerðar og var tekið fullt
tillit til þeirra. Talið var víst að lagasetningin hefði ekki í för með sér
útgjaldaaukningu fyrir þau sveitarfélög sem buðu upp á alla lög-
boðna þjónustu við gildistöku þeirra. Félagsmálanefndir eða -ráð
sveitarfélaganna skyldu hafa framkvæmdina með höndum. Þau
skyldu til dæmis sjá til þess að börn fengju notið hollra og þroska-
vænlegra uppvaxtarskilyrða og leitast við að tryggja öldruðum hent-
ugt húsnæði, skipuleggja félagslega heimaþjónustu og forvarnarstarf
í málefnum unglinga.
123