Sveitarstjórnarmál - 23.06.2011, Síða 16

viðtal mánaðarins
opnuðu leikskólann sem fyrsta heilsuleik-
skólann á íslandi."
Sigrún Hulda segir að mikill áhugi hafi
vaknað á meðal annarra kennara fyrir stefnu
skólans og einnig hafi verið hafist handa við
að setja hugmyndafræðina fram á aðgengi-
legan háttfyriralmenning. „Hugmyndafræðin
var fyrst kynnt opinberlega haustið 1998 og
nú, 13 árum sfðar, starfa 18 leikskólar eftir
Heilsustefnunni víðsvegar um landið."
Borðhaldið skiptir miklu máli
En þá að næringunni. Sigrún Hulda bendir
á að hollt fæði sé grunnur að almennri
heilsu einstaklingsins, líkamlegri og andlegri
vellíðan sem stuðli að þroska, ónæmi og
frammistöðu alla ævi. „( æsku er fæðuval
sérstaklega mikilvægt vegna þess að á því
tímaskeiði fer vöxtur hvað örast fram en
einnig þarf að gæta þess að barn neyti nægi-
legs vökva. Lögð er áhersla á að börnin fái
hollan og næringarríkan mat úr sem flestum
fæðuflokkum og að sykur, fita og salt séu
notuð í hófi við matargerð eins og markmið
manneldisráðs kveða á um."
Hún segir að f heilsuskólanum fái börnin
tækifæri til að læra að meta grænmeti,
ávexti og kornmeti og venjast því að vilja fjöl-
breytni frekar en einhæfni í fæðuvali. Þetta
sé hugsað sem forvarnastarf sem vonandi
skili sér seinna meir í heilbrigðum lífsstíl barn-
anna og vinni gegn offitu og öðrum fæðu-
tengdum kvillum og sjúkdómum. í því sam-
hengi séu matseðlar gerðir í samráði við
næringarráðgjafa leikskólans.
„Matartíminn á að vera notalegur tími þar
sem öllum líður vel. Matartímar og borðhald
hafa mikið uppeldislegt gildi og þar gefast
tækifæri til skemmtilegra og fræðandi um-
ræðna. Leikskólakennarar borða með börn-
unum og áhersla er lögð á að börnin læri
almenna borðsiði. Þau leggja á borð,
skammta sér sjálf á diskana, nota hníf og
gaffal, hella sjálf í glas, aðstoða hvert annað
og ganga frá allt að því marki sem geta
þeirra og þroski leyfir. Þetta er þáttur í upp-
eldi þeirra til sjálfstæðis og sjálfsbjargar,"
segir hún.
Útiveran hefur góð áhrif
„Og þá komum við að hreyfingunni," heldur
Sigrún Hulda áfram. „Við leggjum mikla
áherslu á að börnin fái notið sín í mismun-
andi hreyfingu og þar er leikurinn lagður til
grundvallar um leið og unnið er að því að
þjálfa jafnvægi, samhæfingu hreyfinga sem
og að efla kraft og þor."
Hún segir hreyfingu stuðla að líkamlegri
og andlegri vellíðan, gleði og einnig snerpu
og þori. Iþróttir skipi því stóran sess í starfi
leikskólans. „Með markvissri hreyfiþjálfun
eflist alhliða þroski barnsins. Góða líkamleg
færni leiðir af sér ánægðara og sjálfsöruggt
barn sem á auðveldara með að leika sér og
tileinka sér þekkingu. Markviss hreyfiþjálfun
hefur einnig áhrif á málskilning barna, örvar
hugtakaskilning þeirra og eykur leikgleði.
Útivist og gönguferðir gefa fjölbreytta mögu-
leika á margvíslegri hreyfingu og því er rík
áhersla lögð á að börnin fari út daglega og
þá gjarnan bæði fyrir og eftir hádegi. Hjá
okkur heyrir til undantekninga ef börn eru
látin vera inni sökum veðurs."
16