Sveitarstjórnarmál - 01.11.2013, Page 5

Forystugrein
Tónlistarfræðsla
Eins og sveitarstjórnarfólki er vel kunnugt var samningur um aðkomu ríkisins að
tónlistarfræðslu undirritaður í Hörpu í maí 2011. Náðist sá áfangi eftir margra ára
samningaumleitanir, sumir vilja kalla það þref, um aðkomu ríkisins að fjármögn-
un framhaldsstigsins í tónlistarkennslu. Samningurinn gengur út á að sveitarfélög
taka að sér verkefni á móti og lendir það nokkuð misjafnlega á sveitarfélög-
unum. í sumum tilfellum fá þau aðeins reikninginn fyrir verkefninu á móti en
geta ekki eða þurfa ekki að nýta sér fjármagn frá ríkinu þar sem enginn nemandi
er á framhaldsstigi í viðkomandi sveitarfélagi.
Þrátt fyrir góðan vilja í upphafi og væntingar um að samningurinn frá 2011
leysti málin varðandi framhaldsstig tónlistarfræðslu eru margir agnúar á fram-
kvæmd þeirra mála. Einn er misjöfn dreifing fjármuna, annar er ákveðin óvissa
um fjármögnun því hún byggist árlega á þvl hvað ríkið leggur til verkefnisins.
Þriðja agnúann mætti svo nefna sem er gríðarlegur tími fulltrúa ríkis og sveitar-
félaga sem fer í samningaviðræður og samningagerð á hverju ári. Það fer einfald-
lega allt of mikill tími í þetta verkefni og óvissan er of mikil því aftur og aftur
gerist það að skólaárið hefst án þess að sveitarfélögin/tónlistarskólarnir hafi vissu
um hver fjármögnunin verður.
Lausnin á þessu er að mati undirritaðs fólgin í því að marka ákveðnar tekjur til
sveitarfélaga sem fara í gegnum Jöfnunarsjóð sveitarfélaga. Þetta má gera með
því að semja um ákveðið hlutfall sem færi á milli útsvars og tekjuskatts.
Skattgreiðandinn væri að borga sömu töluna, ekki væri um skattahækkun að
ræða heldur millifærslu milli ríkis og sveitarfélaga. Um leið yrði hætt að láta sveit-
arfélög taka að sér ákveðin verkefni á móti. Stærsti hluti þessara fjármuna fer til
borgarinnar þar sem mest er um framhaldsnám í tónlist þar og til að tryggja
réttláta dreifingu fjármagns, í samræmi við framboð menntunar á framhaldsstigi
í tónlist, væri framkvæmdin í höndum Jöfnunarsjóðs sveitarfélaga.
Halldór Halldórsson
formaður

Danfoss tengigrindur
Fyrir neysluvatns-, ofnhita-, gólfhita-,
snjóbræðslukerfi, setlaugarog fl.
Sérhannaðar fyrir íslenskar aðstæður.
Áratuga reynsla stjórnbúnaðar
við íslenskar hitaveituaðstæður.
Við erum leiðandi í hönnun og framleiðslu á
stjórnbúnaði og tengigrindum fyrir hitakerfi.