Morgunblaðið - 02.11.2011, Page 10

Á safnarasýningu Upplits verður
meðal annars hægt að skoða gömul
lækningatæki, fingurbjargir og miða
af sardínudósum svo aðeins fátt eitt
sé nefnt. Það er Upplit, Menning-
arklasi uppsveita Árnessýslu, sem
stendur fyrir sýningunni en hún fer
fram í Félagsheimilinu á Flúðum
næstkomandi laugardag.
Vilja opna umræðuna
„Upplit, Menningarklasi uppsveita
Árnessýslu eru grasrótarsamtök sem
standa fyrir mánaðarlegum uppá-
komum. Í vor datt okkur í hug að
safna saman gripum frá fólki sem
ætti einkasöfn. Söfnunin er oft dálít-
ið prívat en með þessu viljum við
gefa söfnurum færi á að hittast og
opna umræðu um söfnun. Fólk var al-
veg til í að sýna söfnin sín eftir að við
útskýrðum fyrir því að við værum
ekki endilega að leita að stórtækum
söfnurum heldur frekar einhverju
sem væri óaðskiljanlegt við fólk,“
segir Skúli Sæland, annar sýning-
arstjóri sýningarinnar.
Dýrin hugleikin
Nú hafa þegar rúmlega 20 safnarar
boðað komu sínu og segir Skúli að
þeir verði vonandi fleiri en sumir
koma með fleiri en eitt safn. Meðal
safnaranna er stórtækur pennasafn-
ari. Hann hefur safnað pennum árum
saman og á nú á bilinu 30-40.000
penna. Annari safnari er kona sem
mun sýna safn af miðum af norskum
sardínudósum. Þeim safnaði hún
mikið sem krakki en Skúli segir að
fæstir hendi söfnunum sem þeir hafi
byrjað á. Hann segir nokkuð áberandi
í þessum söfnum vera eitthvað sem
tengist dýrum, t.d. fuglum og hest-
um. Þau virðist fólki hugleikin, en
sjálfur ætlar Skúli að sýna litlar vín-
flöskur sem hann hefur safnað í
gegnum árin.
Morgunblaðið/Jim Smart
Frímerkjasafn Sýningunni er ætlað að leiða saman safnara og opna fyrir umræðuna um söfnun.
Morgunblaðið/Jim Smart
Skrautlegar Fingurbjargir verða til sýnis, þó ekki nákvæmlega þessar.
Morgunblaðið/Sverrir
Söfn Fólk safnar ýmis konar hlutum að sér, allt eftir áhuga hvers og eins.
Safnarasýning á Flúðum
Söfnun er oft dálítið prívat
10 DAGLEGT LÍF
MORGUNBLAÐIÐ MIÐVIKUDAGUR 2. NÓVEMBER 2011
Kristín Heiða Kristinsdóttir
khk@mbl.is
„Ég var stödd hér inni í þessari
yndislegu málstofu, umvafin göml-
um bókum og handritum, þegar
hrunið reið yfir land og þjóð og
hugsaði með mér: Þetta er senni-
lega öruggasti staðurinn til að vera
á við þessar aðstæður, því hér
heldur allt verðmæti sínu. Við eig-
um þó alltaf þetta,“ segir Eva
María Jónsdóttir sem leggur stund
á meistaranám í miðaldafræðum.
Nýlega kom út bókin Dans vil ég
heyra, sem er afrakstur samstarfs
Evu Maríu og Óskars Jónassonar.
Bókin sú geymir sagnadansa og
lausavísur handa börnum sem Eva
María fann í fornum íslenskum rit-
um. Um myndskreytinguna sá Ósk-
ar.
„Þetta þótti afskaplega óprakt-
ískt nám en ég hef aldrei fengið
jafn margar viðskiptahugmyndir
eins og eftir að ég byrjaði í mið-
aldafræðunum. Þetta er bara byrj-
unin.“
Amma hélt að henni ljóðum
Eva María segir að sennilega
megi rekja áhuga hennar á rímum
og kveðskap til þess að í uppvext-
inum hafi amma hennar Ingibjörg
Snæbjörnsdóttir séð um að halda
að henni ljóðum og kvæðum. „Þetta
voru Davíð Stefánsson, Steinn
Steinarr, Þórbergur, Tómas og
fleiri aðgengileg ljóðskáld. Þegar
ég sjálf komst á barneignaaldur þá
fékk ég áhuga á að kveða fyrir
börn. Ég kvað fyrir frumburðinn
minn hana Matthildi og henni
fannst það sjálfsagt og eðlilegt, án
þess að ég væri eitthvað með þetta
á heilanum. Ef við vorum kannski á
leið yfir Breiðafjörð þá kvað ég
eitthvað fyrir hana sem ég kunni
um þann fjörð og ef við gengum
framhjá fallegum læk þá kvað ég
kannski vísu um læk. Ég kann
samt ekkert mikið, mér finnst
þetta bara skemmtileg dægradvöl
og dætur mínar kunna heilmikið að
kveða, alveg ómeðvitað, þetta hefur
síast inn. Þær söngla stundum fyrir
sjálfar sig, rétt eins og önnur
börn.“
Hún segir að sagnakvæðin hafi
sennilega verið algeng skemmtun á
sínum tíma. „Hugmynd mín að bók
var alltaf sú að þetta yrði fyrir
börn, því þau eru opin fyrir öllu
sem er skemmtilegt, hvaðan sem
Eins og að læra
að lesa upp á nýtt
Hún hefur óbilandi áhuga á miðaldafræðum og hefur tekið forna sagnadansa og
gert þá aðgengilega í bók fyrir börn. Hún segir börn vera opin fyrir öllu sem er
skemmtilegt, hvaðan sem það komi. Hún telur að gott geti verið að hræða börn í
góðu hófi heima hjá sér til að búa þau undir lífið. Svo þau verði ekki berskjölduð.
Morgunblaðið/Kristinn
Gull Eva María á málstofunni með Fornkvæðabók Gissurar Sveinssonar.
Þeir sem hafa hug á að búa til sín eig-
in jólakort ættu nú að fara að huga að
slíku enda getur slík gerð tekið nokk-
urn tíma. Víða á netinu má finna
þægilegar leiðbeiningar og á youtube
er að finna ýmiss konar kennslu-
myndbönd. Í myndbandinu sem slóð-
in vísar á hér að ofan er sýnt hvernig
megi búa til einföld jólakort. Skref
fyrir skref er sýnt hvernig best er að
klippa niður pappír í kortið og útbúa
síðan litríka pappírsrenninga og
klippa út jólatré til að skreyta kortið
með. Líma þetta síðan saman þannig
að úr verði fallegt kort.
Maður þarf jú ekki endilega að búa
til alveg eins en það getur verið fínt
að horfa á svona myndbönd til að fá
góðar hugmyndir. Svo er bara að
byrja nógu snemma svo maður hafi
nú líka tíma til að skrifa á öll kortin
og lendi ekki í stressi við að koma
þeim í póst í tæka tíð.
Vefsíðan www.youtube.com/watch?v=9CBRe0TDypg&feature=related
Sæt Alls konar skemmtileg kort er hægt að búa til eða kaupa fyrir jólin.
Auðveld kortagerð frá a til ö
Félag þjóðfræðinga á Íslandi stendur á fimmtudaginn fyrir hádegisfyrirlestri í
samvinnu við Þjóðminjasafn Íslands. Er þetta annar fyrirlesturinn í fyrir-
lestraröð vetrarins þar sem þjóðfræðinemar kynna lokaritgerðir sínar. Að þessu
sinni stígur Eiríkur Valdimarsson í pontu en í MA-ritgerð sinni fjallar hann um
alþýðlegar veðurspár Íslendinga fyrr á öldum og í samtímanum. Saga íslenskra
veðurspáa er rakin frá og með eldri rituðum heimildum og þannig skoðað hve
mikil áhrif veður hefur öldum saman haft á menningu og afkomu Íslendinga.
Fyrirlesturinn er opinn fyrir alla og er haldinn í Þjóðminjasafni Íslands.
Endilega …
… kynnið ykkur áhrif veðursins
Morgunblaðið/Ernir
Kvöldsól Saga íslenskra veðurspáa verður rakin í hádegisfyrirlestri á morgun.
Skannaðu kóðann
til að fara inn á
vefsíðuna.