Morgunblaðið - 02.11.2011, Qupperneq 36

MIÐVIKUDAGUR 2. NÓVEMBER 306. DAGUR ÁRSINS 2011
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Andlát: Eiríkur Guðnason
2. Bar ekki ábyrgð á banaslysi
3. Andlát: Einar B. Pálsson
4. Ronaldo sendi út nektarmynd …
»MEST LESIÐ Á mbl.is
FÓLK Í FRÉTTUM
 Eldfjall, kvikmynd Rúnars Rúnars-
sonar, hlaut aðalverðlaunin í flokkn-
um Meeting Point á kvikmyndahátíð-
inni Seminci í Valladolid á Spáni sl.
helgi. Flokkurinn Meeting Point er
helgaður fyrstu kvikmynd leikstjóra.
Eldfjall hlaut
verðlaun á Seminci
 Íslenskir djass-
leikarar verða í
sviðsljósinu á
London Jazz
Festival laug-
ardaginn 12. nóv-
ember. Þá koma
fjórar djasssveitir
fram í Barbican
Centre. Þeir sem
fram koma eru Samúel Jón Sam-
úelsson Big Band, Frelsissveit Nýja
Íslands, Ómar Guðjónsson hljómsveit
og Tríó Sunnu Gunnlaugs.
Íslenskur djass á
London Jazz Festival
 Fyrsta veggspjald væntanlegrar
kvikmyndar Baltasars Kormáks,
Contraband, er nú komið á netið og
kvikmyndavefurinn Empire birtir
smáfrétt í tilefni
af því. Vegg-
spjaldið má sjá
hér til hliðar.
Contraband verð-
ur frumsýnd í
Bandaríkjunum
13. janúar og í
Bretlandi 16.
mars.
Veggspjald fyrir
Contraband á Empire
Á fimmtudag Austlæg átt, víða 5-10, en NA 13-18 m/s NV-til fram
eftir degi. Rigning en slydda NV-til í fyrstu. Hiti 0 til 7 stig.
Á föstudag SA-læg átt, 5-10 m/s. Hiti 2 til 10 stig.
SPÁ KL. 12.00 Í DAG Norðaustan 13-20 m/s, hvassast um landið
NV-vert en mun hægari SA-lands. Snjókoma eða éljagangur NV-til,
og slydduél eða él N- og NA-lands en en allvíða léttskýjað syðra.
VEÐUR
APOEL Nicosia frá Kýpur
situr í toppsæti G-riðils í
Meistaradeild Evrópu í
knattspyrnu. APOEL hefur
ekki tapað í fjórum leikjum í
keppninni og vann í gær-
kvöldi portúgalska stórliðið
Porto 2:1 á Kýpur. Þetta lítt
þekkta félag er því á góðri
leið með að komast í 16-liða
úrslit keppninnar en það er
nokkuð sem fáir, ef nokkrir,
bjuggust við áður en keppn-
in hófst í haust. » 2
Litla liðið frá Kýp-
ur fer á kostum
Körfuknattleiks-
maðurinn Helgi
Már Magnússon
spilar á þessari
leiktíð með sínu
þriðja liði í Svíþjóð en
hann gekk í raðir Stock-
holm 08 fyrir tímabilið.
Helgi Már er eini út-
lendingurinn í
Stokkhólmslið-
inu og hann
kann vel við
sig hjá því.
»3
Helgi Már er ánægður
hjá nýju félagi
„Þetta var alveg hrikaleg óheppni,
það voru ekki nema þrjár sóknir eftir
af æfingunni þegar ég meiddist,“
sagði Einar Ingi Hrafnsson hand-
knattleiksmaður, sem varð fyrir því
óláni að brotna á hægri hendi á
fyrstu æfingu íslenska landsliðsins í
handknattleik í vikunni en Einar var
þá valinn í hópinn í fyrsta sinn. »1
Handarbrotnaði á fyrstu
æfingu með landsliðinu
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ingveldur Geirsdóttir
ingveldur@mbl.is
Heimildarmyndaflokkurinn Maður
og jörð sem er nú sýndur á mánu-
dagskvöldum í Sjónvarpinu mældist
með 27,7% áhorf í síðustu fjölmiðla-
mælingu Capacent. Er það meira
áhorf en á kvöldfréttir RÚV. Aðeins
er horft meira á Útsvar og Landann
en þennan vandaða heimild-
armyndaflokk BBC sem er í átta
þáttum. Það þekkja því margir
landsmenn orðið rödd Gunnars Þor-
steinssonar sem er þulur þáttanna
auk þess sem hann þýðir þá. Það
mætti kalla hann manninn með nátt-
úrulífsmyndaröddina. En hver er
þessi maður?
„Ég er búinn að vera í föstu starfi
þýðanda á Ríkisútvarpinu í rúm
tuttugu ár. Ég fór að vinna við þýð-
ingar beint úr háskóla og hef verið í
þeim í aldarfjórðung nú,“ segir
Gunnar. Hann hefur tekið að sér
þularstörf endrum og sinnum síðan
hann byrjaði á RÚV en man ekki
hvenær hann var fyrst fenginn í það
verk. „Trúlega hefur það verið heim-
ildarþáttur sem ég þýddi og var
ákveðið að láta mig lesa líka.“
Gunnar segir annars upp og ofan
hvort svona efni er textað eða þulið
og því líði oft langur tími á milli
verkefna. „Það er svo lítið um að er-
lent efni sé þýtt og þulið. En ef efnið
býður upp á það finnst mér einboðið
að gera það. Þegar myndskeiðin eru
svona frábær eins og í Manni og jörð
finnst mér til bóta að skjátexti sé
ekki að þvælast fyrir.“
Náttúrulegir hæfileikar
Breski stórleikarinn John Hurt
les inn á þættina á ensku. Gunnar er
ekki að reyna að stæla hann að öðru
leyti en að halda blænum sem er á
ensku útgáfunni. Rödd Gunnars er
djúp, yfirveguð og skýr, fullkomin
fyrir náttúrulífsþætti segja sumir.
Hæfileikarnir eru líka algjörlega
náttúrulegir. Gunnar hefur ekki far-
ið í raddþjálfun eða annað slíkt en
segist líklega njóta góðs af því að
vera að lesa sinn eigin texta. Hann
hefur enn sem komið er ekki orðið
var við það að fólk úti á götu þekki
rödd hans og vonast til að það fari
ekki að gerast. „Það er aðeins fólkið
í kringum mig sem er eitthvað að tjá
sig. Þetta eru frábærir þættir og ég
veit að það eru margir að horfa.“
Heimildarþættir um náttúruna og
lífið á jörðinni hafa lengi verið í
uppáhaldi hjá Gunnari. Hann var
líka þýðandi og þulur þáttanna Jörð-
in sem voru sýndir í Sjónvarpinu
fyrir nokkrum árum. „Ég hef gaman
af þessu en læt það vera að ég sé
orðinn alfróður í svona efnum,“ segir
Gunnar og hlær.
Maðurinn með röddina
 Gunnar Þor-
steinsson er þulur
Manns og jarðar
Morgunblaðið/Árni Sæberg
Röddin Gunnar Þorsteinsson er þulur þáttanna Maður og jörð sem eru sýndir á mánudagskvöldum í Sjónvarpinu.
Auk þess þýðir hann þættina en hann hefur unnið við þýðingar hjá Ríkisútvarpinu í rúm tuttugu ár.
Ljósmynd/Timothy Allen
Maður og jörð Ung stúlka úr Huli-þjóðflokknum umkringd körlum úr sama
þjóðflokki. Þau búa á hálendi Papúa Nýju-Gíneu.